Miqueas 1:8 - La'aqtaqa Ñim Lo'onatac 'Enauacna 2013

⁸ Qaq souaxat de'era nache aỹem ñeỹeetac qome souaxat da lta'araic ỹaquicoxo, qataq qaicaua caua ỹapela'ate da sequeuotapigui' qataq sootauec, qataq sheeta'am na qa'alaq da dalacotac qataq na mañec llalec da nỹeetac.

Toba del Oeste

⁸ Chane'eja male ñoyen, jalcote da'me jayem totelegue; male nayi ja ja'uo yapela', chayovida'a jayem jale'tague nayi; ja'alaqatac, jena'am joga'me pioĝodalo; uotaĝa ñoyetac, jena'am ga'me mañic c'oĝot.

Miqueas 1:8 Referans Kwoze

Isaías 22:4

Qaq ỹoqo'oye aỹem shenapec: Ñaq aỹem qauỹocheelec qome, cha'aye sauotaique da ñeỹen souaxat da lta'araic ñiqui'ic, qaq saishet qome da aỹem qaua'añaqchichi, cha'aye ỹataqta qailaxachigui na ỹalamaxat ihuo' le'ecpi.

Jeremías 9:19

Cha'aye ye Sión chemaqtega da na'alaxac souaxat da qui'ic, ¡'Agai, seviraqta'aguet da qomi' qanlaxaayiñi! ¡Ỹataqta lta'araic da qane'enaguec maye souaqaigui! Nache qomi' iuen da qolaqa'ai na qana'alhua, cha'aye na qarma'pi ỹataqta nlachiguiñi.

Jeremías 9:10

Qanỹeñi qataq qana'alaqaitapiguiñi souaxat ana qasoxonaxapi, qauo'oñi ca choxoraqta no'onec souaxat nam nquia'axanataxanaqa'pi, cha'aye mashe ỹavicta, qataq qaica ca quetalec namayepi, qataq mashe saishet da qaỹa'aqtega ca nnoinaxac na shiguiỹacpi, qataq ivira'a na maỹopi qataq na shiguiỹacpi da datauec.

Jeremías 9:1

¡Da iyaxa da naua ỹa'ai'te, 'eeta'ama ca mpaxaatasheguem 'etaxat, qataq 'eeta'am ca la'auaxac da yaqto' ñeỹeetac ye na'a'q qataq ye pe, souaxat so leuaxaicpi na ihuo' le'ecpi!

Jeremías 4:19

¡Ỹataqta mashe sa ñalo'oguet da ñequi'ic! ¡Ỹataqta seuet añi iquiyaqte! ¡Saishet da ñamaañi qataq saishet da she'emaqta! Cha'aye sa'aqtega da l-lamaxa ana nasheere qataq da na'alaxac da qaỹa'alaqtalec da alaataxac.

Isaías 21:3

Na ỹo'oc qalaq ỹataqta imauec da daỹalli, qataq ỹataqta ñeviitiguiñi da ñiqui'ic, sheeta'am aca 'alo da deco'otapigui', da ỹachetataic qalaq ỹo'ot da sa sa'aqa, qataq da ỹi'iỹaxa ỹo'ot da sa ñauaañi.

Isaías 16:9

Qaq ỹoqo'oye nagui ñeỹen souaxat yem uva lma'pi ye Sibemá, qataq ye Jazer, qataq secoldec naua ỹache' souaxat ye Hesbón qataq ye Eleale, cha'aye da ivita da qanqat na ala na nañiguishec, qalaq nda'a't da na'alaxac da alaataxac qaỹa'aqtega.

Isaías 13:21

Nacherata da hueta'a qome yemaye ca copaicpi, qaq na nỹecpi qalaq nlaxagui qome aca chiyetpi, qataq hueta'a qome yemaye ca mañecpi qataq nquishesteguelec yemaye aca huauec quetaqpi.

Salmos 102:6

Nache sheeta'am aca chiyet da hueta'a ca toolec 'alhua, qataq aca huoqo' da hueta'a ca mashe nlachiguiñi.

Da na'aqtaguec so Job 30:29

Sevira'a da 'eco' ỹaqaỹañicpi na shiguiỹacpi dequi'iỹapec, qataq 'eco' ñauochaxaua na mañecpi.

1 Samuel 19:24

qaq co'ollaq ivita yemaye, nache nqa't soua alogo, qaq nache huetauec da da'aqtaxaatac datato'ot so Samuel imauec se'eso na'a'q qataq se'eso pe. Qaq nache chegoqteuo'o' de'era na'aqtacaic naxa maye, 'eeta': «¿Qache nataqa'en so Saúl da na'aqtaxanaxanec?»

Isaías 13:22

Na nỹecpi maye qanpaxattaua'a qalaq dalacotapoigui qome aca huaxaỹaxapi, qataq nam ỹataqta 'onaxaic nỹecpi lta'araicpi qalaq hueta'a qome ca qa'alaqpi. 'Am Babilonia mashe nayeetai' ca 'araloqo', qaq mashe saqaỹarauec naua na'axa'te maye qouetaiguilo.»

Isaías 32:11

Qami' 'alpi maye qaica ca qarhuogoqoi, ña qaviloxolli qome, qami' maye qaica ca qandaqaitaique, ña qami' cholaxa'n qome, qanqache' qome naua qarpotolli' nache qaỹa'añiiyiñi caua qarpotolli' maye sansattegueta maye la'anaxat da qanqui'iqui.

Ezequiel 32:18

«'Am shiỹaxaua 'auauaxaiguet qome na 'alpi maye chegaqa'a na ỹotta'at shiỹaxauapi, da 'auo'on da no'onec da huo'o na ileu, da 'auo'onaxaalec ye qalota nhuo' le'ecpi ye Egipto, qataq na lataxala'pi, qoneta': Na 'añaxaicpi huañi nache taigui na 'alhua, da taña na mashe huetangui ana huachiqui.

Miqueas 2:4

Nache que'eca na'a'q choche qami' qaỹe'eeta'ape qome, nache qaỹo'on ca choxoraqta no'onec da qami' qaỹo'onaxaaleguete, maye 'eeta': Ỹataqta imauec da qomi' qanlaxatchiyiñi, na qarhuo' le'ecpi maye lalamaxat co'ollaxa Ñim Nataxala', qalaq dalaxaic nam lalamaxat namayepi, qaq na qana'alhuapi qalaq nalogui nam qomi' loxonecpi.

2 Reyes 18:13

Qaq co'ollaq mashe ivi' soua catorce vi'iye da nta'a so Ezequías, nache so Senaquerib, som nta'a ye Asiria, taỹa da iloquiaxan 'enauac som huaqta'a't nỹecpi maye ỹataqta qanpaxatteua'a maye ỹotta'a't naua nañalo ye Judá, nache loxonec co'ollaxa.

Ester 4:1

Qaq so Mardoqueo, co'ollaq ỹaỹaten 'enauac de'era qaỹo'ot, nache ncolaxata'aisalo soua alogo maye la'anaxat da nqui'ic, qataq ỹaayiñi soua sansatchiguilo alogo, qataq ichegoxolec na lqaic so alo, ime nache jec, coleetapigui so huaqta'a't nỹecpi, nache ỹa'alaqtague' souaxat da nlaqchigui da nqui'ic.