Mateo 8:2 - La'aqtaqa Ñim Lo'onatac 'Enauacna 2013

² Qaq anac so ỹale maye nchega na lo'oc, nache ỹa'aroto naua l-llectel So Jesús, nache 'enapega, 'eeta': –Aỹem saỹaten da 'am 'aushet da aỹem 'anataren ¿'auo'ot peta'a de'era?

Nuevo Testamento Toba Sur

² Nachi anac so shiÿaxaua mayi nchiga na l'oc, nachi i'adoto naua l-llicte so Jesús, nachi 'enapega, 'eeta': –'Am ÿataxala', da 'aushit, qaq no'on da aÿim 'anataden.

Nuevo Testamento Toba Sombrero Negro

² Qama'le 'uo ñe'me jiyaĝaua jo'ne netaye ga'me daloĝo, yejoidiñe naa'me leliquetel da'me dajoya'aguet ñe'me Jesús qama'le enaac: —Jaliaĝanec, qom a'uamaqaten qama'le auen qaya jena'me yapite'na.

Mateo 8:2 Referans Kwoze

Mateo 18:26

Qalaxaye se'eso namaxashec, somaye ỹa'aroto naua l-llectel so nta'a, nache nachoxoreetacot, 'eeta': «'Am ỹataxala', ñaq 'auauo'o qome ca iraqa', yaqto' aỹem sesheeten 'enauac añi ỹavigaxaiste maye 'am neto'ot.»

Mateo 15:25

Qalaxaye aso 'alo nquigueua'a So Jesús, nache ỹa'aroto naua l-llectel Somaye, nache 'eeta': –¡'Am Ỹataxala', aỹem 'autauan!

1 Corintios 14:25

Qaq 'enauac na saqcha'a lhuennataxacpi maye huetaigui añi lquiyaqte ishet da ya'aqalec. Ime, qaq ishet da ỹa'aroto naua l-llectel Ñim Lo'onatac 'Enauacna da ỹo'oxoren, qataq ỹa'axattac da 'eesa da Ñim Lo'onatac 'Enauacna ỹataqta qami' hueta'agueta.

Hechos 10:25

Qaq so Pedro co'ollaq ivireua'a ca nỹec, nache so Cornelio ca'ata'aguet somaye, nache ỹa'aroto naua l-llectel cha'aye huo'o naq 'enec naqa'en.

Juan 9:38

Nache se'eso ỹale ỹa'aroto naua l-llectel So Jesús, nache 'enapega, 'eeta': –'Am Ỹataxala', 'am sa'amaqten.

Mateo 28:17

Qaq co'ollaq mashe qanauane' So Jesús, nache qaỹa'aroto naua nllecte, na'aictaxa da huo'o na ñaq iqoleguettac da ỹoqta 'eesa da nacheso So Jesús.

Lucas 4:27

Se'eso na'a'q, nataqa'en na lma' na Israel le'ecpi ỹataqta qalota na sa no'on maye nchega na lo'oc, qalaxaye so Eliseo ndotec da nataren so Naamán maye lma' ye 'alhua le'enaxat Siria.

Mateo 26:6

So Jesús hueta'a ye nỹecpi le'enaxat Betania, hueta'a ye lma' so Simón maye nchega na lo'oc co'ollaxa.

Mateo 20:20

Qaq dos co'ollaxa soua napaxaguenataqa, Santiago qataq Juan nnaicapegueto aso late'e da nqo'ooreua'a So Jesús. Qaq co'ollaq ivildeua'a Somaye, nache aso late'e' soomaye ỹa'aldoto naua l-llectel So Jesús da nachoxonnot, nache So Jesús inat asomaye, 'eeta': –¿Negue't cam qonetapeguec? Nache asomaye 'eeta': –Aỹem 'anqouaguec, da qom ivita ca laloqo' da 'anso'ongui aca 'anso'onaxaqui da 'am Nta'a, nache ne'enaua ỹalqa qome 'oonolec ca neta'ague da 'oic, qaq ca lỹa qalaq neta'ague da 'ane'emaq.

Mateo 14:33

Nache 'enauac so netangui aso nllocta, ỹa'aroto naua l-llectel So Jesús, nache 'eeta': –¡Ỹoqta 'eesa, da nache 'am maye 'am Llalec Ñim Lo'onatac 'Enauacna!

Mateo 13:58

Nache So Jesús saq 'amaqtaq so ỹo'ot na'anec da huaña yi'iye qanayeuta'a, cha'aye na shiỹaxauapi sa ỹa'amaqten Somaye.

Mateo 9:18

Qaq So Jesús co'ollaq ñaq da'aqtaxaatac, nache nvi' so 'oonolec lataxala' na judiopi, nache ỹa'aroto naua l-llectel Somaye. Nache 'enapega, 'eeta': «¡Aye ỹale cheta'ague da ileu! Qalaxaye 'am da 'anqo'ona da 'auashel-lec, nache ayemaye ishet da qaltaq nca'alec.»

2 Reyes 15:5

Qalaxaye Ñim Nataxala', ỹo'ot co'ollaxa da nhuaxanaguec so nta'a Azarías, huec naqa'en so lepra, nache ivitta'a da ileu. Ỹoqo'oye so nta'a, ỹaqauga co'ollaxa naqa'en so lma', nache so llalec Yotán, ilo'ogue co'ollaxa se'eso nma' lta'araic, qataq ilo'ogue 'enauac so nhuo' le'ecpi.

2 Reyes 5:27

Qaq ỹoqo'oye so lepra maye huetalec co'ollaxa na lo'oc so Namán, 'am talec qome, qataq cam 'am chegoxoguetpi chochaq tatec qome da hueta'ac. Nache so Guejazí, co'ollaq choche ca'ai so Eliseo, nache hualec na lo'oc so lepra, nache ỹataqta ỹapagaq, 'eeta'am ana aloñi.

Números 12:10

Nache so lo'oc co'ollaq ca'ai so npe'l, nache aso María nchega na lo'oc qataq ỹataqta ỹapagaq. Qaq so Aarón co'ollaq ỹamata'a aso María, nache ila'a da mashe huec na nchega naqa'en na lo'oc,

Apocalipsis 19:10

Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.

Mateo 28:9

Huaña, nache So Jesús nachaxanalo soomaye, nache iquiita'ape. Nache soua 'alol nquigueua'alo So Jesús, nache ỹa'aroto naua l-llectel, qataq qapaloiguilo naua lchel, nache ỹo'oxoreetrac.

Mateo 10:8

Qataq qanatayiñi nataqa'en na sa no'onpi. Qataq qanca'alaxacheeuec nam mashe ileupi. Qataq qanatayiñi nam nchega na lo'oc, qataq qauo'oyiỹauec na saqcha'a na'añaxac leguemaxaicpi maye netaigui na shiỹaxauapi. ¡Qataq saishet da qauỹaxañiỹaique aca lasheue nam qauo'oche, cha'aye de'era na'añaxac maye qauo'onataxañiitega damaye chegoqo'ot Ñim Lo'onatac 'Enauacna qataq choche qami' qoỹaatema!

Mateo 4:9

Nache 'enapeco': –Aỹem 'am sami' 'enauac ne'ena, da ishet da 'aua'alyiñi naua 'arllectel da aỹem 'avio'oxoren.

Mateo 2:11

Qaq co'ollaq inoxooroigui so nỹec, nache ilora'a so nogotolec qataq aso late'e María. Ime, nache ỹa'alyiñi naua l-llectel, nache ỹo'oxoreetrac. Ime, nache ỹauanguilo soua lachoxonaxaqui', nache ỹachete'c na chegaqaigui na oro, qataq na nchenaxanaxat maye ama na laita, qataq na lcha'q ana qo'oipaq le'enaxat mirra.

2 Reyes 5:1

So Namán maye lataxala' so nalleppi so nta'a ye Siria, qaq se'eso Namán ỹataqta 'amaqtaqaic, ỹoqo'oye so nta'a ỹataqta lauotaxat somaye, cha'aye Ñim Nataxala' ỹachegoxotchigui somaye da qalota da dauegaxan naqa'en ye Siria. Qaq se'eso ỹale, ỹataqta 'añaxaic co'ollaxa, qalaxaye dalola, hueta'ac na lepra.

2 Samuel 3:39

Ỹoqo'oye nagui, aỹem nta'a maye lca'aguishec Ñim Nataxala', qalaxaye qaica ca ỹa'añaxac da sataỹa'aguet na llalaqpi aso Seruyá. ¡Qaq Ñim Nataxala' ỹo'ot qome ca nhuaxanaguec ne'ena qauemaicpi maye ỹo'ot de'era qauem!»

Mateo 8:1

Qaq co'ollaq chegoqtasheguema aso qaỹoqotcheguemec 'alhua So Jesús, nache ỹataqta qalota so shiỹaxauapi ca'attague'.

Mateo 8:25

Nache soua lapaxaguenataqa nqo'onalo Somaye da nquetoxo'n, 'eetra': –¡'Am Qarataxala', ña qomi' 'anca'alaxatre'c! ¡Ten, huotaique da qomi' iyiiyiñi!

Hechos 10:14

Nache so Pedro 'enapeco': –'A'i, 'am Ỹataxala', aỹem ỹataqta sa sauanapega da sachec ca qaỹamata'ac nshepaxan da lataxac, huo'otaq cam sa qaishetapec da qanallec.