Mateo 8:5 - La'aqtaqa Ñim Lo'onatac 'Enauacna 2013

⁵ Qaq huo'o so na'a'q So Jesús taua'a ye nỹecpi maye le'enaxat Cafarnaúm, nache anac so huataxanaq lta'a maye lma' ye Roma da nachoxoreetacot Somaye,

Nuevo Testamento Toba Sur

⁵ Qaq co'ollaq taÿau'a so Jesús yi pueblo Capernaum, nachi anac so huataxanaq lta'a mayi l'ec yi Roma da nachoxodeetot somayi,

Nuevo Testamento Toba Sombrero Negro

⁵ Mane'e ca'li Jesús taue di'me Capernaúm, 'uo ñe'me Roma le'ec jo'ne coicopi lajoĝola' yec'ata ñe'me qaedi nachoĝodenot,

Mateo 8:5 Referans Kwoze

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Hechos 27:43

Qalaxaye som lta'a so huataxanaqpi huotaique da nca'alaxatec so Pablo, nache saishet da ỹashenem somayepi da dalaataxan; chaqrata da ỹan da la'aqtac da ca ỹaỹaten da laloxonaxac, nache ishet da hua'auta'ata so 'alhua da daloxoota.

Hechos 27:31

Qalaxaye so Pablo icoyeguen som huataxanaq lta'a qataq so nalleppi, 'eeta': –Ne'enapi da huo'otaq huenoteeguesop ana notaxaqui, nache qami' saishet qome da qarca'alliiuec.

Hechos 23:17

Nache so Pablo iỹaxana so 'oonolec nam ltauapi so huataxanaq lta'a, nache 'enapega, 'eeta': –'Auauegueua'a qome de'era nsoq ca nta'a, cha'aye damaye huo'o da la'aqtaxanaxac da da'aqtaxanem camaye.

Mateo 4:13

Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

Hechos 27:13

Qanache lapaxauo so la'at nte, qalaxaye saq chaxaguet. Nache somayepi ipi'itaxano' da mashe ishet da qaltaq jec. Nache qaltaq jec, qanayecto'ot na loigue añi ỹaqa'ata 'alhua le'enaxat da Creta.

Hechos 23:23

Nache so nta'a iỹaxanalo soua dos maye ilotegueto na huataxanaqpi, nache 'enapegalo 'eeta': Qauqataxañiỹai' ca doscientos huataxanaqpi na petañi, qataq setenta nam ỹauota'a na lalo caaỹo, qataq doscientos nam ỹauota'a ana lataquiaxai. Qataq nataqa'en qauauo'oi ca nnotaxala' caaỹo ca Pablo, cha'aye ñeshetaique da qomele qaỹata'ague na pe, nache qanqo'oñiỹa ye nỹecpi ye Cesarea da qauauequiiua'a ñi nta'a Félix. Qanchelỹa'a qome ca Pablo, yaqto' qaica ca ivireguet qauem.

Hechos 22:25

Qalaxaye co'ollaq mashe ime da qaicoñe' da qaỹauotaique da qaiuaxan, nache so Pablo 'enapeco': –¿Qami' qache isheto' da huo'o da qoñic da qauaxañi ca Roma le'ec, da huo'otaq saxanaxa da qanmichi ca 'eetec ca lasouaxashet?

Marcos 15:39

Nache som huataxanaq lta'a maye nachattañi, datato'ot so npe'enaxala' So Jesús, somaye co'ollaq hua'aqchigui da la'alaxac, qataq da 'eetec co'ollaq ileu, nache somaye 'enapeco': –Ỹoqta 'eesa da ñi'iñi ỹale, Ñimaye Llalec Ñim Lo'onatac 'Enauacna.

Marcos 2:1

Qaq co'ollaq mashe huo'oi soua na'axa'te, nache So Jesús qaltaq ỹe'eguelaxa ye nỹecpi ye Cafarnaúm. Qaq co'ollaq choche qaỹaỹaten da hueta'a ca nma',

Mateo 9:1

Qaq co'ollaq ime de'era, nache So Jesús qataq huenongui aso nllocta da taitague na le'ego aso lapel da ỹe'eguelaxata ye maiche lalamaxat lma' yem nỹecpi maye le'enaxat Cafarnaúm.

Mateo 11:23

Qataq qami' maye qarmaye ye Cafarnaúm, ¿qaupi'itaxañiitega peta'a da 'onaxaic da qarviraxaqui da qami' qaỹaconegueta da piguem? Qalaxaye Aỹem qami' shenapegalo da qami' qaỹamaxañalo qome ca ỹataqta qaỹoqchiguiña nhuaxanaqa' na leuaxaicpi. Cha'aye nam sa qaỹauanapega maye qaỹo'otpi maye qami' huanguilo da huaña taxa so Sodoma, nache somayepi naralaxat taxa da lataxac, nache se'eso nỹecpi taxa nagui ñaqauo'o.

Hechos 9:38

Qaq yi'iye Jope, nache saqaỹapeque ye Lida yem hueta'a so Pedro. Nache som 'amqaanataxanaxaicpi co'ollaq la'axaỹaxac somaye da hueta'a yemaye, nache qaỹamaxalo soua dos ỹale't da 'enapega, 'eeta': –Qomi' 'anqouagueque da sa 'anaỹaloxon da 'ananaỹa na nỹecpi na Jope.