Mateo 9:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache So Jesús qataq huenongui aso nllocta da taitague na le'ego aso lapel da ỹe'eguelaxata ye maiche lalamaxat lma' yem nỹecpi maye le'enaxat Cafarnaúm.

Nuevo Testamento Toba Sur

¹ Nachi so Jesús qataq huenojñigui aso barco da naitague na le'ego aso lapel da ñi'iguelaxata so maichi lalamaxat lma'.

Nuevo Testamento Toba Sombrero Negro

¹ Ca'li yem da'me dojo', Jesús nañgui jaga'me licota, qama'le paideta ga'me lajego jaga'me qa'em lat'edai; yem qama'le Jesús yec'ata di'me noic jo'ne mach'e 'lachaqa'.

Mateo 9:1 Referans Kwoze

Mateo 4:13

Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

Lucas 8:37

Nache 'enauac na shiỹaxauapi maye lma' ye Gerasa, nachoxoreetacot So Jesús da ca'ai yi'iye 'alhua, souaxat da ỹataqta lta'araic da lcolanaxa. –Qaq co'ollaq So Jesús da huenooñigui aso nllocta da ỹe'eguelaxata ye Galilea,

Marcos 5:21

So Jesús co'ollaq ivittague da lỹa le'ego aso lapel netangui aso nllocta, nache hua'a so loigue, cha'aye qalota so shiỹaxauapi da laponeua'a Somaye.

Mateo 8:18

Qaq So Jesús co'ollaq ila'a da ỹataqta qalota so shiỹaxauapi da laponeua'a nache 'enapegalo soua lapaxaguenataqa da taitrague da le'ego aso lapel late'erai ye Galilea.

Mateo 7:6

Saishet qome da qaỹa'añim na pioxoppi cam lalamaxat Ñim Lo'onatac 'Enauacna. Qataq saishet da qauasaqaiua'a aca cos late'epi ca 'otaxat maye no'on. Cha'aye saishet da huo'o ca 'oonolec caamaye da huo'o ca naigui naqa'en camaye, nachaqrata da petapigui, qataq ishet da ivira'a da qami' ina'c.

Apocalipsis 22:11

'Aua'aqta'a ca 'etaxaloxoic da queto'ot da ỹo'ottac ca qauem; qaq ca nshepaxan da ntoonaxac, nache queto'ot da ỹo'ottac nam lataxacpi maye nshepaxan. Qaq cam ỹo'ottac cam ỹaỹamaqchiguiñi, nache 'aua'aqta'a da queto'ot da ỹo'ottac, qaq cam ỹanot da nachaalataxac Ñim Lo'onatac 'Enauacna, nache 'aua'aqta'a da ỹataqta nañanot Ñimaye.» Nache So Jesús 'enapeco':

Mateo 8:23

Nache So Jesús huenongui aso nllocta, nache jec da nnaicapegueto soua lapaxaguenataqa.

Lucas 8:40

Qaq co'ollaq mashe nvitta So Jesús ye 'alhua Galilea, nache na shiỹaxauapi ỹataqta lta'araic da ntonaxac, cha'aye 'enauac qaiuattaique.