Mateo 8:30 - La'aqtaqa Ñim Lo'onatac 'Enauacna 2013

³⁰ Qaq se'eso qanayeuta'a, nache saqaỹauga so netaña aso qalota cos late'epi deque'etac.

Nuevo Testamento Toba Sur

³⁰ Qaq que'eca sa qaÿauga se'eso 'alhua, nachi netaña aso qalota cos late'epi, deque'etac.

Nuevo Testamento Toba Sombrero Negro

³⁰ Ja qayaja'a ga'me ueteda'a uo'oe gaa'me coochelpi deque'tape,

Mateo 8:30 Referans Kwoze

Marcos 5:11

Qaq huo'o aso saqaỹapeque lcomaraxalate se'eso qanayeuta'a, netalec aso qalota cos late'epi deque'etac.

Deuteronómio 14:8

Qataq ana cos na'aictaxa da colaxaguilo naua nna'ache, qalaxaye saishet da ye'eguelaqtaxan, nache saishet da qollequi qome anamaye, qataq saishet da qauashilligui da ileu, nacherata da qauqaiquiỹa.

Levítico 11:7

Ana cos maye colaxara'ache naua nna'ache, qalaxaye saishet da ye'eguelaqtaxan. Cha'aye saishet da qui'itta.

Lucas 8:32

Qaq yi'iye qanayeeta'a saqaỹapeque aso lcomaraxalate, nache hueta'a aso qalota cos late'epi deque'etac. Nache se'eso saqcha'a na'añaxac leguemaxaicpi, nachoxoreetacot So Jesús da ỹasheetem da taigui asa'aso cos late'epi. Nache So Jesús ỹasheetem somayepi da taigui.

Isaías 66:3

Qalaxaye nam ỹavigaxat na huaca lhuaraic da lachetaqtaxanaxat qalaq 'eeta'am ca ỹalauat ca shiỹaxaua, qataq na ỹan na qagueta llalec da lachetaqtaxanaxat qalaq 'eeta'am ca ipelecot na lqosot ca pioq, qataq cam ỹaneuo na ala na nañiguishec da lachetaqtaxanaxat qalaq 'eeta'am ca ỹaneuo na ltago'q aca cos late'e, qataq nam ỹavigaxat na lchenaxanaxat maye ama na laita da lachetaqtaxanaxat qalaq 'eeta'am nam ỹo'oxoreetac nam ne'enaqtac atamnaxala'pi. Namayepi maiche lca'aua'a da maiche llecỹaxac, qataq nqopita da ỹo'ottac dam ỹataqta seqaiga.

Mateo 7:6

Saishet qome da qaỹa'añim na pioxoppi cam lalamaxat Ñim Lo'onatac 'Enauacna. Qataq saishet da qauasaqaiua'a aca cos late'epi ca 'otaxat maye no'on. Cha'aye saishet da huo'o ca 'oonolec caamaye da huo'o ca naigui naqa'en camaye, nachaqrata da petapigui, qataq ishet da ivira'a da qami' ina'c.

Mateo 8:29

nache soua saqcha'alo na'añaxaco leguemaxaiqa ỹa'alaqtai'salo, 'eetra': –¡'Am Jesús maye 'am Llalec Ñim Lo'onatac 'Enauacna!, ¿negue't cam qomi' 'auo'oteque? ¿'Auauo'o peta'a ca qanhuaxanaguec nagui da saxanaxa da nvi' ca nmitaguec 'enauacna?

Mateo 8:31

Nache se'eso saqcha'a na'añaxac leguemaxaicpi nachoxoreetacot So Jesús, 'eeta': –Da qomi' 'anqateeguesopa ne'enaua ỹale't, nache no'on da qomi' 'auasheetema da saxaigui aya'aye cos late'epi.