Mateo 8:20 - La'aqtaqa Ñim Lo'onatac 'Enauacna 2013

²⁰ Nache So Jesús 'enapeco': –Anam huaxaỹaxapi huo'o na lauacpi, qataq nam maỹopi huo'o na lpata'cpi, qalaxaye Aỹem Shiỹaxaua Llalec, saishet da huo'o ca ỹalamaxat ima' da ñematec.

Nuevo Testamento Toba Sur

²⁰ Nachi so Jesús 'enapeco': –Anam huaxaÿaxapi huo'o na lauacpi, qataq nam maÿopi huo'o na lpata'cpi. Qaq nam shiÿaxaua llalec, qalaxayi sa ishit da huo'o ca l'axasoqo'.

Nuevo Testamento Toba Sombrero Negro

²⁰ Jesús 'yateguet: —Ga'me uaĝayaĝa uo'oe naa'me lauaco, nataq'aen na'me mayodipi uo'oe naa'me pataque'te. Qalaĝaja mach'e jayem Jiyaĝaua Lec'oĝot qamqa'me ja jauana ga'me joua'a qaedi ja'uo ga'me ñalaĝanaĝat.

Mateo 8:20 Referans Kwoze

Salmos 84:3

Cha'aye ivira'a na qoỹopiolec maye nỹec le'ecpi qataq na payogotolec, ishet da ỹanata na lanataqa' da naña naqa'en ana nca'atoxonaxalatepi, nache ỹo'ot na lpata'c da netangui naqa'en na llalaqpiolec, 'Am Nataxala' maye Qaica ca 'Auqalanapec, 'am Ita'a maye Ñatamnaxala'.

Lucas 2:7

ñiguiñi so la'auaxanec llalec. Qaq souaxat ye sa ỹanatra cam nỹec maye ishet da huera'a se'eso pe, nache soomaye huera'a so lma' na nlo shiguiỹacpi. Nache huaña yemaye co'ollaq ñiguiñi so llalec, nache aso María lpataxangui so lapo' hualoq laỹe. Ime, nache ỹachangui aso lquia'axaqui na shiguiỹacpi.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Lucas 2:16

Nache so qagueta lo'opi ỹataqta iỹalapigui' da jec da nqo'oneua'a ye nỹecpi ye Belén, nache ỹanatra aso María qataq so José, nataqa'en so nogotolec huetangui aso lquia'axaqui na shiguiỹacpi maye nlo.

Lucas 2:12

Qaq ỹataqteguet yemaye cha'aye do'ocheta, netangui añi shiguiỹac lquia'axaqui, qalpataxaatagui ye lapo'.»

Salmos 109:22

Cha'aye aỹem huo'o da iuogoxo qataq da iuenaxanaxa, qataq añi iquiyaqte que'emaq.

Salmos 69:29

Qaq aỹem maye salola qataq huo'o da ñeque'eenaxac, ñaq aỹem 'anachalataxaañi 'Am Ñatamnaxala', qataq aỹem 'anca'alaxatec.

Salmos 104:17

Qaq ana qoỹopi nache ỹanaigui na lpata'c anamayepi, qaq ana lamaxañipi qalaq netaigui ana piinopi.

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 17:9

Qaq co'ollaq mashe huenotreeguesopa aso qaỹoqotcheguemec 'alhua, nache So Jesús 'enapegalo soua lapaxaguenataqa, 'eeta': –Saishet qome da huo'o ca qaua'aqtaxañim de'era qarauanaqchiqui, nato' qom Aỹem Shiỹaxaua Llalec mashe seleu qataq da mashe ñeca'alec.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

Mateo 16:13

Qaq co'ollaq mashe saqaỹapeque so nỹecpi ye Cesarea maye ilotague' co'ollaxa so Filipo, nache So Jesús inatta'ape soua lapaxaguenataqa, 'eeta': –Na shiỹaxauapi nagui ¿Chaq 'eetec naxa ca la'aqtac da detaqtega Aỹem, maye Aỹem Shiỹaxaua Llalec?

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Mateo 12:8

Cha'aye Aỹem Shiỹaxaua Llalec, maiche Aỹem chegoqtot cam ishet da qaỹo'ot ye na'a'q mataxaqui, qataq cam saishet da qaỹo'ot.

Salmos 40:17

Qaq aỹem maye aỹem choxoraq qataq huo'o da iuenaxanaxa, saishet qome da aỹem 'aucoua'ai 'Am Nataxala'. Cha'aye 'am maye aỹem 'autauaatac qataq aỹem 'anca'alaxatec, saishet qome da 'am qaỹaloqteguet, 'am Ñatamnaxala'.

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Salmos 104:12

Qaq na qoỹopi maye huaỹotega't na piguem, ỹanaña na lpata'cpi naua loiguiye namaye, nache hueta'a da do'onaxaatagui netaigui ana lauepi ana qo'oipaqpi.

Mateo 13:37

Nache So Jesús 'enapeco': «Som ỹaañi aso no'on lañiguishe ala trigo, qalaq nache Aỹem Shiỹaxaua Llalec.

Marcos 8:38

Da qaualliquiitaigui ne'ena shiỹaxauapi maye 'etaxaloxoicpi qataq saishet da ỹaconeguet Ñim Lo'onatac 'Enauacna, nache saishet da Aỹem qaua'aquiiteguelec qataq naua ỹa'aqtaqa. Qaq da Aỹem qaua'aquiilec, nache nataqa'en Aỹem Shiỹaxaua Llalec qami' sa'agueleguete qom ñe'eguelaq da ñanactaigui da la'añaxac Ñim Ita'a qataq na lamaxashecpi.»

Lucas 9:58

Nache So Jesús 'enapeco': –Ana huaxaỹaxapi huo'o na lauac, qataq na qoỹopi 'enauac huo'o na lpata'c, qalaxaye Aỹem Shiỹaxaua Llalec, qaica ca ỹataqta ima' da so'oche.

Lucas 12:8

Da qami' qaua'aqtaxañim na laỹepi shiỹaxauapi da Aỹem qoquiitague', nache Aỹem Shiỹaxaua Llalec, sa'aqtaxanem na lamaxashecpi Ñim Lo'onatac 'Enauacna da 'eesa da Aỹem qoquiitague'.

Lucas 18:8

Qaq Aỹem shenapec da ỹataqta qaica ca ỹega Ñimaye da iueelec ca lca'aguishec. Qalaxaye Aỹem Shiỹaxaua Llalec qom ñe'eguelaq, qaq ¿peta'a ñaq huo'o qome nam ỹa'amaqteetac Ñim Lo'onatac 'Enauacna nam huetalec ana 'alhua?»

Lucas 21:36

Qaq qami' ỹataqta qanaỹamaxacheetai' qome qataq qoquiito'oto naua na'axa'te da qanqouagaxauñiitac, yaqto' ishet da qami' ỹe't, qom ivita da yo'oq 'enauac ne'enapi, qataq yaqto' ishet da qanachaxañeeua'a qom nvi' na Shiỹaxaua Llalec.

Juan 1:51

Nataqa'en 'enapeco' So Jesús: –Ỹataqta 'eesa de'era, qami' sa'axatema nagui, da qami' qauloỹa'a qome na piguem qom nauatoigui, qataq na lamaxashecpi Ñim Lo'onatac 'Enauacna naỹaña Aỹem Shiỹaxaua Llalec qaltaq ỹe'eguelaxasheguem.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Juan 3:14

Qaq de'era 'eetec co'ollaxa so Moisés da ỹanasheguem so le'enaqtac na'araxanaq co'ollaq hualec so toolec 'alhua, qaq nache 'eetec nataqa'en da qoỹanasheguem qome na Shiỹaxaua Llalec,

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Juan 6:53

Nache So Jesús, 'eeta': –Aja', ỹataqta 'eesa de'era qami' sa'axatema, da huo'otaq saishet da qolliqui da lo'ocỹaxac na Shiỹaxaua Llalec, qataq da saishet da qanỹomiiguilo naua ltago'q, nache saishet da huo'o ca qarca'alaqai chochaq tatec.

Juan 6:62

Qaq ¿hua'ago' ca qoñiitec qone' da huo'otaq qami' qauloỹa'a na Shiỹaxaua Llalec da ỹe'eguelaxasheguema yem hueta'a co'ollaxa?

Juan 12:34

Nache na shiỹaxauapi 'enapega Somaye, 'eeta': –Qomi' saỹatenaq chegoqchigui ana nere maye huetalec na la'aqtacpi Ñim Lo'onatac 'Enauacna da que'eca Lca'aguishec Ñimaye maye qaiuattaique, nache 'eetai' da nca'altauec. Qalaq ¿ta'ainco' ye 'am qonetega da que'eca Shiỹaxaua Llalec, qaiuaxaneguet qome ca npe'enaxaqui? Qaq ¿chaq negue'to' que'eca Shiỹaxaua Llalec?

Juan 13:31

Qaq co'ollaq mashe jec so Judas, nache So Jesús 'enapegalo soua lỹa't lapaxaguenataqa, 'eeta': –Nagui qaỹachaxan da llo'oxoyec na Shiỹaxaua Llalec, qataq da llo'oxoyec Ñim Lo'onatac 'Enauacna, qaỹachaxan da chegoqchigui qanqa'en Namaye.

Hechos 7:56

Nache somaye 'enapeco': –¡Ña qauloỹa! Aỹem sela'a da nauatoigui na piguem qataq sela'a da Shiỹaxaua Llalec, damaye nachattañi neta'ague da aloic Ñim Lo'onatac 'Enauacna.