Mateo 8:3 - La'aqtaqa Ñim Lo'onatac 'Enauacna 2013

³ Nache So Jesús ipoteua'a somaye, nache 'eeta': –¡Aja', seshet! ¡Nagui 'am no'oita! Nache co'ollaq choche nasaxauec de'era la'aqtac, nache som nchega na lo'oc, somaye ỹataqta no'oita.

Nuevo Testamento Toba Sur

³ Nachi so Jesús ipoteu'a somayi, nachi 'eeta': –Aja', seshit. Nagui 'am no'oita. Nachi co'ollaq chochi nasaxauec de'eda l'aqtac, nachi som nchiga na l'oc, somayi ÿataqta no'oita.

Nuevo Testamento Toba Sombrero Negro

³ Jesús en ga'me louaq da'me yepot, qama'le enaac: —Eja, ja'amaqaten. Qama'le nayi, ¡Am yoqovita! Qama'le paja'a ca'e ga'me daloĝo, male qaya ga'me lapite'na.

Mateo 8:3 Referans Kwoze

Lucas 5:13

Nache So Jesús ipoteua'a somaye, nache 'enapega, 'eeta': –¡Aja', seshet! ¡Nagui 'am no'oita! Nache saqaỹaloq da qaica so lalolaxa se'eso sa no'on.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

Marcos 1:41

Nache So Jesús ỹataqta huo'o da lchoxonnataxanaxa somaye, nache ipoteua'a, qataq 'enapego', 'eeta': –¡Aja', seshet! ¡Nagui 'am no'oita!

Juan 5:21

Cha'aye de'era 'eetec da Ñi Ita'a da ishet da qaltaq nca'alaxatec ca leuaxaic, qaq nache 'eetec nataqa'en nam Llalec, da ishet da ỹanem da lca'alaxa cam taalec da ỹanem.

Marcos 4:39

Nache So Jesús ñesheguem, nache 'enapega so la'at qataq aso lapel da nañaxaayiñi. Nache so la'at vi'iiguet, nache 'enauac da ỹe'eguelaxa da ntochiguiñi.

2 Reyes 5:11

Nache so Namán dalemata co'ollaxa, nache jec, qataq 'enapeco': «Aỹem sepi'itaxaatego' da ỹataqta aỹem nca'ateuga cam na'aqtaxanaxanec, nache aỹem nachatto'ot da iỹaxanot Ñim Nataxala' maye Natamnaxala', qataq ỹauota'a na lhuaq da ipoteua'a nam huaña da ỹalolaxa, nache aỹem no'oita naqa'en.»

Génesis 1:3

Nache Ñim Lo'onatac 'Enauacna 'enapeco': ¡Huo'o ca yo'oqchiguiñi! Nache ipacchigui da yo'oqchiguiñi.

Juan 11:43

Qaq co'ollaq ime da nasaxauec de'era, nache deỹaxan, 'eeta': –¡Lázaro, 'ampa'auec!

Lucas 7:14

Nache So Jesús nquigueua'a da ipoteua'a so lmala' se'eso leuaxaic. Nache soua ỹale't maye ỹacheta'ape vi'iigueta. Nache So Jesús 'enapega so leuaxaic, 'eeta': «¡'Am nsoqolec, 'am shenapega da qoñisheguem!»

Marcos 9:25

Nache So Jesús co'ollaq ila'aguet da mashe qalota na shiỹaxauapi da huotaique qanpataxagui Somaye, nache nlaxa so saqcha'a na'añaxac leguemaxaic, 'eeta': –'Am saqcha'a na'añaxac leguemaxaic maye saq da'aqtaxan 'anqa'en ne'ena nsoq, ¡'am shenapega da qoca'ai, qataq saishet da 'añe'eguelaxa namaye!

Marcos 7:34

Ime, nache ỹamato'ot na piguem, nache ñaxaayishegue'm naua la'a'che, nache 'enapego' somaye, 'eeta': «¡Efatá!» Damaye naigui da 'eeta': «¡Nauatre'c qome naua ntela lauaco!»

Marcos 5:41

Nache ỹacona na lhuaq asomaye, nache 'enapega ỹauota'a na la'aqtac na arameo, 'eeta': –¡Talitá, cum! De'era na'aqtac naigui da, 'eeta': «'Am nogotole, 'am shenapega, qoñisheguem.»

Juan 15:24

Qataq namayepi saishettaxa da huo'o ca lasouaxashet, da saishet da huangui ñaqa'en namayepi da so'ot nam saishet da huo'o ca ỹañoxot da ỹo'ot; qaq namayepi sogote da ỹauaachigui ne'ena so'otpi, qalaxaye ñaqaiyeta Aỹem nquiỹa, qataq Ñim Ita'a.

Éxodo 4:7

Nache Ñim Lo'onatac 'Enauacna qaltaq 'enapega, 'eeta': «'avi'eguelaxalec da 'aushetoigui ana 'artogue na 'arhuaq.» Nache so Moisés qaltaq ỹe'eguelaxalec da ishetoigui ana ltogue na lhuaq. Qaq co'ollaq nqatec na lhuaq, nache qaltaq ipactegue da no'oitom, 'eeta'am da maiche lo'oxoỹaxac na lo'oc.

Mateo 12:13

Nache So Jesús 'enapega so ỹale, 'eeta': –Ña 'aỹa'anec na 'arhuaq. Qaq co'ollaq choche ỹanec na lhuaq so ỹale, nache no'oita, 'eeta'am so lỹa lhuaq.

Lucas 4:27

Se'eso na'a'q, nataqa'en na lma' na Israel le'ecpi ỹataqta qalota na sa no'on maye nchega na lo'oc, qalaxaye so Eliseo ndotec da nataren so Naamán maye lma' ye 'alhua le'enaxat Siria.