Mateo 9:13 - La'aqtaqa Ñim Lo'onatac 'Enauacna 2013

¹³ 'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Nuevo Testamento Toba Sur

¹³ Qauesomiÿa qome, nachi qanapaxaguiñiÿa cam naigui naua ñiyigui'shi l'aqtaqa ñi Dios mayi 'eeta': “Aÿim ñishitaique da qami' qauchoxonnataxañi. Qaq sa ishit da nachida da qai'añiiuo da qaÿavigaxat ca shiguiÿac da qadachitaqtaxanaqchi.” Cha'ayi aÿim sa ishit da ñanac da seÿaxanaique nam no'on da lataxac, chaqnata nam 'itaxaloxoicpi, da yaqto' ÿaxaadeec naua n'onataxaco.

Nuevo Testamento Toba Sombrero Negro

¹³ Jamoyi qama'le anapaĝagueñiya jo' da'me yelo'teguet jenjo' 'naqatac: «Nach'eda jepaquetapega ta'le ami choĝodenataĝanaĝayaqa, qama'le ja naqaeda ta'le auauoyi adajaqajequi 'me aviquiyoue nale.» Qa'a nach'eda da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi.

Mateo 9:13 Referans Kwoze

Marcos 2:17

Qalaxaye So Jesús hua'aqchigui de'era, nache 'enapeco': –Nam iuen ca natannaxanaq, nachena nam sa no'onpi, qaq saishet da nachena nam no'oitapi. Qaq Aỹem ñanac da seỹaxana nam 'etaxaloxoicpi, da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

Lucas 5:32

Aỹem ñanac da seỹaxana nam 'etaxaloxoicpi da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Mateo 12:7

Qami' saishet da qauaỹachiñi cam naiguilo naua ñiyigui'she la'aqtaqa Ñim Lo'onatac 'Enauacna maye, 'eeta': «Aỹem ñeshetaique da qami' qauchoxonnataxañi, qaq saishet da nachera da qaỹa'añiiuo da qaỹavigaxat ca shiguiỹac da qarachetaqtaxanaqche.» Cha'aye da qami' qauaỹaañita de'era, qaq saishettaxa da qauauo'oi ca lasouaxashet cam qaica ca ỹasouaxat.

Proverbios 21:3

Da qaỹo'ot ca no'on qataq ca nalochiguiñi lataxac, qalaq ỹaỹamaxareeta Ñim Lo'onatac 'Enauacna, qaq saq 'ena'am da qoỹaatapegueuo ana nachetaqtaxanaqtepi.

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Mateo 4:17

Huaña, nache So Jesús cot da da'aqtaxanem 'enauac so shiỹaxauapi, 'eeta': «Qavi'eguelaqaỹot qome Ñim Lo'onatac 'Enauacna, cha'aye da lo'onataxanaxac Ñimaye maye hueta'a ne'ena.»

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Mateo 21:42

Nache So Jesús 'enapeco': –¿Qami' peta'a sa ỹauanapego' da qautaxaỹaxañi' naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna maye, 'eeta'?: «So coma' maye ỹo'otan co'ollaxa, som ỹo'oxootac añi no'onaxanaxaqui late'erai nacheso nagui som ỹe'eguelaxa da ỹataqta nhuenec da qaỹo'ot ca nỹec. Qaq damaye ỹo'ot da qara'aalaxa, cha'aye nacheñi Ñim Lo'onatac 'Enauacna maye ỹo'ot de'era.»

Mateo 12:3

Nache Somaye 'enapeco': –¿Saisheto' peta'a da qautaxaỹaxañiỹapec da 'eetec so David co'ollaq huo'o so na'a'q somaye qataq soua lỹata'ape co'ollaq ỹataqta ỹaguec na lqouaqa'?

Marcos 12:26

Qaq de'era lataxac da qaltaq qanca'alaxatec na leuaxaicpi, qalaq ¿saisheto' peta'a da qautaxaỹaxañi aso lere so Moisés, qataq yem hueta'a da na'aqtaguec aso qo'oipaqole maye 'ettaigui, qalaxaye saishet da ỹoqta ỹavic asom netaigui co'ollaxa Ñim Lo'onatac 'Enauacna da detaqtague' so Moisés? Co'ollaq Ñimaye 'enapeco': «Aỹem maye Nachaỹem Natameetacot co'ollaxa so Abraham, qataq so Isaac qataq so Jacob som 'auachegoxogueta.»

Juan 10:34

Nache So Jesús 'enapega somayepi, 'eeta': –Na namaxasoxonaxacpi maye qami' qoỹanema co'ollaxa, nanettañi da la'aqtac Ñim Lo'onatac 'Enauacna maye 'eeta': «Qami' sa'axatema da qami' piguem le'ecpi.»

Mateo 19:4

Nache So Jesús 'enapeco': –¿Saisheto' peta'a da qautaxaỹaxañi' naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna? Anamaye nanettalec co'ollaq cheta'ague da do'onataxan Ñimaye, nache ỹo'ot so ỹale qataq aso 'alo da yaqto' nmayaxau'.

Mateo 12:5

Qataq qami' ¿saishet peta'a da qautaxaỹaxañiỹa'ape naua lamaxasoxonaxaco so Moisés da na ltaxaỹaxanaxanecpi na shiỹaxauapi maye do'onataxaatapoigui aso atamnaxaqui da namayepi saishet da nmatec ye na'a'q mataxaqui, qalaq ñaqaiyeta saishet da huo'o ca lasouaxashet?

Lucas 10:26

Nache So Jesús ỹasateguet somaye, 'eeta': –¿'Auaỹaten peta'a nam nanettalec ana lereguishepi so Moisés?

Marcos 12:33

Qataq iuen da sauotaxac Ñimaye, imauec da qarquiyaqteỹaxac, qataq sauotaxac na qarqaỹañicpi, 'eeta'am da 'eetec da qarauotaxanaqtaic da maiche qanachaalataxac. Qaq ne'enaua namaxasoxonaxaco ỹataqta qaica ca 'ena'ama da la'amaqche'c, saq 'ena'am da qaỹalaxaguet nam maiche lapaxañipi na shiỹaxauapi.

Lucas 5:31

Nache So Jesús 'enapeco': –Nam iuen ca natannaxanaq nachena nam sa no'onpi, qaq saishet da nachena nam no'oitapi.