Miqueas 1:7 - La'aqtaqa Ñim Lo'onatac 'Enauacna 2013

⁷ Qataq dolachigui 'enauac nam natamnaxala'pi, qataq ỹavicta 'enauac anam natamnaxalatepi qo'oipaq lamopi. Nache aỹem ñelaxatchiguiñi qome nam natamnaxala'pi, cha'aye namayepi chegaqaigui ana nsheetenaqte ana quisheguetaxaipi, huaña qome nache qaltaq ỹe'eguelaxa ñaqa'en da nsheetenaqte da quisheguetaxac.

Toba del Oeste

⁷ Yemeda gaa'me nequi'il jo'ne qonetametapecoto yataqata jolaĝachiguilo qomle, chayovida'a da'me yataqata yavi'j yema jogaa'me chiyoqodayi ga'me nejetenague'j gaa'me quejeguetaĝael, qama'le jaga'me laicaua jo'ne chiyaqayi da'me nequejeguetaĝa, qomle jen loqote' gaa'me quejeguetaĝael laqaya'.»

Miqueas 1:7 Referans Kwoze

Deuteronómio 23:18

Qataq saishet da qoỹanot Ñim Nataxala' maye Qanatamnaxala'ai aca chegaqaigui da quisheguetaxac, qataq saishet da qaisheetenaxana acamaye da huo'o ca qoỹan na'aqtac, cha'aye damaye ỹataqta deqaiga Ñim Nataxala'.

Oseas 2:12

Qataq qaiquesoq ñaqa'en ana lañiguishe uva qataq ana higo, maye da detaxaỹa naxa, nache 'enapec: «Ne'enapi maiche ñesheetenaxatpi, maye aỹem ỹanem nam ñequishishaxauapi.» Nache so'otec da ñaxaalec ñaqa'en ana huoue, yaqto' chec na shiguiỹacpi maye huauec.

Apocalipsis 18:3

Cha'aye 'enauac nam ỹotta'a't shiỹaxauapi ỹataqta quetegue da lataxac qataq ỹo'oxoreetac nam qanatameetacotpi maye saq 'en. Nataqa'en ỹo'ot damaye nam nta'alpi maye huetalec ana 'alhua. Qataq 'enauac nam nmenaxaicpi maye huetalec ana 'alhua ỹataqta ivira'a da sallaxanecpi, cha'aye nmene' co'ollaxa yemaye da yaqto' ỹo'ot na qalota lqopitaxanaqtaic maye qauem.»

Oseas 8:6

Cha'aye ñi'iñi huaca llalec ñimaye lalamaxat na Israel le'ecpi, ñimaye le'enaqtac som ỹaỹaten da le'enaqtaxanaxac, qaq ñimaye saishet da nacheñi Ñim Lo'onatac 'Enauacna. Qaq ỹoqo'oye ñi'iñi huaca llalec, maye netaña ye Samaria, ñimaye dolagui qome.

Apocalipsis 18:9

Qaq ye Babilonia qom nalaqaasheguem na le'eraxa, nache na'alaqtapiguiñi nam nta'alpi ana 'alhua qataq nỹeeteguelec yemaye. Ne'ena nta'alpi 'eeta'am ye Babilonia da ỹo'oxoreetac nam qanatameetacotpi maye saq 'en qataq huetaigui da lta'araic llo'oxoyec.

Joel 3:3

Qataq nallechigui co'ollaxa na ỹalamaxat nhuo' le'ecpi, qataq imen na ñaqpiolec naiguet naqa'en ana quisheguetaxaipi, qataq ana nogotolepi, naiguet naqa'en na lataxa.

Oseas 2:5

Cha'aye quisheguetaxai aso late'e, nache iqataqchet da llo'oxoyec, souaxat da 'enapec: Aỹem, seca'ategue qome na iquisheguetaxauapi maye ỹo'ot na anoq, ỹaquip, qataq aỹem ỹanem na no'oxonecpi, lino, qataq na coraxatpi, qataq nam ỹotta'a't qanỹomiguipi.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

2 Crónicas 31:1

Qaq co'ollaq ime 'enauac de'era, nache 'enauac so Israel le'ecpi maye hueta'a yi'iye, taỹa 'enauac so huaqta'a't nỹecpi maye ỹotta'a't naua nañalo ye Judá, nache ilaxachigui so atamnaxala'pi coma'pi, qataq so lqui'ipi aso Aserá, qataq so qaỹoqotcheguemec atamnaqa'pi, nache ivitta'a da nlaxaañi 'enauac som naña ye Judá, Benjamín, Efraín qataq ye Manasés. Ime nache 'enauac so Israel le'ecpi, ỹe'eguelaxalo naua nañalo so huaqta'a't nỹecpi maye ỹotta'a't naua nañalo, nache ỹataqtac nam maiche lma'pi somayepi.

Deuteronómio 9:21

ime, nache sacona so qare'enaqtaqui huaca llalec maye atamnaxala', som ỹo'ot da qarasouaxashichi, nache sasaxangui so norec. Ime, qataq selaxachigui ivitta'a da ndotec lsoche nache sasaxangui so la'auaxac maye chegaqasheguema añi qasoxonaxa.

Levítico 26:30

Qataq Aỹem selaxachigui ca qanatamnaqa'aipi maye netaña ca ne'enaqtacpi, qataq dolagui ñaqa'en aca lca'atoxolate ca nchenaxanaxat ama na laita, qaq da qaro'ocỹaxaqui maye mashe leuaxaic, nache llapoolec qome ca ne'enaqtacpi maye qanatamnaxala'aipi, cha'aye ỹataqta qami' saỹemeque.

1 Samuel 5:4

Qalaxaye so nte'etom so lỹa na'a'q, nache qaltaq qailalec so ne'enaqtac lqui'i so Dagón da huetaiya', hueta'aguet na 'alhua hueto'ot aso laỹe' da naỹamaxataxac Ñim Nataxala'. So lqaic qataq soua lhuaxaye qalaq mashe huacaguerec, nache huetralec so nqauaxala' so lasom. Qaq nachaqsota so lasot da no'onañi da no'oitai'.

Isaías 2:18

Qaq huaña qome nache imeuo 'enauac nam ne'enaqtac atamnaxala'pi.

Isaías 23:17

Qaq qom inoxoorec caua setenta vi'iye, nache Ñim Nataxala' ỹe'eguelaxa da huapegue' ye Tiro, nache yemaye qaltaq ỹe'eguelaxalec qome da nmeela't qataq da nquishestague' na ỹotta'a't shiỹaxauapi ana 'alhua.

Ezequiel 6:6

Qaq 'enauac na nma'pi maye qoñiỹalec qome, nache na huaqta'a't nỹecpi dolagui qome, qataq ana nca'atoxonaxalatepi maye huaña naxa da qaỹo'oxoren na ỹaqa'a atamnaxala'pi nlachiguiñi qome. Qaq ana lca'atoxonaxalatepi namayepi qalaq imauec qome da nlachiguiñi, na lqolacpi qalaq dolachigui qome, ana lca'atoxonaxalatepi da yaqto' ỹavigaxat na lchenaxanaxat qalaq hua'axañi qome, qaq 'enauac nam qauo'oche co'ollaxa imeuo qome.

Oseas 2:14

Qaq ỹoqo'oye aỹem ñemanaqchet qome, nache sauega ye toolec 'alhua, nache sechettac da setaxaỹot, yaqto' ỹoxonec da lquiyaqteỹaxac.

Oseas 8:5

Qaq qami' maye qarmaye na Samaria, aỹem ỹataqta seqaiga ñim ne'enaqtac huaca llalec, maye qanatamñeetacot. Nache aỹem ỹataqta 'eroigui da ỹalemataic da qami' salemataỹalo. ¿Chaq laguio' da qaviyiỹa da qami' qui'itte'?