Mateo 9:36 - La'aqtaqa Ñim Lo'onatac 'Enauacna 2013

³⁶ Qaq co'ollaq ila'a so qalota shiỹaxauapi So Jesús da ca'attague' Somaye, nache ỹataqta ỹaguec da lchoxonnataxanaxa, cha'aye somayepi ỹataqta saỹaỹaten ca 'eetec qataq qaica ca iueelec. 'Ena'am ana qagueta maye qaica ca ilo'ogue.

Nuevo Testamento Toba Sur

³⁶ Qaq co'ollaq ila'a na shiÿaxauapi, nachi ÿataqta huo'o da lchoxonnataxanaxa. Cha'ayi namayipi ÿataqta daquico qataq qaica ca l'añaxac, 'eeta'am ana qagueta mayi qaica ca ilo'ogue.

Nuevo Testamento Toba Sombrero Negro

³⁶ Ca'li yauanalo ga'me jiyaĝadipi, qama'le yataqachiñe nomeguet da'me lichoĝodenataĝanaĝac, qa'a nelidiñi nataq'aen ena'am ta'le qoyegue'm, ena'ama gaa'me 'naĝanaĝatel qom qaya'te neuatoqo't.

Mateo 9:36 Referans Kwoze

Números 27:17

yaqto' camaye, nacheca ca lataxala' qome namayepi da nqatec qataq da ñe'eguelaxateuo. Yaqto' ne'ena nhuo' le'ecpi maye lalamaxatpi Ñim Nataxala', saishet da 'eeta'am aca qaguetapi maye qaica ca ilo'ogue.

Marcos 6:34

Nache So Jesús co'ollaq huenoteeguesop aso nllocta, nache ilaigui so qalota shiỹaxauapi maye lapoota'a't, nache ỹataqta lta'araic da lchoxonnataxanaxa, cha'aye somayepi 'eeta'am aca qagueta maye qaica ca ilotague'. Nache quetot da qalota na ỹapaxaguenec lataxacpi.

Jeremías 50:6

Nam ỹalamaxat nhuo' le'ecpi, 'eeta'am co'ollaxa aca qaguetapi da deqat, cha'aye so qagueta lo'opi isomaxanaqchet co'ollaxa, nache ỹo'ot da chochaq quetapeguelec ana qasoxonaxapi, ca'ai añi 'oonole qasoxonaxa qataq nqo'ona añi lỹa qasoxonaxa, choche ivitta'a da icoua'ai aso laỹe'.

Mateo 14:14

Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Zacarías 10:2

Cha'aye na ne'enaqtac atamnaxala'pi, saq 'e'n naua la'aqtaxanaxaco, qataq na huo'oi l-loxoco, qalaq saq 'e'n naua lauanaqcheco. Nam ỹa'axata'api qalaq qaica ca naigui, qataq naua la'aqtaqa, da huotaique da da'añaqtaxan qalaq qui'itchiguilo. Qaq ỹoqo'oye na shiỹaxauapi choche tata'acra', 'eeta'am aca qaguetapi, qataq huo'o da nque'eenaxac souaxat da qaica ca ilo'ogue.

Mateo 15:32

Nache So Jesús iỹaxanalo soua lapaxaguenataqa. Nache 'enapegalo, 'eeta': –Ỹataqta huo'o da ichoxonnataxanaxa ne'ena shiỹaxauapi, cha'aye mashe ivi' naua tres na'axa'te da Aỹem hueta'aguet, qataq namayepi ye qaica ca aloq. Qaq Aỹem sa saỹamaxaren da huo'otaq samaq namayepi da huo'otaq saxanaxa da deque'e, cha'aye saiuena'a da huo'o ca decopche da huangui na nqa'aic.

Mateo 15:24

Nache So Jesús 'enapeco': –Ñim Lo'onatac 'Enauacna Aỹem namaq da ndotec na Israel le'ecpi da setauan, cha'aye namayepi 'eeta'am aca qagueta maye isomtac.

2 Crónicas 18:16

Huaña nache so Micaías, 'enapec: «Aỹem selota'a da 'enauac na Israel le'ecpi, ỹataqta laguelec ana qasoxonaxapi, 'eeta'am aca qaguetapi da qaica ca ilo'ogue. Nache da la'aqtac Ñim Nataxala', 'eeta': ‹Ne'ena shiỹaxauapi qaica ca lataxala', qaq no'on da ñi 'oonolec namayepi qaica cara da ỹe'eguelaxalo naua lma'ate.›»

Hebreos 5:2

Qaq cha'aye que'eca ntaxaỹaxanaxanec ye nataqa'en huo'o da lqalaic da ỹalaxaguet Ñim Lo'onatac 'Enauacna, nache iuen da ỹachaxan da nhualaxaune' nam qaica ca ỹaỹaanapec qataq 'etaxaloxoicpi.

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Mateo 10:6

Nachaqrata qome da qanqo'oñiỹa nam Israel le'ecpi maye 'eeta'am aca qagueta isomtac.

1 Reyes 22:17

Nache so Micaía 'enapeco': «Aỹem, selota'a da 'enauac na Israel le'ecpi, laguelec ana qasoxonaxapi, 'eeta'am aca qagueta da qaica ca ilo'ogue. Nache da la'aqtac Ñim Nataxala', 'eeta': ‹Ne'ena shiỹaxauapi qaica ca lataxala', qaq no'on da ñi 'oonolec namayepi ỹe'eguelaxalo naua lma'ate ỹachetec da l-lagaxayec.›»

Zacarías 11:16

Cha'aye Aỹem sanaña qome, ne'ena 'alhua ca qagueta lo'o, maye saishet da qochetega aca qagueta maye isomapec, qataq saishet da nmitaique acam deqat, qataq saishet da nataren aca que'emaq, qataq saishet da iquia'axan aca qaica ca la'añaxac, nacherata da chec qome na lapat aca ỹataqta chaxarai, nache ỹataqta qaica ca no'onaxatañi ivira'alo naua nna'ache.»

Isaías 13:14

Na shiỹaxauapi qalaq 'eeta'am qome aca ñi'imshe da qaicaatac, huo'otaq aca qaguetapi da nlagaxattac nache qaica ca ishet da laỹona't. Nache ñi 'oonolec ỹe'eguelaxa ca maiche lma', qataq ỹe'eguena ca maiche na'alhua.

Marcos 8:2

–Aỹem ỹataqta huo'o da ichoxonnataxanaxa ne'ena shiỹaxauapi. Cha'aye mashe ivi' naua tres na'axa'te da Aỹem datatecot, qaq namayepi qaica ca chec.