Mateo 8:4 - La'aqtaqa Ñim Lo'onatac 'Enauacna 2013

⁴ Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Nuevo Testamento Toba Sur

⁴ Nachi so Jesús 'enapega somayi, 'eeta': –Sa ishit qome da huo'o ca 'au'axatem de'eda. Chaqdata da 'am qojec, 'anachaxaneu'a ñim ltaxaÿaxanaxanec na shiÿaxauapi da qaitaxaÿapegue' ñi Dios, qataq 'ai'aneuo qome aca 'adachitaqtaxanaqte mayi damaxasoxoolec co'olloxochiyi so Moisés, yaqto' qaÿaÿaten da mashi 'am no'oita.

Nuevo Testamento Toba Sombrero Negro

⁴ Jesús yitaĝa enaac: —Ena'te gamachaqaega a'uaĝatem da'me dojo'. Nach'edata da'me auec'ata ñe'me tamenaĝaiqui lo'o qama'le analoĝoneguet, nataq'aen auedouo jaga'me adajaqaje, laloĝoiqui da'me male am yoqovita, nataq'aen naq'aeta da'me damaĝajoĝolegue di'me Moisés ca'li, qaedi ena'uaque jogaa'me yayate'n da'me yataqachiñe ademegue, ja am 'te netaye ga'me adapite'na. ¡Jamo: male oc!

Mateo 8:4 Referans Kwoze

Lucas 17:14

Nache So Jesús co'ollaq ila'alo soomaye, nache 'enapegalo, 'eeta': –Qauesomiỹa, qanachaxañeeua'a cam ltaxaỹaxanaxanecpi nam shiỹaxauapi da qaitaxaỹapegue' Ñim Lo'onatac 'Enauacna. Qaq co'ollaq quetrague' soomaye ca nqa'aic, nache maiche no'oite'.

Lucas 5:14

Ime, nache So Jesús 'enapega somaye, 'eeta': –Saishet qome da huo'o ca 'aua'aqtaxanem de'era. Nachaqrata da 'am qojec, 'anachaxaneua'a ñi ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Ime, qaq 'aỹa'aneuo aca 'arachetaqtaxanaqte maye damaxasoxoolec co'ollaxa so Moisés, yaqto' na ntaxaỹaxanaxanecpi ỹaỹaten da mashe qaica so 'aralolaxa.

Marcos 7:36

Nache So Jesús 'eetega so shiỹaxauapi da saishet da huo'o ca qaỹa'aqtaxanem de'era. Qalaxaye co'ollaq ỹataqta na'axannec da huaqatteguelec somayepi, nache somayepi ỹataqta nquigaxattec da la'aqtaxanaxac,

Mateo 9:30

Huaña nache se'esoua qanamaiqa ỹe'eguelaxa da qaltaq nauaayiñi. Nache So Jesús 'enapegalo soomaye, 'eeta': –Saishet qome da huo'o ca qaua'aqtaxañim de'era.

Marcos 6:11

Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Marcos 5:43

Qalaxaye So Jesús ỹataqta sa ỹala'ac da huaqattega da saishet da huo'o ca qaỹa'axatem de'era. Ime, nache damaxasoxoolec da qaiquia'axan aso nogotole.

Mateo 17:9

Qaq co'ollaq mashe huenotreeguesopa aso qaỹoqotcheguemec 'alhua, nache So Jesús 'enapegalo soua lapaxaguenataqa, 'eeta': –Saishet qome da huo'o ca qaua'aqtaxañim de'era qarauanaqchiqui, nato' qom Aỹem Shiỹaxaua Llalec mashe seleu qataq da mashe ñeca'alec.

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Mateo 5:17

Saishet qome da qaupi'itaxañiitega da Aỹem ñanac da ñelaxaañi na lamaxasoxonaxacpi so Moisés qataq da sheetega mashe qaica ca naigui na lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Nachaqrata da ñanac da yaqto' sepagaqchiichigui dam ỹoqta 'eesa naigui namayepi.

Isaías 42:21

Qaq Ñim Nataxala', ye ñimaye deca'alaqtaxan, nache huotaique da ỹo'ot da lta'araic naqa'en qataq ỹo'oxoraq dam lapaxaguenataxanaxac,

Juan 8:50

Aỹem saishet da ñeshetaique da Aỹem qaỹo'oxoren, qalaxaye huo'o Ñim nshetaique da Aỹem qaỹo'oxoren, qaq nacheñi Ñim ỹaỹaten da naua iuennataxaco da ỹataqta 'eesora.

Juan 7:18

Ca shiỹaxaua da huo'otaq maiche nallegoxottela't ca ltaxaỹaxac, camaye 'eetec de'era, cha'aye nshetaique da na shiỹaxauapi ỹo'oxoren. Qalaxaye Aỹem ñeshetaique da Ñim Lo'onatac 'Enauacna maye Aỹem namaq, nacheñi Ñim talec cam llo'oxoyec maye maiche lalamaxat; qaq ỹoqo'oye Aỹem nache 'eetai' da sa'axattac ca 'eesa.

Juan 5:41

Aỹem saishet da choche ñaquitta'a da Aỹem ỹo'oxoren na shiỹaxauapi.

Lucas 21:13

Huaña qome, nache qauqopitaxañiỹapec da Aỹem qaua'axacheetac da qaua'aqtaxañim namayepi.

Marcos 8:30

Nache So Jesús huaqattegueleguete soomaye da saishet da huo'o ca da'aqtaxaarem, da nacheso So Lca'aguishec Ñim Lo'onatac 'Enauacna.

Mateo 16:20

Nache So Jesús huaqattapegueleguete soua lapaxaguenataqa da yaqto' saishet da huo'o ca da'aqtaxanem da Somaye nacheso So Lca'aguishec Ñim Lo'onatac 'Enauacna.

Mateo 3:15

Qalaxaye So Jesús 'enapeco': –'Onaxaic da 'auo'ot nagui de'era. Cha'aye qomi' iuen da sepagaqtelec dam la'aqtac Ñim Lo'onatac 'Enauacna. Nache so Juan ỹaỹamaxareeta,

Marcos 13:9

Qalaxaye maxatchaxa qome. Cha'aye qami' qoỹaneua'alo qome na lataxala'pi na shiỹaxauapi, nache qami' iuaxaata'ape da huaigui ana napaxaguenaxaquipi na judiopi. Huaña, nache qami' qanachaalataxaneua'alo na nta'alpi maye ilotegueto naua 'aleu', qataq na lta'alpi namayepi souaxat da Aỹem qoquiitague'. Qalaxaye huaña qome, nache Aỹem qaua'axache da qaua'aqtaxañim namayepi.

Levítico 13:49

da huo'otaq huagui ca nogoxoshet na daralalec huo'otaq tocalec da lo'oxoỹaxac, qache nachera da chegaqaigui da nhuetaxanaxa maye nchega naqa'en na no'oc, nache iuen da qaỹachaxana ca ntaxaỹaxanaxanec,

Marcos 3:12

Qalaxaye So Jesús ỹataqta sa ỹala'ac da 'enapega na na'añaxacpi maye saqcha'api, da saishet da ỹa'axat da chaq negue't Somaye.

Marcos 9:9

Qaq co'ollaq mashe huenotreeguesop aso qaỹoqotcheguemec 'alhua, nache So Jesús huaqattapegueleguete soua lapaxaguenataqa da saishet da huo'o ca ỹa'axatrem de'era lauanaqche'c, choche ivitta'a da Somaye, som Shiỹaxaua Llalec qaltaq nca'alec.

Lucas 4:41

Qaq nam saqcha'a na'añaxacpi maye ca'ai na shiỹaxauapi ỹa'alaqtagui, 'eeta': –¡Nache 'am maye 'am Llalec Ñim Lo'onatac 'Enauacna! Qalaxaye So Jesús nlaxa ne'ena saqcha'a na'añaxac leguemaxaicpi, qataq sa ỹashenem da detaqa, cha'aye namayepi ỹaỹaten da Somaye, nacheso So Lca'aguishec Ñim Lo'onatac 'Enauacna.

Lucas 8:56

Nache soua lta'al ỹataqta huo'o da la'aalaqa', qalaxaye So Jesús 'enapegalo soomaye da saishet da huo'o ca da'aqtaxaarem de'era.

Lucas 9:21

Qalaxaye So Jesús 'enapegalo 'enauaque soomaye da saishet da huo'o ca da'aqtaxanema, da Somaye nacheso So Lca'aguishec Ñim Lo'onatac 'Enauacna.