Mateo 8:8 - La'aqtaqa Ñim Lo'onatac 'Enauacna 2013

⁸ Nache so huataxanaq lta'a 'enapeco': –'Am Ỹataxala', aỹem ỹataqta saq saiguet da 'aunoxonoigui ñi ima'. Nachaqrata da choche 'aỹa'an ca 'ara'aqtac, nache ye ỹamaxashec no'oita.

Nuevo Testamento Toba Sur

⁸ Nachi so huataxanaq lta'a 'enapeco': –'Am ÿataxala', aÿim ÿataqta saq saiguet da 'aunoxonoigui ñi ima'. Chaqdata da 'am 'ai'an ca 'ad'aqtac, nachi ca ÿamaxashic no'oita.

Nuevo Testamento Toba Sombrero Negro

⁸ Qama'le ñe'me coicopi lajoĝola' 'yateguet: —Jaliaĝanec, ja jalo'taguet ta'le auenoĝonoue ñe'me 'yemec; nach'edata da'me aua'uo ga'me at'aqatac, qama'le di'me yalemaĝajet yemegue qomle.

Mateo 8:8 Referans Kwoze

Salmos 107:20

Qataq namaxa so la'aqtac nache nataren, qataq nqateeguesop aso huachiqui.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Mateo 8:3

Nache So Jesús ipoteua'a somaye, nache 'eeta': –¡Aja', seshet! ¡Nagui 'am no'oita! Nache co'ollaq choche nasaxauec de'era la'aqtac, nache som nchega na lo'oc, somaye ỹataqta no'oita.

Juan 1:27

Na'aictaxa da aỹem hua'auñi da ñevi', qalaxaye damaye ỹataqta ỹactec da la'amaqchec. Na'aictoxo' da choche aỹem l-latac ỹataqta sa yaloua'a.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›

Lucas 15:19

Qaq ỹoqo'oye saq saiguet nagui da 'auamata'ac da aỹem 'aỹa'alec, qaq no'on qome da 'aue'enaxatteguet aỹem ca 'oonolec nam 'aro'onataxanaxanecpi.›

Mateo 3:14

Qalaxaye so Juan co'ollaq cheta'ague, nache sa ỹaỹamaxaren da nachelaxan Somaye. Nache 'enapego' So Jesús, 'eeta': –Aỹem maye iuen taxa da aỹem 'anachelaxan, qalaq ¿ta'ainco' ye aỹem 'auanaỹa da 'auauotaique da 'am ñachelaxan?

Números 20:8

'Auacona qome aca nashelte, nache 'am qataq ñi 'arqaỹa Aarón qalaỹoñiỹa't qome na shiỹaxauapi. Nache ỹauaachigui 'anqa'en da qonapega añi coma' da ỹanem namayepi ca 'etaxat, qaq huaña nache 'auauaachigui añi coma' da chegaqaigui ca 'etaxat, nache nỹomigui na shiỹaxauapi qataq na na'atetpi.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Génesis 32:10

qaq aỹem, ỹataqta saq saiguet da 'arauotaxanaqtaic qataq 'artelaxa da sheeta, cha'aye co'ollaq sa'axasoxoolec aso tala Jordán, nache qaica ca lỹa sachetac, nachaqanata ana ỹashelte. Qaq nagui qalaq sevira'a da dos naua lma'ate na ñenaictague'pi.

Mateo 8:7

Nache So Jesús 'enapeco': –Aja' Aỹem ñeqo'ona da ñataren.

Mateo 8:9

Cha'aye aỹem saỹaten da nalaxayec qataq da namaxasoxonaxac. Da huo'o ca shenapega 'oonolec na ñalleppi da nqo'ona ca lauanec, nache camaye jec. Qataq da shenapega ca lỹa da sheeta' 'auanac, nache camaye anac, qataq da samaq ca ỹamaxashec da huo'o ca ỹo'ot, nache camaye ỹalaq da huo'o ca ỹo'ot.