Mateo 9:14 - La'aqtaqa Ñim Lo'onatac 'Enauacna 2013

¹⁴ Soua lapaxaguenataqa so nachelaxanataxanaq maye le'enaxat Juan nareua'a So Jesús. Nache inatta'ape, 'eeta': –Qomi' qataq na fariseopi ỹataqta qalota naxa da ñeqouaqchetaqtac, ¿Qaq ta'ainco' naua 'arapaxaguenataqa ye saishet da nache 'eetec de'era?

Nuevo Testamento Toba Sur

¹⁴ Nachi soua nale't so nachilaxanataxanaq mayi l'enaxat Juan nadeu'a so Jesús. Nachi inatta'pe, 'eeta': –¿Tá'ainco' yi qomi' qataq na fariseopi yi ÿataqta qalota naxa da ñoqouaqchitaq, qaq naua 'anale't yi sa ishit da nqouaqchi't?

Nuevo Testamento Toba Sombrero Negro

¹⁴ Joga'me lapaĝaguenataqa ñe'me Juan 'me chilaĝanataĝanaĝaic yec'adeta ñe'me Jesús qama'le yachimaĝadeta, enaac: —Da'me qo'mi nataq'aen joga'me fariseopi jalcote da'me ñoqouaqataĝala't, qama'te naa'me adapaĝaguenataqa ¿toqoch'e ja noqouaqatela'ajalo?

Mateo 9:14 Referans Kwoze

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Juan 3:25

Huo'o so na'a'q, nache huo'oi soua lapaxaguenataqa so Juan da ncotategueto so 'oonolec judío le'ec, ncotatrapigui da lataxac dam nỹoxoc na judiopi.

Juan 4:1

Na fariseopi co'ollaxa ỹaỹaten da So Jesús nquictauec na lataxanatacpi qataq napacalec so Juan na lachelaxanatacpi.

Mateo 11:2

Qaq so Juan maye nachelaxanataxanaq netaigui aso ncoñetaxanaxaqui, somaye iviraua'a da ỹaỹaten 'enauac nam ỹo'otpi So Jesús, nache huo'oi soua ỹama'q som maiche lapaxaguenataqa da yaqto' ina't So Jesús, 'eeta':

Proverbios 20:6

Ỹataqta qalota na 'eetega da no'on da lataxac, qalaxaye saishet da saqalaq da qaỹanata ca ỹoqta ishet da qaipi'iỹa'a.

Mateo 9:15

Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.