Miqueas 1:6 - La'aqtaqa Ñim Lo'onatac 'Enauacna 2013

⁶ Qaq ỹoqo'oye ye huaqta'a't nỹecpi ye Samaria nlachiguiñi ñaqa'en qome, huaña, nache ishet da qoỹaalec ana nañiguishe uvapi. Qaq na lalamaxat coma'pi yemaye laguelec ñaqa'en qome ye ca'amegue, huaña nache yo'oqchiguiña ñaqa'en na lo'oxonaxala'pi.

Toba del Oeste

⁶ Chane'eja naq'aeta da'me 'laqatac joñe'me Jaliaĝanec: «Je'etec qomle di'me noic jo'ne Samaria da'me jalcote ga'me naponec da'me jolaĝachigui; jen 'nonaĝa t'adaic qaedi qoyachalegue ga'me uva lichidijat. Male jelagaĝa't gaa'me qadi jo'ne chiyoqoda'a gaa'me qajoĝona'a, da'me jelagaĝatelegue di'me c'ama'ague di'me noic, male yataqata jaloĝo'n gaa'me p'adiñe gaa'me emaqa.

Miqueas 1:6 Referans Kwoze

Ezequiel 13:14

Qataq seqalagoxotec qome ca lque maye qaua'amiñi qauauoita'a lapagaxaic, huetaiya' ñaqa'en qataq sauaalec ca lo'oxonaxala'pi. Aja', que'eca lque hua'axauec qome, qaq qami' nache qoquiỹangui qome da qaullivi. Qaq huaña qome nache qauaỹachiñi da nachaỹem maye Aỹem Nataxala'.

Miqueas 3:12

Qaq souaxat qami' nache ye Jerusalén, yem huaqta'a't nỹecpi maye nalec añi qasoxonaxa Sión, 'eeta'am ca nañiguishec lma' da qana'ayisheguem, nache ye Jerusalén choche lapoosheguem qome, qaq añi qasoxonaxa maye naña añi atamnaxaqui qalaq ñaxaalec qome ana ỹaxat.

Lamentaciones 4:1

¡Qaq na oro deqat da lo'oxoỹaxac! ¡Ỹataqta deqat imauec da lqashelgaxa! ¡Qaq na coma'pi maye no'onataxatpi co'ollaxa aso atamnaxaqui, qalaq laga't da huetaña ana lamaqaipi na nqa'aicpi!

2 Reyes 19:25

¿Qaq peta'a saishet da 'auaỹaten da nachaỹem Nataxala', maye ỹo'onatac 'enauac ne'enapi? Qataq nache 'eetai' co'ollaxa da llapaqtapiguiñi de'era, qaq nagui nache sacoolec da so'ot. Qaq ỹoqo'oye 'am, ishet da 'anlaxaañi som huaqta'a't nỹecpi maye ỹataqta qanpaxatteua'a, nache nlachiguiñi 'anqa'en nache choche 'alapoosheguem.

Mateo 24:2

Nache So Jesús 'enapeco': «¿Qauloita'a nagui 'enauac ne'ena nỹecpi maye ỹataqta lta'araicpi? Aỹem ỹataqta 'eesa de'era qami' sa'axatema nagui da 'enauac ne'ena qailaxachigui qome. ¡Saishet qome da huo'o ca 'oonolec da nachattañi namayepi!»

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Amós 5:11

Qaq souaxat da ỹataqta huetaiya' qanqa'eñi nam choxoraqpi, nache desheetenaxana qanqa'eñi na ala na trigo da qami' isheete'n, qaq ỹoqo'oye qami' saishet qome da qoñiỹaigui na nỹecpi, nam chegaqaigui na no'onatac coma' maye qano'oxoñiisheguem, qataq saishet qome da qauañoxoche da qanỹomiigui na lataxa maye chegaqaigui anam qaỹa'añiiñi co'ollaxa uva.

Oseas 13:16

Qaq na nhuo' le'ecpi ye Samaria qalaq talec qome ca nhuaxanaguec, souaxat da dataỹa'aguet Ñim Natamnaxala'. Qataq qairolec ca ỹeelonec da qaỹalauat, na llalaqpi qalaq qaiuaxaneguet qome na 'alhua da qaỹalauat, qataq ana hualaxaipi qaipeleca'ague qome ana da'am.

Jeremías 51:37

nache yemaye ỹe'eguelaxa qome da lapoosheguem na coma'pi, qataq nache lma' qome ana huaxaỹaxapi, qataq qaica qome ca ishet da hueta'a yemaye, nacherata da ỹo'ot da ncolanaxa qataq da nqaigaxa.

Jeremías 51:25

Aỹem 'am sataỹa'aguet 'am qasoxonaxa maye laqtaxanaxai, maye 'aulaxachigui 'enauac ana 'alhua. Qaq 'era da ỹa'aqtac Aỹem Nataxala'. Ñauaxaỹaxaasheguem qome na ihuaq da sauo'o ca 'anhuaxanaguec, nache 'am sachegoxotasheguema ana coma'pi da 'am seqalagoxotta, nache 'am she'eguelaxata da qoneta'am aca lcomaraxalate ỹavicta.

Jeremías 9:11

Aỹem so'otec qome na Jerusalén da nlachiguiñi, nache lanataqa' qome na qa'alaqpi, qataq she'eguelaxata da toolec na huaqta'a't nỹecpi maye ỹotta'a't na nañalo ye Judá nache qaica qome ca hueta'a yemaye.»

Isaías 25:12

Ñim Nataxala' hua'axañi qome naqa'en yem qaỹoqotcheguemec qataq qaramta lpaqtaxanaxatpi, nache ỹataqta dolachigui naqa'en ivitta'a da ndotec lsoche da hueta'aguet naqa'en na 'alhua.

Isaías 25:2

Qataq logosheguem 'anqa'en so coma'pi maye lsoche so huaqta'a't nỹecpi, qataq nlaguiñi 'anqa'en som qanpaxattaua'a huaqta'a't nỹecpi, qataq nlachiguiñi 'anqa'en so lma' lta'araicpi so qampa'aguenaxauapi, qaq nache saishet qome da qaltaq qaỹe'eguelaxa da qano'oxoosheguem.

2 Samuel 17:13

Qaq da huo'otaq nqañoxotoigui ca huaqta'a't nỹecpi, nache 'enauac qome na Israel le'ecpi da sachoq ca nañecpi da ñeqo'onaxa camaye da ñelaxataxañi, nache ñi 'oonolec ca coma'pi maye lo'oxonaxat que'eca huaqta'a't nỹecpi, saugonnaqauga ca la'auaxac, nache ivitta'a ñaqa'enaq da qaica ca no'onañi coma'.

Isaías 17:1

Qaỹa'axata'a dam talec qome ye Damasco. Ye Damasco saishet qome da nache 'eetai' da huaqta'a't nỹecpi, yemaye ỹe'eguelaxa qome da 'eeta'am ca lapoosheguem lasogoñi.

Jeremías 31:5

Qataq 'avi'eguelaxa qome da 'aỹa'aañi ana uvapi da 'aỹa'aalec ana lcomaraxalatepi ye Samaria, nache nam ỹaañi qome ana uvapi qalaq nque'etaxaachigui qome ana alapi.

2 Reyes 18:9

Qaq co'ollaq mashe ivi' soua cuatro vi'iye da nta'a so Ezequías, qataq mashe ivi' soua siete vi'iye da lo'onataxanaxac so Oseas, som llalec so Elá, maye nta'a ye Israel, nache so Salmanasar maye nta'a ye Asiria, taỹa co'ollaxa so huaqta'a't nỹecpi ye Samaria, nache coleesop da iloquiaxan somaye,

2 Reyes 18:10

qaq co'ollaq mashe inoxoorec soua tres vi'iye, nache ỹañoxot da loxonec somaye. Qaq nache huetoiguilo soua seis vi'iye da nta'a so Ezequías, qataq soua nueve vi'iye da lo'onataxanaxac so Oseas da nta'a ye Israel, co'ollaq noxonec ye Samaria.

Amós 6:8

Qaq Ñim Nataxala' maye Lo'onatac 'Enauacna maye Qaica ca Ỹaqalanapec, maiche nañaala't da ỹan da la'aqtac, 'eeta': «Aỹem, ỹataqta sepitaxac da na'amqaanaxac na lauo' le'ecpi so Jacob, qataq sepitaxac na lma' lta'araicpi, ỹoqo'oye nam huaqta'a't nỹecpi, saneguet qome na npa'aguenaxauapi namayepi, nache lỹaueegue' 'enauac nam huetaigui namayepi.»