Mateo 9:11 - La'aqtaqa Ñim Lo'onatac 'Enauacna 2013

¹¹ Qaq huo'o som ỹalectaigui na fariseopi da ỹauaachigui 'enauac se'eso shiỹaxauapi, nache inattra'apo' soua lapaxaguenataqa So Jesús 'eeta': –¿Ta'ainco' ñim qami' ỹapaxagueeta'ape ye ishet da nhuana'ai' nam ỹacootapeeguet anam nsheetenaqte ca nta'a qataq nam 'etaxaloxoicpi?

Nuevo Testamento Toba Sur

¹¹ Qalaxayi nam ÿalectaigui na fariseopi co'ollaq ÿauaachigui de'eda, nachi inatta'pe soua nale't somayi, 'eeta': –¿Tá'ainco' ñim qami' ÿapaxagueeta'pe yi ishit da nhuana'ai' nam ÿacootapeeguet anam nshiitenaqte ca nta'a qataq nam 'itaxaloxoicpi?

Nuevo Testamento Toba Sombrero Negro

¹¹ Mane'e da'me yauata da'me dojo' joga'me fariseopi, qama'le yachimaĝatalo jogaa'me Jesús lapaĝaguenataqa, enapega't: —Ñe'me adejaliaĝanequi, ¿Toqoch'e neuanaĝa'u ga'me lo'olpi da'me nejetenaguec ñe'me jaliaĝanec jo'ne Roma le'ec choqoga'me loeco lo'olpi?

Mateo 9:11 Referans Kwoze

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

Marcos 2:16

Qalaxaye huo'o so dapaxaguenataxaatapeguec na namaxasoxonaxacpi maye chegaqaigui na fariseopi co'ollaq ỹauaachigui So Jesús da lquia'axaua 'enauac se'eso shiỹaxauapi, nache inatta'ape soua lapaxaguenataqa So Jesús, 'eeta': –¿Ta'ainco' ñi Qarataxala'ai da dequi'iỹa'ai' nam ỹacootapeeguet ana nsheetenaqte ca nta'a maye neta'ague da Roma, qataq nam shiỹaxauapi maye qauem da na'aqtaguec?

Hebreos 5:2

Qaq cha'aye que'eca ntaxaỹaxanaxanec ye nataqa'en huo'o da lqalaic da ỹalaxaguet Ñim Lo'onatac 'Enauacna, nache iuen da ỹachaxan da nhualaxaune' nam qaica ca ỹaỹaanapec qataq 'etaxaloxoicpi.

Gálatas 2:15

'Enauac da shenaqta, qomi' judiopi, chegoqchiguiña co'ollaq nañiguiñi ñi 'oonolec, qaq saishet da shenaqta'am nam 'etaxaloxoicpi maye saishet da judiopi.

Lucas 19:7

Qaq co'ollaq qaỹauaachigui de'era, nache qanayectega, qoỹeeta': «So Jesús qache ishet da taua'a ye lma' so ỹale maye 'etaxaloxoic.»

Isaías 65:5

Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.

2 Juan 1:10

Qaq da huo'otaq huo'o ca qami' namaqtegalo da saishet da qami' ỹapaxagueneque de'era, nache camaye saishet da qauacoñiiguet da taua'a ca qarmaye, qataq saishet da qauquiñi.

Mateo 5:46

Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Mateo 9:10

Qaq nacheso se'eso na'a'q da So Jesús qataq soua lapaxaguenataqa nqo'oora ca lma' so Mateo da lquia'aqa'. Nataqa'en lquia'axauapi nam laỹepi maye ỹacootapeeguet ana nsheetenaqte ca nta'a qataq na shiỹaxauapi maye qauem da na'aqtaguec.

Hechos 11:3

Nache 'eetego' somaye, 'eeta': –¡'Am 'aupa'aigui na lma' na shiỹaxauapi maye saishet da judiopi, qataq ivira'a da 'arquia'axaua namayepi!