Mateo 9:3 - La'aqtaqa Ñim Lo'onatac 'Enauacna 2013

³ Qaq huo'o som ỹalectauopi nam dapaxaguenataxaatapeguec na lamaxasoxonaxacpi so Moisés da lhuennataxac, 'eeta': «¿Negue't ca ipettega de'era ỹale? ¿'Eetega peta'a da nachera dam Lo'onatac 'Enauacna? ¡Damaye ỹataqta mpa'aguene' Ñim Lo'onatac 'Enauacna!»

Nuevo Testamento Toba Sur

³ Qaq huo'o som ÿalectauopi nam dapaxaguenataxaatapeguec na lqataxacpi so Moisés da deuennataxaatac, 'eeta': “Dam da' shiÿaxaua npa'aguene' ñi Dios naua l'aqtaqa.”

Nuevo Testamento Toba Sombrero Negro

³ Qama'le uo'oe gaa'me judiopi napaĝaguenoqo'tpi jo'ne eetojo' ga'me lelnataĝa'j: “Ga'me nenaĝategue jenjo' jiyaĝaua yataqachiñe ye'uetac ñe'me Dios.”

Mateo 9:3 Referans Kwoze

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Levítico 24:16

Qaq 'enauac cam ỹo'ot da l-laraxanaxac qataq da isheuen da le'enaxat Ñim Nataxala', nache qaỹalauat. Nache 'enauac ca lapoota'a't Israel le'ecpi ỹalauat, ỹauota'a na coma' laỹe da ỹasaq. Qaq nache 'ena'am ca chegaqauec huo'otaq Israel le'ec, cha'aye ỹo'ot da l-laraxanaxac, qataq isheuen da le'enaxat Ñim Nataxala', nache camaye qaỹalauat.»

Marcos 14:64

Ye damaye 'eetega da nachera dam Lo'onatac 'Enauacna. Qaq ¿ca 'eetec damaye? ¿Ca 'eetec ca qara'aqtaqui? –Nache somayepi 'enauac da nasara'a't da So Jesús iuen da qaỹalauat.

Marcos 7:21

Cha'aye da huo'o ca nasaxauec ca qauem la'aqtac, qaq camaye qauemaic qataq nache 'eetai' da iuennatega ca qauem, qataq ca lataxac da ỹo'ot ca saỹaỹamaxañi, huo'otaq decache qataq ỹalauat ca lỹa huo'otaq da ncachetague' aca sa lhua, qataq nachaqrata da iuennatega cam 'eetec da ishet da sallaxanec qataq ỹo'ottac nam qauemsat, datenataxaatac, qataq quiỹaxanaqtaqaic, sheunaxanaxaic qataq ỹasaxalec ca qauem la'aqtac ca lỹa, qataq qaica ca ỹaỹaanapec qataq ño'oxonnaxaic.»

Mateo 7:29

cha'aye So Jesús da dapaxaguenataxaatac, qalaq ỹataqta huo'o naq 'ene'c naua la'aqtaqa. Qaq saishet da 'eeta'am nam dapaxaguenataxaatapeguec nam lamaxasoxonaxacpi so Moisés.

Números 15:30

Qalaxaye da huo'o ca shiỹaxaua da nache 'ena'anac da ỹo'ot ca lasouaxashet, na'aictaxa da Israel le'ec, huo'otaq chegaqauec, nache camaye Aỹem inogoqchet. Nache que'eca shiỹaxaua qanqateeguesop na lauo' le'ecpi,

Marcos 3:28

Qaq ỹataqta 'eesa de'era qami' sa'axatema nagui, da 'enauac na shiỹaxauapi ishet da qaỹapalaxat na lasouaxashetpi, qataq 'enauac nam qauem la'aqtacpi maye nasaxauec.

Marcos 3:29

Qalaxaye ca qauema naua la'aqtaqa da detaxaỹa So Saqcha'a Na'añaxac Qui'itta, nache camaye ỹataqta saishet da huo'o ca nchoxonnataguec.»