Miqueas 1:2 - La'aqtaqa Ñim Lo'onatac 'Enauacna 2013

² Ñaq qana'axaỹaxañiỹa de'era, 'enauac qami' nhuo' le'ecpi, qataq 'enauac qami' shiỹaxauapi maye qoñeetalec ne'ena 'alhua, Ñim Nataxala', maye netaña añi lalamaqte qui'itta atamnaxaqui, nacheñi ñim da'aqtaxan qome da qami' dataỹa'agueta.

Toba del Oeste

² Ami noyaqa, cha'li anaquiaĝañi; yema da'me ami aleua laje'pi, yataqata anaquiaĝañiya jenjo': Joñe'me Jaliaĝanec da'me netaue mach'e netamenaĝaiqui jo'ne ja 'nalegue, naqaeñe jo'ne ami yauatalo'te qomle.

Miqueas 1:2 Referans Kwoze

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.

Salmos 11:4

Qaq Ñim Nataxala' qalaq hueta'a añi qui'itta lalamaqte atamnaxaqui, Ñim Nataxala' qalaq netaña ca nso'onqa' na piguem, nache saishet da nqachegoxoyiñi naqa'en naua la'ai'te, da nauaatac na shiỹaxauapi.

Apocalipsis 3:22

Da huo'oi naua qartelai lauacolli', qaq no'on da qana'axaỹaxañiỹa da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.

Apocalipsis 3:13

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 2:7

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem 'enauac nam lqalaiguesat qataq saishet da ỹaxanec da lpi'iỹaxac Aỹem, nache sami' da chec ana ala ara qo'oipaq maye chegaqaigui da nca'alaxa. Aram qo'oipaq maye nañaxattalec ye qaica ca 'ena'am da lyac lanaxanaqa' Ñim Lo'onatac 'Enauacna.›»

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Habacuc 2:20

Qalaxaye Ñim Nataxala' qalaq netaigui añim qui'itta lalamaqte atamnaxaqui. ¡Qaq de'enaxaatai' qome da datato'ot Ñimaye, 'enauac nam netalec ana 'alhua!

Jonás 2:7

Qaq co'ollaq ñanomteguet da seleetapigui', nache tachigui iuel da qoneta 'Am Nataxala', nache da ñachoxonnaxac 'am iviro'ot, co'ollaq qoneta'a añi qui'itta 'aralamaqte atamnaxaqui.

Jeremías 22:29

¡'Alhua, 'alhua, 'am 'alhua, ñaq 'ana'axaỹaxana da la'aqtac Ñim Nataxala'!

Salmos 50:7

«Qami' ỹalamaxat nhuo' le'ecpi ñaq aỹem qana'axaỹaxañiỹa da setaqa, qami' Israel le'ecpi aỹem qami' sataỹa'agueta da qami' shenapegalo, Aỹem maye Atamnaxala' nachaỹem 'oonolec da aỹem Qanatamnaxala'ai.

Apocalipsis 3:6

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a Na'añaxac Qui'itta da 'enapega na 'amqaanataxanaxaicpi.›»

Apocalipsis 2:29

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi.›»

Apocalipsis 2:17

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem na lqalaiguesat maye ivireguet, qataq queta da ỹa'amaqteetac Aỹem, nache sami' da chec aca Maná maye saqcha'a, chegoqo'ot Ñim Lo'onatac 'Enauacna, qataq nataqa'en sami' ca coma' lapagaxaic. Qaq que'eca coma' nanettalec ca dalaxaic ne'enaxat maye qaica ca ỹaỹaten, nachaqcata cam ỹaconeguet maye ỹaỹaten que'eca ne'enaxat.›»

Apocalipsis 2:11

Qaq cam huo'oi naua ltela lauaco, qaq no'on da na'axaỹaxana da la'aqtac So Saqcha'a La'añaxac Ñim Lo'onatac 'Enauacna da 'enapega na 'amqaanataxanaxaicpi, 'eeta': Nam saishet da iqallem nam lqalaiguesat, qataq nache queto'ot da lpi'iỹaxac Aỹem, nache Ñim Lo'onatac 'Enauacna saishet da ỹalat namayepi.›»

Malaquías 2:14

Qaq ñaq 'eetalec da qanataxañeetac da ta'ainec de'era. Cha'aye Ñim Nataxala' nacheñi ñim 'am ỹauaachigui da sa 'aupaguelec so 'ara'aqtac maye 'aỹa'anem asom 'alo maye 'auaroneguet co'ollaq ñaq 'am nsoqolec. ¡Qaq asomaye nachaso asom 'artaua co'ollaxa, qataq 'aỹa'anem so 'ara'aqtac da saishet da 'aualat!

Jeremías 29:23

Cha'aye soomaye ỹo'o't co'ollaxa da ỹataqta qauem da huaña na Israel: ncachetague' ana lhuapi nam lqaỹañecpi, qataq ỹachegoxotchigui da ỹe'enaxat da ỹa'axat nam saq'enpi maye saishet da samaxalec da ỹa'axat. Aỹem saỹateeta damaye, cha'aye sauaachigui. Qaq 'era da ỹa'aqtac Aỹem Nataxala'.»

Jeremías 6:19

'Am 'alhua, ñaq Aỹem 'ana'axaỹaxana: Aỹem ñanacot qome ca qauem da talec ñaqa'en ne'ena nhuo' le'ecpi, maye naigui nam qauempi maye lapaxañi, cha'aye sa ỹalaxagueta naua ỹa'aqtaqa, nacherata da ỹo'ota'n naua iqataxaco.

Salmos 50:12

Qaq da huo'otaq seqouat qalaq saishet da 'am seỹaxaatacot, cha'aye maiche ỹalamaqte ana 'alhua, qataq 'enauac na huetalec anamaye.

Salmos 50:1

Ñim Nataxala', Ñim Lo'onatac 'Enauacna, maye lataxala' 'enauac na atamnaxala'pi, Ñimaye detaqa, qataq iỹaxana 'enauac na huetalec ana 'alhua, nam neta'ague da yo'oxoñi qataq da avit.

Salmos 28:2

'Aua'axaỹa qome da ñachoxonnaxac da 'am seỹaxanot da aỹem 'autauan, qom 'am sachaxanoto naua ihua'q ye 'aranataqa' maye qui'itta.

Salmos 24:1

Ñim Nataxala' lalamaqte 'enauac ana 'alhua, qataq 'enauac nam huetalec anamaye, qataq nam netalecpi anamaye.

Deuteronómio 32:1

'Am piguem, ña 'ana'axaỹaxaañi, cha'aye setaqa, 'am 'alhua, ñaq 'ana'axaỹaxanalo naua ỹa'aqtaqa.

Jueces 11:10

Nache so nqueroxonecpi nataxala'pi, 'eeta': «Ñim Nataxala', ỹataqta hua'aqchigui ñaqa'enaq, da so'otaq qome 'enauac de'era qonapec.»

1 Reyes 22:28

Nache so Micaía qaltaq 'enapeco': «Qom qaica cara, da 'anachaalataxac qom 'añe'eguelaq, qache saishet da nacheñi Ñim Nataxala', da aỹem ỹa'aqtaxanaxan.» Nataqa'en 'eeta': 'Enauac qami', qaua'aqaichigui de'era nagui.

2 Crónicas 18:27

Nache so Micaías qaltaq 'enapeco': «Qom qaica cara da 'anachaalataxac qom 'añe'eguelaq, qache saishet da nacheñi Ñim Nataxala', da aỹem ỹa'aqtaxanaxan.» Qaq nataqa'en 'eeta': 'Enauac qami', qaua'aqaichigui de'era nagui.

Isaías 18:3

Qaq 'enauac qami' maye qoñiitalec ana 'alhua, qauloỹa'a qom qanauaxaỹaxaasheguem aca na'ana netalec añi qasoxonaxa, qataq qaua'aqaichigui qome da l-lamaxa aca nasheerepi.

Isaías 50:7

Qaq Ñim Nataxala' nacheñi ñim aỹem itauaatac, qaq ỹoqo'oye saishet da aỹem ique'emaqchet na nsheunaxanaxacpi, qataq saishet da huo'o ca aỹem iraxanapigui' sheeta'am ca coma', qataq saỹaten da saishet da aỹem nlaxagui da ỹa'aloxo.

Jeremías 42:5

Qaq huaña nache somayepi 'enapega so Jeremías, 'eeta': Ñim Nataxala' maye 'Anatamnaxala', nacheñi ñim saq yetaxan qataq 'eesa, da qomi' dataỹa'agueta qom saishet da so'otaq cam 'am ỹanem la'aqtac da qomi' 'aua'aqtaxanema.

Proverbios 8:4

«Qami' shiỹaxauapi, 'enauac da qoñiita qami' ỹalamaxatchiguilo naua ỹa'aqtaqa.

Jonás 2:8

Qaq nam quetague' na saq 'en atamnaxala'pi, qalaq ỹaxaañi da 'am ỹa'amaqteetac.