Mateo 8:17 - La'aqtaqa Ñim Lo'onatac 'Enauacna 2013

¹⁷ Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Nuevo Testamento Toba Sur

¹⁷ Qaq 'eetec de'eda, yaqto' ÿataqta ipacchigui dam i'axat co'ollaxa so l'aqtaxanaxanec ñi Dios l'enaxat Isaías, co'ollaq 'eeta': “Camayi nachishiguem 'enauac na qanqui'iguesat, qataq ÿachi 'enauac na qadalolaxapi.”

Nuevo Testamento Toba Sombrero Negro

¹⁷ Yema di'yoq da'me dojo' qaedi yepaquichigui ga'me jo'ne joote yediñe ca'li ñe'me Dios 'laqataĝanaĝanec Isaías, eet'oi: “Ñe'me yaconegueta jogaa'me qadachoĝolaĝaco nataq'aen nepela't gaa'me qadapite'nayaĝaco.”

Mateo 8:17 Referans Kwoze

Isaías 53:4

Qalaxaye somaye ỹache co'ollaxa nam qaralolaxapi, qataq nque'etaxangui nam qanqui'ic taxa. Nache qomi' sepetaqtega da Ñim Lo'onatac 'Enauacna, ique'emaqchet somaye qataq ỹauo'o da nhuaxanaguec qataq qaica ca 'enec naqa'en.

1 Pedro 2:24

So Cristo ỹache 'enauac na qarasouaxashetpi, cha'aye ileualec so npe'enaxaqui. Qaq ỹo'ot damaye yaqto' qomi' saxanaxañi 'enauac nam so'otaqtac qauem, nache ndotec da so'otaqtac cam 'onaxaic. So Cristo co'ollaxa ỹataqta qaique'emaqchet, yaqto' ishet da qami' no'oite'.

Mateo 1:22

Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Mateo 2:15

nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Marcos 1:32

Qaq co'ollaq mashe napalchiguiñi, nache so shiỹaxauapi iroua'a So Jesús 'enauac som sa no'onpi qataq 'enauac som huo'o na le'ec saqcha'a na'añaxac leguemaxaic.

Lucas 4:40

Qaq co'ollaq mashe inoxooñi aso nala', nache 'enauac na shiỹaxauapi maye ỹotta'a't na lalolaxapi, qandoua'a So Jesús. Qaq So Jesús ỹashel-lec ñi 'oonolec somayepi, nache no'oita naqa'en.

2 Corintios 12:10

Qaq ỹoqo'oye samachiguiñi da huo'otaq qaica ca ỹa'añaxac, huo'otaq da aỹem qaisheueetac, huo'otaq da huo'o da iuenaxanaxa, huo'otaq da aỹem qaicaatac, huo'otaq da souaigui ca lqalaic sasoilec So Cristo. Cha'aye dam ỹo'ot da ỹa'añaxac, nachera naxa da ivita da ñauattoola't da qaica ca ỹa'añaxac.

Génesis 22:6

Nache so Abraham, ỹacoosop so qo'oipaqpi maye lalonaxat aca lachetaqtaxanaqte, nache ỹachalec na lallac so Isaac, ime nache ỹacona so ỹeelonec qataq so norec, nache je'c, nnaicapega't.