Miqueas 1:1 - La'aqtaqa Ñim Lo'onatac 'Enauacna 2013

¹ Qaq 'era da la'aqtac Ñim Nataxala' maye ỹanem co'ollaxa so Miqueas maye lma' ye Moréset, maye huaigui so lauanaqchec co'ollaq ila'a ye Samaria qataq ye Jerusalén, huetoigui co'ollaxa da lo'onataxanaxac so Yotán, Ajaz qataq so Ezequías maye nta'al ye Judá.

Toba del Oeste

¹ Jenjo' nach'ena 'laqataĝanaĝac joñe'me Jaliaĝanec jo'ne qoyanem ca'li ñe'me Miqueas jo'ne 'lachaqa' di'me Moréset. Ca'li qoyaloĝona jodi'me noic jo'ne Samaria nataq'aen di'me Jerusalén, jogaa'me noloqo'ote ca'li di'me Jotam, chayovida'a Ahaz nataq'aen Ezequías, 'uo da'me lejaliaqa' di'me Judá.

Miqueas 1:1 Referans Kwoze

Jeremías 26:18

«So na'a'q maye huetoigui da lo'onataxanaxac so Ezequías, maye nta'a na Judá, nache so Miqueas maye lma' ye Moreset ỹachegoxotchigui da le'enaxat Ñim Nataxala' da da'aqtaxanem 'enauac na nhuo' le'ecpi na Judá, 'eeta': ‹Ñim Nataxala' maye Qaica ca Ỹaqalanapec, 'eeta': Na Sión ỹe'eguelaxa qome da 'eeta'am ca 'alhua maye qana'ayesheguem, na Jerusalén qalaq qailaxachigui qome nache lapoosheguem qaq yem qaỹoqotcheguec 'alhua maye netaña añi atamnaxaqui qalaq ndotec qome na nloche ñaxaalec.›

Isaías 1:1

Da lauanaqchec so Isaías, som llalec so Amós, co'ollaq ila'a som naỹa'a ye Judá, qataq ye Jerusalén, huetoigui da lo'onataxanaxa'c soua Uzías, Yotán, Ajaz qataq so Ezequíaz maye nta'al ye Judá.

Oseas 1:1

Qaq 'era da la'aqtac Ñim Nataxala' co'ollaq 'enapega so Oseas, som llalec so Beerí, maye huetoigui co'ollaxa da lo'onataxanaxac so Uzías, Yotán, Ajaz qataq so Ezequías, maye nta'al ye Judá, qataq so Jeroboán, maye llalec so Joás, som nta'a ye Israel.

Amós 1:1

Qaq 'era da la'aqtaxanaxac so Amós, som qagueta lo'o maye lma' ye Tecoa, dam lauanaqchec maye chegoqo'ot Ñim Lo'onatac 'Enauacna, maye taỹa'a da talec na Israel le'ecpi, co'ollaq saxanaqcaua soua dos vi'iye da nvi' so nacholaxanaxa ana 'alhua, maye huetoigui da lo'onataxanaxac so Uzías, maye nta'a ye Judá, qataq da lo'onataxanaxac so Jeroboán, som llalec so Joás, maye nta'a ye Israel.

Miqueas 1:5

Qaq 'enauac huo'o qome de'era ỹasouaxat da nam chegoxoguetpi so Jacob ỹataqta sa ỹalaq, qataq souaxat na lasouaxashetpi na nhuo' Israel le'ecpi. Cha'aye huaña ye Samaria co'ollaxa da saỹalaq nam chegoxoguetpi so Jacob. Qataq ye Jerusalén nalec naqa'en nam saq'en natamnaqa'pi nam Judá le'ecpi.

Amós 6:1

¡Choxoraxaso' qome nam ỹataqta ỹe'emaqtac da hueta'a ye Sión! ¡Qataq nam pe'etega añi qasoxonaxa ye Samaria! ¡Qataq choxoraxaso' nam 'amaqtaqaicpi lataxala'pi nam ỹotta'a't shiỹaxauapi, maye nam Israel le'ecpi pe'etecot naxa!

Oseas 8:14

Qaq nam Israel le'ecpi, no'oxoosheguem na lma' lta'araicpi, qalaxaye icoua'ai Ñim Lo'onatac da nachaalataxac. Qataq na Judá le'ecpi, qalota na no'oxoosheguem huaqta'a't nỹecpi maye huo'o na lpaqtaxatpi, qalaxaye aỹem, ñamaxa qome ca norec da yaqto' ỹavic ñaqa'en na lma' lta'araicpi.

Oseas 4:15

Qaq 'am Israel, da 'anquishishi, qaq no'on da saishet da ivira'a ye Judá, da huo'o ca lasouaxashet. Qaq saishet qome da qanqo'oñiỹa ye Gilgal, qataq da qa'aisheguema ye Bet Avén, qataq da qaỹa'añi ca qara'aqtaqui da qoñeeta': «Nca'altauec Ñim Nataxala'.»

Isaías 7:9

Ye nỹecpi ye Samaria nacheye ye netaña na nta'alpi ye Efraín, qaq so llalec so Remalías nacheso so nata'a ye Samaria qaq qami' da saishet da aỹem qaua'amaqchiñi, nache qaica qome ca no'onañi da qoñeeta.»

Habacuc 1:1

Qaq 'era da na'aqtaxanaxac maye Ñim Nataxala', ỹanem co'ollaxa som na'aqtaxanaxanec Habacuc.

2 Pedro 1:21

cha'aye 'enauac som hua'au la'aqtaxanaxanecpi Ñim Lo'onatac 'Enauacna saishet da huo'o ca 'oonolec da maiche nallegoxottela't ca la'aqtaxanaxac. Nachaqrata da 'enauac somayepi ỹa'axattac dam chegoqo'ot Ñim Lo'onatac 'Enauacna, qataq So Saqcha'a Na'añaxac Qui'itta ỹauecta'aguet da lhuennataxac.

2 Reyes 15:5

Qalaxaye Ñim Nataxala', ỹo'ot co'ollaxa da nhuaxanaguec so nta'a Azarías, huec naqa'en so lepra, nache ivitta'a da ileu. Ỹoqo'oye so nta'a, ỹaqauga co'ollaxa naqa'en so lma', nache so llalec Yotán, ilo'ogue co'ollaxa se'eso nma' lta'araic, qataq ilo'ogue 'enauac so nhuo' le'ecpi.

2 Reyes 15:32

Qaq co'ollaq mashe ivi' soua dos vi'iye da lo'onataxanaxac so Pecaj, som llalec so Remalías, maye nta'a ye Israel, nache so Yotán, som llalec so Uzías, ỹacoolec da lo'onataxanaxac da ilo'ogue ye Judá.

2 Reyes 16:1

Qaq so mashe ivi' soua diecisiete vi'iye da lo'onataxanaxac so Pecaj som llalec so Remalías, nache ỹacoolec da lo'onataxanaxac so Ajaz, som llalec so Yotán, da nta'a ye Judá.

2 Reyes 18:1

Qaq co'ollaq mashe ivi' soua tres vi'iye da lo'onataxanaxac so Oseas, som llalec so Elá, som nta'a ye Israel, nache so Ezequías, som llalec so Ajaz, maye nta'a ye Judá, ỹacoolec da lo'onataxanaxac.

2 Crónicas 28:1

Qaq so Ajaz, mashe ivi' veinte vi'iye da nachaalataxac co'ollaq ỹacoolec da lo'onataxanaxac, qaq ivi' dieciséis vi'iye da ilotague' ye Jerusalén, qalaxaye saishet co'ollaxa da ỹo'ot nam ỹaỹamaxareeta Ñim Nataxala', qaq saq 'ena'am nam ỹo'otpi so lta'a David.

2 Crónicas 29:1

Qaq so Ezequías mashe ivi' veinticinco vi'iye da nachaalataxac, co'ollaq ỹacoolec da lo'onataxanaxac da ilotague' ye Jerusalén, qaq ivi' soua veintinueve vi'iye da lo'onataxanaxac. Qaq aso late'e somaye le'enaxat Abías, asom llale so Zacarías.

Isaías 7:1

So Resín, maye nta'a ye Siria, qataq so Pecaj, maye nta'a ye Israel, som llalec so Remalías, soomaye iloquiaxa'n co'ollaxa ye Jerusalén da huotaique da deuotaxaarec, qalaxaye sa ỹañoxo't. Qaq de'era, huetoigui co'ollaq so Ajaz, som llalec so Yotán, qataq laual so Uzías da nta'a ye Judá.

Miqueas 3:9

Qaq nagui, ñaq qana'axaỹaxañiỹa de'era na'aqtac, qami' lta'alpi qataq lataxala'pi na Israel le'ecpi, qami' maye qauqaiquiỹa da nalochiguiñi lataxac, qataq qauashaxañeeuec da no'on lataxac,

Isaías 1:2

'Am piguem qataq 'am 'alhua, ña qana'axaỹaxañiỹa da la'aqtac Ñim Nataxala' maye, 'eeta': «Aỹem saqchet co'ollaxa so ỹalaqpi, nache seviraxata'a da ỹepi ñaqa'en, qalaxaye somayepi aỹem dataỹa'aguet co'ollaxa.