Mateo 9:22 - La'aqtaqa Ñim Lo'onatac 'Enauacna 2013

²² Qalaxaye So Jesús namatapec, nache ila'a asa'aso 'alo. Nache 'enapega, 'eeta': «Saishet da leetapigui ye 'arhuel, cha'aye dam 'arpi'iỹaxac Ñim Lo'onatac 'Enauacna nachera dam huo'omshe 'am no'oita.» Huaña, nache asomaye ỹataqta no'oita.

Nuevo Testamento Toba Sur

²² Qalaxayi so Jesús nqoilec, nachi ila'a asa'aso 'alo. Nachi 'enapega, 'eeta': –'Am ÿaqaÿole, 'an'añaxat qome. Nagui mashi 'am no'oita, cha'ayi 'au'amqajnataxan. Huaña, nachi asomayi no'oita.

Nuevo Testamento Toba Sombrero Negro

²² Chane'eja Jesús 'ñemagañe da'me nejelec. Ca'li yauana jaga'me yauo qama'le enaac: —Am yaqayole, a'nañaĝatela't nayi, qa'a chiyaqayi da'me adepe'e da'me am yemegue q'aen. Qama'le nach'ega ua'a ca'li paja'a yemegue.

Mateo 9:22 Referans Kwoze

Lucas 7:50

Qalaxaye So Jesús 'enapega aso 'alo, 'eeta': «'Am nagui 'anca'alec, cha'aye Aỹem 'aua'amaqten. 'Aue, qojec, nagui 'aulactapiguiñi.»

Mateo 15:28

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Lucas 18:42

Nache So Jesús 'enapeco': –¡Nagui 'anauaañi! 'Am no'oita, cha'aye Aỹem 'aua'amaqten.

Lucas 17:19

Nache 'enapega so ỹale, 'eeta': –Qoñisheguem qojec. Mashe 'am no'oita, cha'aye 'aua'amqaanataxan.

Lucas 8:48

Nache So Jesús 'enapego' aso 'alo, 'eeta': –'Am ỹalole, nagui mashe 'am no'oita, cha'aye huo'o da 'arpi'iỹaxac Aỹem. 'Aue, qojec, saqca ca da.

Marcos 10:52

Nache So Jesús 'enapeco': –Nagui ishet da qojec, mashe 'am no'oita, cha'aye huo'o da 'arpi'iỹaxac Ñim Lo'onatac 'Enauacna. Huaña, nache se'eso qanamaic ishet da qaltaq nauaañi, nache ca'ategue So Jesús.

Marcos 5:34

Nache So Jesús 'enapego' asomaye, 'eeta': –'Am ỹalole, 'am no'oita, cha'aye huo'o da 'arpi'iỹaxac Ñim Lo'onatac 'Enauacna. 'Aue qome, qojec, saqca ca da, mashe 'am no'oita.

Mateo 9:29

Nache So Jesús ipoteua'alo naua la'ai'te soomaye. Nache 'enapeco': –Nagui qami' no'oite' souaxat da Aỹem qaua'amaqchiñi.

Hechos 16:18

Qaq ỹataqta huo'oi soua na'axa'te da nache 'eeta'ac de'era. Qaq choche ivitta'a da ỹataqta sa ỹaỹamaxaren so Pablo. Nache somaye ỹe'eguelaxaguet asomaye, nache 'enapego' som saqcha'a na'añaxac leguemaxaic maye netaigui asomaye, 'eeta': –'Am serolec da le'enaxat So Jesucristo da qoca'ai ana'ana qa'añole. Nache som saqcha'a na'añaxac ca'ai asomaye.

Juan 4:53

Nache so lta'a so nsoqolec ỹaỹaten da nacheso so huetoigui co'ollaq So Jesús 'enapega somaye, 'eeta': «Ca 'aỹa'alec, camaye nca'alec.» Nache somaye qataq 'enauac so netaña ye lma' ỹa'amaqten So Jesús.

Hebreos 4:2

Cha'aye qomi' sa'axasoqchigui da no'on na'axaỹaxac shenaqta'am co'ollaxa so Israel le'ecpi maye ca'ai ye 'alhua Egipto. Qalaxaye nachaqrata da somayepi qaica ca naigui naqa'en de'era hua'aqchigui, cha'aye saishet da ỹa'amaqten qataq saishet da ỹalaxaguet de'era na'aqtaxanaxac.

Hechos 14:9

Qaq se'eso ỹale co'ollaq na'axaỹaxaatega da la'aqtaxanaxac so Pablo. Nache so Pablo co'ollaq ỹamato'ot somaye, nache ila'a da ỹataqta huo'o da lpi'iỹaxac da qanataren.

Mateo 17:18

Nache So Jesús nlaxa se'eso saqcha'a na'añaxac leguemaxaic maye netaigui se'eso nsoq, nache 'enapega da jec. Huaña nache no'oita so nsoq.

Mateo 8:13

Nache So Jesús 'enapega se'eso huataxanaq lta'a, 'eeta': –'Avi'eguelaxa qome ca 'arma'. Qaq ỹataqta ipacchigui qome da 'eetec da 'arpi'iỹaxac. Nache ipacchigui da no'oita se'eso namaxashec co'ollaq qoỹan da na'aqtac.