Mateo 8:10 - La'aqtaqa Ñim Lo'onatac 'Enauacna 2013

¹⁰ Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!

Nuevo Testamento Toba Sur

¹⁰ Qaq co'ollaq hua'axaÿa de'eda so Jesús, nachi ÿataqta huo'o da l'aalaxa. Nachi 'enapega som nnaictague'pi, 'eeta': –Aÿim ÿataqta 'eesa de'eda shinapec da 'enauac na llalaqpi so Israel qaica ca selalec da ÿapacteec da lpi'iÿaxac da huo'otaq 'eeta'am de'eda shiÿaxaua.

Nuevo Testamento Toba Sombrero Negro

¹⁰ Jesús yataqachiñe yoqoch'em da'me domachiya da'me dojo', qama'le dojapegue'to gaa'me jo'ne quetedapegue', enaac: —Ami jayatenaĝaneque queda'me yema ga'me Israel laje'pi, qaya'te 'uo ga'me jauana jo'ne yaguegue da'me lepi'iyaĝac, da'me uotaĝa ena'am jenjo' jiyaĝaua.

Mateo 8:10 Referans Kwoze

Lucas 7:9

Nache So Jesús co'ollaq hua'axaỹa de'era la'aqtac se'eso huataxanaq lta'a, nache ỹataqta huo'o da la'aalaxa, nache 'enapega so shiỹaxauapi maye nnaictague', 'eeta': «'Enauac na Israel le'ecpi saishet da huo'o ca selalec da ỹataqta pi'iỹa'a Aỹem, da 'eeta'am que'eca huataxanaq lta'a maye Roma le'ec.»

Mateo 15:28

Nache So Jesús 'enapeco': –¡'Am 'alo, ỹataqta 'eesa da lta'araic da 'arpi'iỹaxac Ñim Lo'onatac 'Enauacna! Qaq ỹoqo'oye nagui ỹataqta ipacchigui qome da 'arquiquiaxac. Qaq co'ollaq choche qoỹan da na'aqtac, nache aso llale no'oita.

Marcos 6:6

cha'aye ỹataqta lta'araic da la'aalaxa da se'eso shiỹaxauapi saishet da ỹa'amaqten Somaye. –So Jesús jec da taỹalo naua saq qaỹapigui lma'ate na shiỹaxauapi dapaxaguenataxaateguec da no'on na'axaỹaxac.

Lucas 7:50

Qalaxaye So Jesús 'enapega aso 'alo, 'eeta': «'Am nagui 'anca'alec, cha'aye Aỹem 'aua'amaqten. 'Aue, qojec, nagui 'aulactapiguiñi.»

Lucas 5:20

Nache So Jesús co'ollaq ila'a da lta'araic lpi'iỹaxa'c soomaye, nache 'enapega so sa no'on, 'eeta': «¡'Am ñauochaxaua, nagui sapalaxat na 'arasouaxashetpi!»

Génesis 43:33

Nache soua lqaỹa't so José nso'ooyiñi, datategueta somaye, hua'auchiguiñi qanqa'en so ỹe, qaq pa'atec qanqa'en so na'asa. Qaq soomaye ỹataqta huo'o da la'aalaxa, nache choche nlota'a't.

Mateo 8:9

Cha'aye aỹem saỹaten da nalaxayec qataq da namaxasoxonaxac. Da huo'o ca shenapega 'oonolec na ñalleppi da nqo'ona ca lauanec, nache camaye jec. Qataq da shenapega ca lỹa da sheeta' 'auanac, nache camaye anac, qataq da samaq ca ỹamaxashec da huo'o ca ỹo'ot, nache camaye ỹalaq da huo'o ca ỹo'ot.

Mateo 8:11

Ỹataqta qana'axaỹaxañiichigui de'era shenapec: 'enauac naua pa'aiguelo ana 'alhua anac qome na shiỹaxauapi maye huo'o da lpi'iỹaxac Ñim Lo'onatac 'Enauacna, 'eeta'am da lpi'iỹaxac de'era ỹale. Namayepi ỹalegueua'a qome ca lta'araic lquia'axac Ñim Lo'onatac 'Enauacna qom qanayeetaigui da lo'onataxanaxac Ñimaye. Nso'ona'ai' da yaqto' lquia'axaua qome soua sachegoxosoxogueta Abraham, Isaac, qataq so Jacob.

Hechos 2:7

Nache ỹataqta huo'o da la'aalaxa qataq da le'elaxa, nache maiche detaqtega't, 'eeta': –¿Saisheto' peta'a da 'enauac ne'ena detaqtacpi da lma' ye 'alhua Galilea?