Mateo 9:8 - La'aqtaqa Ñim Lo'onatac 'Enauacna 2013

⁸ Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Nuevo Testamento Toba Sur

⁸ Nachi na shiÿaxauapi co'ollaq ÿauaachigui de'eda, nachi ÿataqta huo'o da lcolanaxa. Nachi ÿi'oxodeetac ñi Dios, souaxat da ñimayi ÿanem de'eda n'añaxac na shiÿaxauapi.

Nuevo Testamento Toba Sombrero Negro

⁸ Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Mateo 9:8 Referans Kwoze

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Mateo 15:31

Ỹoqo'oye so shiỹaxauapi ỹataqta huo'o da la'aalaxa, souaxat da ỹauaachigui somayepi da 'enauac no'oita. Huaña, nache qaỹo'oxoreetac Ñim Lo'onatac 'Enauacna maye Lta'a nam Israel le'ecpi.

Hechos 4:21

Nache so nta'alpi maye nmit da huo'o ye nasouaxashet ỹataqta ỹareetegalo soomaye, qalaxaye ỹachaxaare'c. Cha'aye saishet da ỹanata cam qaỹachegoxotchigui da yaqto' qaiuaxa'n, cha'aye 'enauac na shiỹaxauapi ỹataqta ỹo'oxoreetac Ñim Lo'onatac 'Enauacna, souaxat de'era qanayeuaigui.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.

Lucas 17:15

Nache so 'oonolec soomaye co'ollaq ila'a da mashe no'oita na lo'oc, nache ñe'eguelaq, nache ỹo'oxoreetac Ñim Lo'onatac 'Enauacna, ỹataqta ỹa'alaqtai'.

Marcos 2:12

Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»

Gálatas 1:24

Nache ỹo'oxoreetac Ñim Lo'onatac 'Enauacna, souaxat Ñimaye da naralaxat da ỹataxac.

Juan 15:8

Ñim Ita'a huo'o da ntonaxac da huo'otaq ỹataqta qalota da alaỹaxac da qoñiita, qaltaq qanachacheetaigui da ỹataqta qami' ỹapaxaguenataqa.

Lucas 13:13

Nache ỹashel-lec asomaye, huaña, nache asomaye ishet da nlaxaasheguem, nache ỹo'oxoreetac Ñim Lo'onatac 'Enauacna.

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Hechos 21:20

Qaq co'ollaq hua'aqchigui 'enauac de'era so 'amqaanataxanaxaicpi, nache ỹataqta ỹaatacot da na'achecỹaxac Ñim Lo'onatac 'Enauacna. Ime, nache qoỹeetega so Pablo, qoỹeeta': –Hua', 'am qarqaỹa qataq qanauochaxaua Pablo, cha'aye 'am mashe 'aumeteetac da qalota na judiopi da ỹa'amaqten So Jesús. Qalaxaye 'enauac namayepi ỹa'axattac da iuen da qaipactelec da qanayeegue 'enauac nam namaxasoxonaxacpi maye chegoqo'ot so Moisés.

Marcos 7:37

cha'aye huo'o da la'aalaxa, nache 'eeta': «So Jesús ỹataqta 'enauac nam ỹo'ot ỹaỹamaqchiguiñi. ¡Cha'aye ivira'a da hua'aqa naqa'en na da'añaigui na lqaic, qataq na qaicaua naua la'aqtaqa qalaq detaqa naqa'en!»

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 12:23

Nache 'enauac na shiỹaxauapi ỹataqta ỹa'aalac nam ỹo'otpi So Jesús, nache huo'o na 'eeta' da la'aqtac: «¿De'era Jesús, nachera peta'a dam Lca'aguishec Ñim Lo'onatac 'Enauacna maye ỹachaxanapec da yaqto' qomi' nca'alaxatre'c?»

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Mateo 9:7

Nache se'eso ỹale maye sa da'añiigue ñesheguem, nache nqo'ona ca lma'.

Lucas 2:20

Qaq so qagueta lo'opi co'ollaq ime, nache ỹe'eguelaxauga aso qaguetapi da ilo'ogue. Qaq co'ollaq quetrague' so nqa'aic, nache ỹataqta ỹo'oxoreetrac Ñim Lo'onatac 'Enauacna, qataq ỹaatacot da na'achec souaxat dam ỹauaachigui qataq dam hua'aqchigui. Ỹataqta 'enauac da ipacchigui nam ỹa'axattac som namaxashec co'ollaxa.

Lucas 17:18

Cha'aye yem ya' chegaqa'a ca lỹa 'alhua, ¿peta'a yemaye 'oonolec da ñe'eguelaq da ỹanot da llo'oxonnataxanaxac Ñim Lo'onatac 'Enauacna?

Lucas 18:43

Huaña, nache se'eso qanamaic ishet da nauaañi, nache ca'ategue So Jesús, ỹo'oxoreetac Ñim Lo'onatac 'Enauacna. Qataq 'enauac so shiỹaxauapi maye ỹauaachigui de'era, nataqa'en somayepi ỹo'oxoreetac Ñimaye.

2 Corintios 9:13

De'era qartaunaxanaxaqui ỹachaxan da qami' ỹataqta qaualaqaiguet da no'on na'axaỹaxac maye ỹa'axat da na'aqtaguec So Cristo. Ỹoqo'oye camayepi ishet da ỹo'oxoreetac, qataq huo'o naq 'enec naqa'en Ñim Lo'onatac 'Enauacna.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.