Mateo 8:13 - La'aqtaqa Ñim Lo'onatac 'Enauacna 2013

¹³ Nache So Jesús 'enapega se'eso huataxanaq lta'a, 'eeta': –'Avi'eguelaxa qome ca 'arma'. Qaq ỹataqta ipacchigui qome da 'eetec da 'arpi'iỹaxac. Nache ipacchigui da no'oita se'eso namaxashec co'ollaq qoỹan da na'aqtac.

Nuevo Testamento Toba Sur

¹³ Nachi so Jesús 'enapega se'eso huataxanaq lta'a, 'eeta': –'Avi'iguelaxa qome ca 'adma'. Qaq ÿataqta ipacchigui qome da 'eetec da 'adpi'iÿaxac. Nachi ipacchigui da no'oita se'eso namaxashic co'ollaq qoÿan da n'aqtac.

Nuevo Testamento Toba Sombrero Negro

¹³ Yem qama'le Jesús dojapegue' ñe'me coicopi lajoĝola', enaac: —Auec'ata ga'me at'achaqa', 'noota qom yepaque'tegue ga'me jo'ne auep'iya'a. Qanach'e nach'ega ua'a ca'li paja'a yemegue ga'me lalemaĝajet.

Mateo 8:13 Referans Kwoze

Juan 4:50

Nache So Jesús 'enapeco': –'Aue, 'avi'eguelaxa ca 'arma'; ca 'aỹa'alec nca'alec. Nache se'eso ỹale ỹataqta ỹa'amaqten da la'aqtac So Jesús. Nache jec.

Marcos 9:23

Nache So Jesús inat somaye, 'eeta': –¿'Aupi'iỹa'a Ñim Lo'onatac 'Enauacna? Cha'aye cam pi'iỹa'a Ñimaye, nache qaica ca alaq.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 15:28

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Mateo 9:22

Qalaxaye So Jesús namatapec, nache ila'a asa'aso 'alo. Nache 'enapega, 'eeta': «Saishet da leetapigui ye 'arhuel, cha'aye dam 'arpi'iỹaxac Ñim Lo'onatac 'Enauacna nachera dam huo'omshe 'am no'oita.» Huaña, nache asomaye ỹataqta no'oita.

Eclesiastés 9:7

Qaq ỹoqo'oye ¡'asoma qojec qome! Nache 'auamachiguiñi da 'auque'etac, qataq da 'anỹomtapigui na lataxa, cha'aye Ñim Lo'onatac 'Enauacna mashe ỹaỹamaxareeta nam 'auo'otpi.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Marcos 7:29

Nache So Jesús 'enapego' asomaye, 'eeta': –'Am 'alo ỹataqta 'eesa de'era qonapec. Qaq nagui no'on da 'avi'eguelaxa ca 'arma', cha'aye som saqcha'a na'añaxac leguemaxaic mashe ca'ai aca 'aỹa'ale.