Mateo 8:34 - La'aqtaqa Ñim Lo'onatac 'Enauacna 2013

³⁴ Nache 'enauac so shiỹaxauapi maye lma' yi'iye, nauga So Jesús, nache nachoxoreetacot da ca'ai ye lma' somayepi.

Nuevo Testamento Toba Sur

³⁴ Nachi 'enauac na shiÿaxauapi mayi lma' se'eso pueblo nca'ateuga ca hueta'a so Jesús. Qaq co'ollaq qaila'a somayi, nachi qanachoxodeetacot da yaqto' ca'ai yi lma' somayipi.

Nuevo Testamento Toba Sombrero Negro

³⁴ Chane'eja ena'uaque ga'me jo'ne 'lachaqa't ga'me noic dajotegue ga'me jo'ne ue'ta ñe'me Jesús; mane'e ca'li yauata qama'le nachoĝodetot qaedi ca'e di'me dijo' aleua.

Mateo 8:34 Referans Kwoze

Hechos 16:39

Nache soomaye anac, nache nmaatacoto so Pablo qataq so Silas. Ime, nache nqatre'c soomaye, nache nachoxoreetacoto, da yaqto' soomaye quera'ai ye nỹecpi.

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Da na'aqtaguec so Job 21:14

Qataq 'enapega Ñim Lo'onatac 'Enauacna, 'eeta': «¡Ña qomi' 'aua'aqta'alo, cha'aye qomi' saishet da sauoqtaique da saỹatena'q naua 'arqataxaco!»

Da na'aqtaguec so Job 22:17

Qataq somayepi 'eetega Ñim Lo'onatac 'Enauacna, 'eeta': «¡Ña qomi' 'aua'aqta'alo!» ¿Negue'to' ca ishet da qomi' ỹo'oteque Ñim Qaica ca Ỹaqalanapec?

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

Lucas 8:28

Qaq souaxat naxa da so saqcha'a na'añaxacpi da qalota da deloquiaxanataxaatac, nache na shiỹaxauapi icoñera'a't naua lhua'q qataq naua lapia'ate se'eso ỹale, qataq qanauaatalec. Qalaxaye somaye ỹachipiaxattac na ncoñetaxanaxat lcat, nache se'eso saqcha'a na'añaxac leguemaxaic datauec naqa'en somaye, da tauga ca 'alhua maye toolec. –Qaq se'eso ỹale co'ollaq ila'a So Jesús, nache ỹa'alaq, nache ỹa'aroto naua l-llectel Somaye. Nache So Jesús 'enapega se'eso saqcha'a na'añaxac leguemaxaicpi da ca'ai se'eso ỹale, qalaxaye somayepi ỹa'alaqtagui 'eeta': –¡'Am Jesús maye 'am Llalec Ñim Lo'onatac 'Enauacna maye 'amaqtaqaic! ¿Negue't ca 'auauotaique da qomi' 'auo'oteque? 'Am ñachoxonnaqot nagui, da saishet qome da 'auauo'o ca qanque'eenaxac.

Mateo 8:29

nache soua saqcha'alo na'añaxaco leguemaxaiqa ỹa'alaqtai'salo, 'eetra': –¡'Am Jesús maye 'am Llalec Ñim Lo'onatac 'Enauacna!, ¿negue't cam qomi' 'auo'oteque? ¿'Auauo'o peta'a ca qanhuaxanaguec nagui da saxanaxa da nvi' ca nmitaguec 'enauacna?

1 Reyes 18:17

Nache co'ollaq choche ila'a somaye, nache 'enapega, 'eeta': ¿Qache nache 'amo' maye 'auo'ottac da qaica ca laỹamqa' na Israel le'ecpi?

1 Samuel 16:4

Nache so Samuel ỹo'ot dam ỹamaxalec Ñim Nataxala'. Qaq co'ollaq ivita ye Belén, nache so nqueroxonecpi maye lma' se'eso huaqta'a't nỹecpi ca'atta'aguet co'ollaxa somaye, qalaxaye ỹataqta huo'o da lcolanaxa, nache qainato', qoỹeeta': «¿Peta'a qaica cara dam 'arviraxac?»

Deuteronómio 5:25

Qaq nagui, ¿ta'ainectoxo' da ishet da qarelem na lta'araic norec? Cha'aye da ỹoltaq ỹe'eguelaxalec da sa'axasoqchigui da lavilỹaxac Ñim Nataxala' maye Qanatamnaxala', nache seleuaq qome,

Amós 7:12

Huaña, nache so Amasías, 'enapega so Amós, 'eeta': ¡'Am na'aqtaxanaxanec, qoca'ai qome ne'ena! ¡Da 'anshetaique da 'auque'etapigui da 'ara'aqtaxanaxac, nache 'anqo'ona ye 'alhua Judá!