Mateo 8:16 - La'aqtaqa Ñim Lo'onatac 'Enauacna 2013

¹⁶ Qaq co'ollaq mashe napaltapiguiñi, nache qanauegueua'a So Jesús so qalota shiỹaxauapi maye huo'o na netaigui saqcha'a na'añaxac leguemaxaicpi. Qaq Somaye 'oonolec so la'aqtac, nache ỹo'orauec se'eso saqcha'a na'añaxac leguemaxaicpi, qataq nataren 'enauac som sa no'onpi maye qanauegueuo.

Nuevo Testamento Toba Sur

¹⁶ Qaq co'ollaq mashi napaltapiguiñi, nachi qanauegueu'a so Jesús so qalota shiÿaxauapi mayi huo'o na l'ecpi leguemaxaicpi. Nachi somayi 'oonolec naq'en so l'aqtac da i'odauec se'eso n'ecpi, qataq nataden 'enauac som dalolaxaicpi.

Nuevo Testamento Toba Sombrero Negro

¹⁶ Mane'e ca'li joote yenoĝoñi jañe'me ajeua, qama'le qoyeda'alo ñe'me Jesús gaa'me uetayelo payac lepaqalpi; qama'le ya'uo ga'me 'laqatac da'me 'yodedegue gaa'me nepaqa'li jo'ne ja 'noe'n, nataq'aen jalcote ga'me en yemedegue 'me leuaĝaiquipi.

Mateo 8:16 Referans Kwoze

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Lucas 4:40

Qaq co'ollaq mashe inoxooñi aso nala', nache 'enauac na shiỹaxauapi maye ỹotta'a't na lalolaxapi, qandoua'a So Jesús. Qaq So Jesús ỹashel-lec ñi 'oonolec somayepi, nache no'oita naqa'en.

Mateo 14:14

Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Hechos 5:15

Qaq ỹoqo'oye ivira'a da qanqatec na dalolaxaicpi, qaỹachetaleguete naua lmala'ate da qairougalo na nqa'aico, yaqto' da huo'o ca nateuga so Pedro. Nache na'aictaxa da huo'otaq choche lpaqal ca taalec ca 'oonolec namayepi, nache no'oita.

Mateo 12:22

Huo'oi soua shiỹaxau' ỹauegueua'alo So Jesús so ỹale da yaqto' nataren. Somaye qanamaic qataq qaicaua naua la'aqtaqa, cha'aye huo'o so netaigui saqcha'a na'añaxac leguemaxaic. Nache So Jesús nataren, qaq se'eso ỹale ỹe'eguelaxa da nauaachiguiñi, qataq huo'oi naua la'aqtaqa.

Marcos 2:3

Nache nataqa'en nvildeua'a se'eso nỹec soua cuatro shiỹaxau'. Soomaye nacootragui so mala' huetalec so ỹale maye sa da'añiigue.

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Marcos 9:25

Nache So Jesús co'ollaq ila'aguet da mashe qalota na shiỹaxauapi da huotaique qanpataxagui Somaye, nache nlaxa so saqcha'a na'añaxac leguemaxaic, 'eeta': –'Am saqcha'a na'añaxac leguemaxaic maye saq da'aqtaxan 'anqa'en ne'ena nsoq, ¡'am shenapega da qoca'ai, qataq saishet da 'añe'eguelaxa namaye!

Mateo 8:33

Qaq soua ỹale't maye ilotegueto aso cospi soomaye datare'c, cha'aye ỹataqta ñi'i'. Qaq co'ollaq ivireua'a ca nỹecpi, nache ỹa'axattrac 'enauac de'era qataq dam huaiguilo soua ỹale't maye huo'o so netaigui saqcha'a na'añaxac leguemaxaicpi.

Mateo 8:15

Nache So Jesús ipoteua'a, nache se'eso le'eraxa qaica. Nache asomaye ñesheguem, nache huetague' Somaye qataq iquia'axan.

Lucas 4:41

Qaq nam saqcha'a na'añaxacpi maye ca'ai na shiỹaxauapi ỹa'alaqtagui, 'eeta': –¡Nache 'am maye 'am Llalec Ñim Lo'onatac 'Enauacna! Qalaxaye So Jesús nlaxa ne'ena saqcha'a na'añaxac leguemaxaicpi, qataq sa ỹashenem da detaqa, cha'aye namayepi ỹaỹaten da Somaye, nacheso So Lca'aguishec Ñim Lo'onatac 'Enauacna.

Lucas 13:12

Nache So Jesús co'ollaq ila'a, nache iỹaxana. Qaq 'enapega, 'eeta': –'Am 'alo, nagui 'am huesoueeguesop da 'aralolaxa.