Mateo 9:34 - La'aqtaqa Ñim Lo'onatac 'Enauacna 2013

³⁴ Qalaxaye nam ỹalectaigui na fariseopi, 'eeta': –De'era ỹale do'otaxaatega da la'añaxac som lataxala' nam saqcha'a na'añaxac qauemaicpi, da ỹo'orauec nam saqcha'a na'añaxac leguemaxaicpi.

Nuevo Testamento Toba Sur

³⁴ Qalaxayi nam ÿalectaigui na fariseopi 'eeta': –De'eda shiÿaxaua do'otaxaatega da l'añaxac som lataxala' nam saq cha'api da i'odauec nam n'ec leguemaxaicpi.

Nuevo Testamento Toba Sombrero Negro

³⁴ Qalaĝaja joga'me fariseopi enapega't: —Naqaeñe ñe'me mach'e lejaliaĝane'j joga'me payagodipi jo'ne yanem da'me lañoqotaĝanaĝac qaedi yamaĝadegue jogaa'me.

Mateo 9:34 Referans Kwoze

Lucas 11:15

Qalaxaye somayepi huo'o na 'enapec: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye som Beelzebú maye lataxala' nam saqcha'a na'añaxacpi, nacheso so ỹami' da la'añaxac da ỹo'ot de'era.»

Marcos 3:22

Qalaxaye huo'o som dapaxaguenataxaatapeguec nam namaxasoxonaxacpi maye chegaqa'a ye Jerusalén somayepi, 'eeta': «De'era ỹale, damaye netaigui ñi Beelzebú ñim lataxala' nam na'añaxacpi leguemaxaic. Qaq nacheñi ñim chegoqo'ot de'era la'añaxac da do'otaxaatega da ỹo'orauec namayepi.»

Juan 3:20

'Enauac nam ỹo'ottac na qauem, namayepi ỹataqta nquiỹa na yo'oqchiguiñi, nache namayepi netaigui na napalaxa, cha'aye nshetaique da saishet da ya'aqaleguete naua ỹo'otta'ape qauema.

Mateo 10:25

Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Mateo 12:22

Huo'oi soua shiỹaxau' ỹauegueua'alo So Jesús so ỹale da yaqto' nataren. Somaye qanamaic qataq qaicaua naua la'aqtaqa, cha'aye huo'o so netaigui saqcha'a na'añaxac leguemaxaic. Nache So Jesús nataren, qaq se'eso ỹale ỹe'eguelaxa da nauaachiguiñi, qataq huo'oi naua la'aqtaqa.

Mateo 12:27

Qami' qoñiitega da so'otteguec na saqcha'a na'añaxac leguemaxaicpi da so'otaxaatega da la'añaxac so pa'aguenataxanaxaic. Qaq taxa da 'eesa de'era, nache ¿negue't ca ỹami' da la'añaxac nam qarapaxaguenataqui, da yaqto' ỹo'orauec na saqcha'a na'añaxacpi? Qaq qami' da qoñiỹapec da nacheñi Ñim Lo'onatac 'Enauacna da chegoqo'ot de'era na'añaxac, nache damaye ỹachaxan da qami' ỹataqta qausomiỹapec.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?