Mateo 9:16 - La'aqtaqa Ñim Lo'onatac 'Enauacna 2013

¹⁶ Da huo'o aca togoshe npoto da huo'otaq colaqa'ague, nache saishet da qaỹapannaxana ca dalaxaicolec. Cha'aye da qaiỹo aca npoto, nache cam lapannaxat maye dalaxaicolec ỹe'eguena't, nache ishet da icolaxata'ague aca npoto ltoxoi, huaña qaq nquigaxattec ca ltoxo.

Nuevo Testamento Toba Sur

¹⁶ Qaica ca ishit da napaden ca nogoxot ltoxoic da huo'otaq dapannaxana ca dalaxaicolec hualoq laÿi. Cha'ayi que'eca dalaxaicolec napannaxanaxat, da huo'otaq nquiga't, nachi ishit da icolaxata'ague cam ltoxoic, nachi ishit da nquiguec ca lcolaxa.

Nuevo Testamento Toba Sombrero Negro

¹⁶ Qaya'te en laulaĝanaĝat ga'me dalaĝaic qom toijec ga'me loĝot, qa'a ga'me laulaĝanaĝat 'viya't qomle qama'le colqa'ague ga'me loĝot jo'ne toijec; chane'eja nichiguegue q'aen ga'me lauac.

Mateo 9:16 Referans Kwoze

Juan 16:12

Qaq Aỹem qalota na ỹa'aqtacpi da qami' sa'axatema, qalaxaye saishet da qauaỹaañi nagui.

1 Corintios 13:13

Qaq ỹoqo'oye da npi'iỹaxac qataq da aquitaxac qataq da nsoxoyec ỹataqta qaica ca loga't. Qalaxaye da ỹoqta ỹactec ne'enaua tres, nachera da nsoxoyec.

Salmos 125:3

Qaq saishet da nache 'eetai' qome da ilotague' na qauemaicpi, nam lalamaxatpi nam no'on da lataxac, cha'aye na no'on da lataxac saiuena'a da ỹaconeuga da ỹo'ot na qauemsat.

Isaías 40:11

Qaq namaye anac 'eeta'am ca qagueta lo'o da ilotague' ana lalo qaguetapi, qataq nsoqteuo da ỹachetac na qagueta llalaqpi ỹachetelec ana ltogue, qataq ntela'a da huetague' ana cheta'ague da deco'otac.

Génesis 33:14

Qaq no'on da 'am 'aua'auta'ague dam tata'ague ne'ena 'aramaxashec, qaq aỹem qalaq choche ñeqocheeta qome, souaxat da lqauaxac nam shiguiỹacpi, qataq na ñaqpiolec maye ñenaictague'. Qaq maiche ñauanaxa't qom huaña ye Seir.»

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.

Mateo 9:17

Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't. Qaq ỹoqo'oye ca dalaxaicolec lataxa, camaye qaỹachagui aca shiguiỹac lo'oc maye dalaxaale, yaqto' caamaye nache 'eetai'salo da saishet da ne'e'n.

Marcos 2:21

Da huo'otaq huo'o aca togoshe npoto da huo'otaq colaqa'ague, nache saishet da qaỹapannaxana ca dalaxaicolec. Cha'aye da qaiỹo aca npoto, nache cam lapannaxat maye dalaxaicolec ỹe'eguena't, nache ishet da icolaxata'ague aca npoto ltoxoic. Huaña, nache nquigaxatec ca ltoxo.

2 Corintios 9:12

Cha'aye de'era qartaunaxanaxaqui saishet da ndotec da na qarqaỹañicpi ỹaconeguet cam iueetaique, maye nataqa'en ỹo'otec namayepi da ỹaatacot da lta'araic na'achecỹaxac Ñim Lo'onatac 'Enauacna.

Lucas 5:36

So Jesús nataqa'en ỹauo'o da daloqnaxana, 'eeta': «Da huo'otaq huo'o aca togoshe npoto da huo'otaq colaqa'ague, nache qaica ca icheguec ca laỹe aca npoto maye dalaxaale da naparen aca togoshe. Cha'aye da nache 'eetec, nache na'axat aca dalaxaale. Qataq nataqa'en ca dalaxaicolec napannaxanaxat saq taiguet aca togoshe npoto.