Mateo 8:12 - La'aqtaqa Ñim Lo'onatac 'Enauacna 2013

¹² Qalaxaye nam hua'auchiguiñi ncoyeguenatacpi maye ỹalegueua'actaxa da lo'onataxanaxac Ñim Lo'onatac 'Enauacna, namayepi qaỹasaxauga ca napalaxa. Huaña da ỹataqta nỹen souaxat da nqui'ic qataq inaga't naua lhue souaxat da lcolanaxa.

Nuevo Testamento Toba Sur

¹² Qaq nam ÿoqta qaÿauotaiquéctaxa da inoxoneu'a que'eca n'onataxanaxac mayi hueta'ague da piguem, namayipi qome qaÿamaxauga ca napalaxa na pa'auec. Huaña, nachi noÿiitac, qataq inaga't naua lhue da nqui'ic.

Nuevo Testamento Toba Sombrero Negro

¹² Qalaĝaja ga'me judiopi lec'oqo'tepi jo'ne te'me naqaegaua tadoue da'me lejaliaĝa ñe'me Dios, male qoyamaĝade'ga qomle ga'me 'lalaĝa jo'ne p'aye. Chane'eja 'uo qomle da'me lachitatai'j choqoda'me noyenaĝa'j.

Mateo 8:12 Referans Kwoze

Mateo 25:30

Qaq de'era namaxashec maye qaica ca taiguet, damaye qauo'oyiỹauga na napalaxa, huaña qome, nache ỹataqta ỹaguec da lcolanaxa, nache nỹeetac qataq ỹataqta inaga't naua lhue da nqui'ic.»

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Mateo 21:43

Qaq ỹoqta 'eesa de'era qami' sa'aqtaxanema da Ñim Lo'onatac 'Enauacna, qami' nqatre'c da yaqto' saishet da qami' ỹalecneua'alo da lo'onataxanaxac, nache ỹami' ca ỹoqta 'enauac ỹalaxaguet damaye.

Mateo 13:50

Nache na qauemaicpi qaỹasaxaña ca nhuaxanaqa' na 'etaxaloxoicpi. Huaña, nache nỹeetac qataq ỹataqta inaga't naua lhue, souaxat da nqui'ic.»

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Mateo 24:51

nache ỹauo'o ca nhuaxanaguec camaye, 'eeta'am naqa'en da nhuaxanaguec 'enauac nam namaxashecpi maye ỹatenachet ca na'aco'. Huaña, nache nỹeetac, qataq ỹataqta inaga't naua lhue da nqui'ic.

Judas 1:13

Qataq namayepi ỹataqta sa ncherapec. 'Enauac ishet da qaila'a nam qauem ỹo'ottac, cha'aye nam qauem maye ỹo'ottacpi, 'eeta'am na lcoche ana sa ncherapec lapaxa aso auaxai. Qataq namayepi 'eeta'am ana huaqaañipi maye ca'ai cam ỹoqta llec, nache qaiuaxanec da quetaigui nam chochaq tatec napalaxa.

2 Pedro 2:17

Ne'ena dapaxaguenataxaatacpi maye saq 'en namayepi, 'eeta'am aca ñi'illoxoqui maye qaica ca le'ec 'etaxat, qataq 'eeta'am na lo'oc na piguem maye choche ỹachetac na la'at. Namayepi Ñim Lo'onatac 'Enauacna ỹauo'o ca nhuaxanaguec qataq ỹasaxaña ca nhuaxanaqa' maye chochaq tatec na napalaxa.

2 Pedro 2:4

Ñim Lo'onatac 'Enauacna saishet co'ollaxa da ichoxonnai' som lamaxashecpi maye huo'o da lasouaxashet, nachaqrata da ỹamaxaña ca nhuaxanaqa' na 'etaxaloxoicpi. Huaña da qaicoñera'aguet na napalaxa, choche ivitta'a que'eca na'a'q qom nmit 'enauacna Ñimaye.

Romanos 9:4

Namayepi maiche lalamaxatpi qataq lca'aguishecpi Ñim Lo'onatac 'Enauacna. Qaq namayepi, Ñim Lo'onatac 'Enauacna ỹami' da huo'o naq 'enec da ỹataqta llalaqpi. Qataq Ñimaye hueta'aguet namayepi qataq ỹachaxana da lta'araic la'añaxac. Qataq naỹamaxate' namayepi, nache ỹami' na lamaxasoxonaxacpi. Qataq ỹapaxaguenec namayepi da ỹataqta 'eesa da llo'oxonnataxanaxac, qataq huo'o na ỹachaxanapecotpi.

Hechos 3:25

Soua hua'au' vi'iye Ñim Lo'onatac 'Enauacna naỹamaxate' so hua'au qarta'ailpi, nache huo'o da ỹachaxanapecot somayepi. Qaq 'enauac nam ỹachaxanapecpi Ñimaye co'ollaxa ỹachegoxotchigui som hua'au la'aqtaxanaxanecpi. Qaq damaye nagui ỹataqta qami' ipactoto. Qaq 'era da ỹachaxanapecot Ñim Lo'onatac 'Enauacna so Abraham, som 'oonolec so hua'au qarta'alpi: «'Enauac na shiỹaxauapi ana 'alhua ỹaconeguet qome ca iqouagaxanaqtaic chegoqchigui ca 'oonolec na 'aỹa'alaqpi.»

Mateo 13:38

Qaq som nanaxanaqa', qalaq nachena nam shiỹaxauapi maye netalec ana 'alhua. Qaq aso no'on nañiguishe maye ala na trigo, qalaq nachena nam shiỹaxauapi maye huetaigui da lo'onataxanaxac Ñim Lo'onatac 'Enauacna. Qaq aso huoue maye le'enaxat cizaña, qalaq nachena nam ỹalaxaguet so pa'aguenataxanaxaic,

1 Samuel 2:9

Ñim Nataxala' ỹataqta ntela'a da lqauaxac na ỹa'amaqteetac Ñimaye, qalaxaye nam qauemaicpi qalaq huaigui ca napalaxa da ileu, cha'aye qaica ca chegoqchigui ca maiche la'añaxac da doxonaxan.

Salmos 112:10

Qaq ca qauemaic da ila'a de'era nache dalemata, nache inaga't naua lhue qalaxaye taỹa'a da imeuo. Qataq da lqopitaxanaqtaic na qauemaicpi taỹa'a da imeuo.

Isaías 65:14

nam ỹamaxashecpi do'onaxaatac qome souaxat da ntonaxac da lquiyaqteỹaxac, qami' qalaq qaua'alqaitaigui qome qataq qanỹiñiitac, souaxat da qaraquicoqoi qataq da qanqui'iqui.

Apocalipsis 22:15

Qalaxaye pa'atauec qome na ỹo'otta'ape naua qauema, qataq na ỹo'ottac da ldanaxanaxac, qataq nam huetapeeguet ana saishet da lhua, qataq na laataxanaxaicpi, qataq nam natameetacot nam saq 'en, qataq 'enauac nam nqopita da ỹo'ot da latenataxanaxac qataq napaxagueetega na qauem. Nache So Jesús 'enapeco':