Mateo 8:29 - La'aqtaqa Ñim Lo'onatac 'Enauacna 2013

²⁹ nache soua saqcha'alo na'añaxaco leguemaxaiqa ỹa'alaqtai'salo, 'eetra': –¡'Am Jesús maye 'am Llalec Ñim Lo'onatac 'Enauacna!, ¿negue't cam qomi' 'auo'oteque? ¿'Auauo'o peta'a ca qanhuaxanaguec nagui da saxanaxa da nvi' ca nmitaguec 'enauacna?

Nuevo Testamento Toba Sur

²⁹ Nachi soomayi i'alaqtai'salo, 'eeta': –¿Tá'ainco' yi qomi' 'atapegueu'alo, 'am Jesús mayi 'am llalec ñi Dios? ¿'Am 'auanaicna'a peta'a da 'auauo'o da qanque'ejnaxac, qamaq saxanaxa da sevitaxa ca qadaloqo'?

Nuevo Testamento Toba Sombrero Negro

²⁹ Qama'le 'yalaqa'tape: —¡Ena'te qo'mi aualequete'n, am Dios Lec'oĝot! ¿Qo'li auanaequena qaedi aua'uo qadachoĝodec qom maliaĝa ja jovitaĝa ga'me qadaloqo'?

Mateo 8:29 Referans Kwoze

Marcos 1:24

Somaye ỹataqta ỹa'alaxalec So Jesús, 'eeta': –¡'Am Jesús maye 'am Nazaret le'ec! ¿Ta'ainco' da qomi' 'atapegueua'alo? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton, da 'am Llalec Ñim Lo'onatac 'Enauacna.

Lucas 4:34

–¡'Am Jesús Nazaret le'ec! ¿Negue't ca 'auauotaique da qomi' 'auo'oteque? ¿Qomi' 'auanaỹalo peta'a da qomi' 'aulaxachiguilo? Aỹem 'am sauatton. ¡'Am nache 'am Llalec Ñim Lo'onatac 'Enauacna!

Santiago 2:19

'Am 'aua'amaqten da 'oonolec Ñim Lo'onatac 'Enauacna. ¡Qaq damaye ỹataqta ỹaỹamaqchiguiñi! Qalaxaye ivira'a nam saqcha'a na'añaxac leguemaxaicpi da ỹa'amaqten Ñimaye qataq iviloxolaqchet da lcolanaxa.

Marcos 5:7

Nache So Jesús 'enapega so saqcha'a na'añaxac leguemaxaic, 'eeta': –¡'Am saqcha'a na'añaxac leguemaxaic, qoca'ai ne'ena ỹale! Nache se'eso saqcha'a na'añaxac leguemaxaic, na'axannec da la'alaxac da ỹasateguet Somaye, 'eeta': ¿Ta'ainco' ye aỹem 'atapegueua'a, 'am Jesús, maye 'am Llalec Ñim Lo'onatac 'Enauacna maye 'amaqtaqaic? ¡Saishet da 'auauo'o ca ñeque'eenaxac! ¡Ñimaye aỹem ỹauaachigui nagui da 'am seỹaxaatacot da saishet qome da 'auauo'o ca ñeque'eenaxac!

Lucas 8:28

Qaq souaxat naxa da so saqcha'a na'añaxacpi da qalota da deloquiaxanataxaatac, nache na shiỹaxauapi icoñera'a't naua lhua'q qataq naua lapia'ate se'eso ỹale, qataq qanauaatalec. Qalaxaye somaye ỹachipiaxattac na ncoñetaxanaxat lcat, nache se'eso saqcha'a na'añaxac leguemaxaic datauec naqa'en somaye, da tauga ca 'alhua maye toolec. –Qaq se'eso ỹale co'ollaq ila'a So Jesús, nache ỹa'alaq, nache ỹa'aroto naua l-llectel Somaye. Nache So Jesús 'enapega se'eso saqcha'a na'añaxac leguemaxaicpi da ca'ai se'eso ỹale, qalaxaye somayepi ỹa'alaqtagui 'eeta': –¡'Am Jesús maye 'am Llalec Ñim Lo'onatac 'Enauacna maye 'amaqtaqaic! ¿Negue't ca 'auauotaique da qomi' 'auo'oteque? 'Am ñachoxonnaqot nagui, da saishet qome da 'auauo'o ca qanque'eenaxac.

2 Pedro 2:4

Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

Mateo 4:3

Nache nvi' so pa'aguenataxanaxaic da ỹe'eguen Somaye. Nache 'enapego', 'eeta': –Da ỹoqta 'eesa da 'am Llalec Ñim Lo'onatac 'Enauacna, qaq no'on qome da nañigui nauole 'ayiiña 'anqa'en ne'ena coma'pi.

Juan 2:4

Nache So Jesús 'enapega asomaye, 'eeta': –'Am ỹate'e, ¿ta'ainco' ye qonetec de'era da Aỹem qonapega? Ye Aỹem saxanaxa da ivita ye laloqo' da ñachaxan.

Lucas 4:41

Qaq nam saqcha'a na'añaxacpi maye ca'ai na shiỹaxauapi ỹa'alaqtagui, 'eeta': –¡Nache 'am maye 'am Llalec Ñim Lo'onatac 'Enauacna! Qalaxaye So Jesús nlaxa ne'ena saqcha'a na'añaxac leguemaxaicpi, qataq sa ỹashenem da detaqa, cha'aye namayepi ỹaỹaten da Somaye, nacheso So Lca'aguishec Ñim Lo'onatac 'Enauacna.

2 Samuel 16:10

Qalaxaye so nta'a 'enapeco': Qami' maye qami' llalqa aso Seruyá, saishet qome da qa'aitapegueua'a de'era, cha'aye da aỹem isheueetac damaye, qaq souaxai' nacheñi Ñim Nataxala' da ỹamaxalec. Qaq ỹoqo'oye da nache 'eetec de'era, nache ¿negue'tom ca ishet da inat Ñimaye da ta'ainco' da ỹo'ot de'era?

Judas 1:6

Qaq 'era da 'eetec nataqa'en som lamaxashecpi piguem le'ecpi Ñim Lo'onatac 'Enauacna, maye saishet co'ollaxa da ỹaỹamaxatec da lo'onataxanaxac maye ỹami' Ñimaye. Qaq Ñimaye chochaq tatec naqa'en da ncoñetaguec somayepi qataq ỹapotaua'a, hueta'a ca ỹataqta napalñi, choche ivitta'a que'eca pa'atec na'a'q maye qaica ca 'ena'am qom qanmit 'enauacna.

Hechos 16:17

Qaq asa'aso qa'añole, nache ca'attapiguiñi' so Pablo, nataqa'en qomi'. Nache ỹa'alaqtai', 'eeta': –Ne'enaua ỹale't, naamaye do'onataxaatacoto Ñim Lo'onatac 'Enauacna maye 'amaqtaqaic. Qaq naamaye qami' da'aqtaxaateguema da Ñim Lo'onatac 'Enauacna ishet da qami' nca'alaxatre'c.

Marcos 3:11

Qaq nam saqcha'a na'añaxacpi leguemaxaicpi co'ollaq ilo'ot So Jesús, nache huañipi qataq ỹa'alaqtagui, 'eeta': «¡'Am nache 'am Llalec Ñim Lo'onatac 'Enauacna!»

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?

2 Samuel 19:22

Nache so David, 'enapeco': Qami' llalqa aso Seruyá, saishet da qa'aitapegueua'a de'era, cha'aye damaye maiche ỹalamaxat. Qataq ¿ta'ainco' da qansheetaique da 'eco' qami' ñepa'aguenaxau'? Qataq ¿ta'ainec taxa da huo'o ñaqa'en ca ileu nagui, ye mashe saỹaten da qaltaq aỹem lta'a na Israel le'ecpi?

Joel 3:4

Qami' Tiro, Sidón qataq Filistea le'ecpi, ¿negue't ca qoñeetapeguec da sheeta? ¿Peta'a qansheetaique da aỹem qavi'iguelaxachiỹa'aguet? Qaq da nache qoñeetec de'era, nache aỹem sa ñaỹaloxon qome da qami' taleguete ñaqa'en ca qanhuaxanaguiiqui.

Jueces 11:12

Huaña co'ollaxa nache so Jefté, huo'oi soua ỹamaxalo so lta'a so 'amoniitapi da yaqto' inat, 'eeta': «¿Negue't cam sasouaxat da 'anshetaique da 'auanac da 'auloquiaxan nam netalecpi na ña'alhua?»

2 Reyes 3:13

Qalaxaye so Eliseo, 'enapego' so lta'a so Israel le'ecpi, 'eeta': ¿Negue'to' taxa cam huo'omshe 'am satapegueua'a? 'Anqo'ona taxa da 'aunat can la'aqtaxanaxanecpi som 'arta'a, qataq aso 'arate'e. Nache so lta'a so Israel le'ecpi, 'enapeco': Saishet, cha'aye Ñim Nataxala', 'eeta'am da huaxaỹa't naqa'en ne'enaua tres nta'al, da yaqto' ỹanegueta da lhuaqỹaxac ye Moab le'ecpi.

2 Crónicas 35:21

qalaxaye so Necao ỹauo'o so lamaxashecpi da 'enapega somaye, 'eeta': «'Am nta'a ye Judá, ñaq aỹem 'aua'aqta'a, cha'aye nagui saishet da ñanac da 'am sataỹa'aguet, maye ñanac da sataỹa'aguet yem laỹepi shiỹaxauapi, maye nache 'eetai' da seloctague'. Ñim Lo'onatac 'Enauacna aỹem namaq da seỹalapigui', qaq ỹoqo'oye saishet qome da 'auataỹa'aguet Ñim Lo'onatac 'Enauacna maye aỹem hueta'aguet, yaqto' Ñimaye saishet da 'am ilaxachigui.»

Mateo 8:30

Qaq se'eso qanayeuta'a, nache saqaỹauga so netaña aso qalota cos late'epi deque'etac.