Mateo 7:7 - La'aqtaqa Ñim Lo'onatac 'Enauacna 2013

⁷ Qauỹaxañiỹot Ñim Lo'onatac 'Enauacna, qaq Ñimaye qami' ỹanema ca qauỹaxañiỹaique; qautaqỹapegue' Ñimaye, yaqto' qauanachiỹa ca qanmichiitaique; qataq qauaxañiỹa't naua qarhuaxayilli', yaqto' qami' ilo'ogueta.

Nuevo Testamento Toba Sur

⁷ Qauÿaxañi, yaqto' ñi Dios qami' ÿanema ca qauÿaxañiÿaique; qaumitaxañi, yaqto' qauanachiÿa ca qanmichiitaique; qataq qautoqñiu'a ca lasom, yaqto' qami' qanauategueta.

Nuevo Testamento Toba Sombrero Negro

⁷ “Auajelaĝañiyot ñe'me Dios, qama'le ami qoyanema qomle; anec'achiya joñe'me qaedi anemichiyaque ga'me auoviñetaque, qama'le auejomiyalegue qomle; auajoyiya'uet ga'me jom da'me aviyaĝañiya'uo, qama'le ami qo'youategueta qomle.

Mateo 7:7 Referans Kwoze

1 Juan 3:22

Nache qomi' ỹanema cam seỹaxanaqaique, cha'aye salaxasoxoguet nam lamaxasoxonaxacpi, qataq so'otaq cam ỹaỹamaxareeta Ñimaye.

Juan 15:7

Qaq qami' da nache 'eetai' da Aỹem qana'ayeetaua'a, qaltaq qaualaqaiguet 'enauac nam qami' sapaxagueneque, nache Ñim Ita'a qami' ỹanema 'enauac cam qauỹaxañiỹaique.

Jeremías 33:3

Aỹem 'aỹaxana qome, nache Aỹem 'am sasateguet, nache 'am sa'axatem cam lataxac maye ỹataqta lta'araic, qataq saqcha'a maye 'am sa 'auaỹaten.

Mateo 6:33

Qaq ỹoqo'oye ỹactec da 'onaxaic da qauauattoñiita Ñim Lo'onatac 'Enauacna da nachaqñita ỹactec da la'amaqchec da Nta'a, qataq da qauo'oche dam 'eetapeguec Ñimaye. Nache 'enauac na laỹepi maye qaviñiitaique qami' ỹanema Ñimaye da ivita ca laloqo'.

Mateo 7:8

Cha'aye cam pi'iỹa'a Ñim Lo'onatac 'Enauacna, qalaq ỹaconeguet cam iỹaxanaique; qataq ỹanata cam nmittaique, qataq da deỹaxan qalaq qailo'oguet.

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Hebreos 11:6

Cha'aye Ñim Lo'onatac 'Enauacna sa ỹaỹamaxaren da qaica ca qarpi'iỹaxac Ñimaye. Qaq ỹoqo'oye da qanshetaique da qaivira'a da auochaxaua Ñim Lo'onatac 'Enauacna qalaq iuen da qaỹa'amaqten da 'eesa da huo'o Ñimaye, qataq da ishet da ỹami' ca laueguec cam nmitaique da nauochaxaua Ñimaye.

Proverbios 8:17

Aỹem sauotec ca aỹem ỹauotec, qataq ca aỹem nmittaique aỹem ỹanata.

Salmos 10:17

Qaq 'Am Nataxala', qalaq 'aua'axaỹa da natamnaxac na choxoraqpi, 'aua'añaqchet qataq 'aulo'oguet da lỹaxanaxac.

Juan 4:10

Nache So Jesús 'enapeco': –'Am saishet da 'auaỹaten dam huotaique 'am ỹanem Ñim Lo'onatac 'Enauacna, qataq nataqa'en saishet da Aỹem 'auauatton. Cha'ayectaxa da 'auaỹaten, nache 'am Aỹem 'auỹaxanot taxa ca 'etaxat, nache Aỹem 'am sanem ca 'etaxat maye chegaqaigui da nca'alaxa.

Mateo 18:19

Nataqa'en ỹataqta 'eesa da huo'otaq huo'oi caua dos da qoñiita, nagui da ñaq qoviita'a ana 'alhua da huo'otaq ỹataqta na'aqtaxaachiguilo ca iỹaxaaraique da iỹaxanot Ñim Lo'onatac 'Enauacna maye imattalecna, nache Ñimaye ỹanema caamaye ca iỹaxaatraique.

Amós 5:4

Qalaxaye da la'aqtac Ñim Nataxala' da 'enapega na Israel le'ecpi, 'eeta': «Ñaq aỹem qanmichiỹaique qome, yaqto' qanca'alleeuec.

Santiago 5:15

Qaq camayepi da ỹataqta huo'o da lpi'iỹaxac da nqouagaxauen, nache Ñim Lo'onatac 'Enauacna ỹasateguet camayepi, nache nataren cam sa no'on. Qaq da huo'otaq huo'o ca lasouaxashet cam sa no'on, nache nataqa'en ỹapalaxat Ñimaye.

Salmos 27:8

Cha'aye da iuennataxac, 'eeta': «Ñaq 'anmitaique da yaqto' 'anauane' Ñim Nataxala'.» Qaq ỹoqo'oye 'am Nataxala', ỹataqta 'am ñimittaique da 'am ñauane'.

Lucas 18:1

So Jesús huo'o da daloqnaxana co'ollaq huotaique da ỹapaxaguenec da nache 'eetai' da nqouagaxaueetrac soua lapaxaguenataqa, qataq saishet da nasamyiñi.

Mateo 7:11

Qami' matem qami' qauemaiqa, qalaq qauaỹachiñi da qaỹa'añim ca no'on cam qaỹa'alqui. Qaq ¡taloxocheyectoxo' da saq ỹactec Ñim Qarta'ai maye neta'ague da piguem da ishet da ỹanem ca no'on cam iỹaxanot Ñimaye!

Salmos 50:15

Qataq Aỹem 'aỹaxana qom huo'o ca 'anque'eenaxac, nache aỹem qome 'am ñepaxattalec, huaña nache 'am aỹem 'avio'oxoreetac.»

Cantares 3:2

Huaña, nache soosheguem, nache semitaxaatac ñimittaique so lauotaxat da ñachaalataxac, shectague' na nqa'aicpi qataq na naponqa'pi. Ñimittaique somaye qalaq saishet da sanata.

Romanos 2:7

Cam ỹo'ot ca ỹaỹamaqchiguiñi, cha'aye huo'o da naquitaxac da ỹaconeguet ca laỹamaxannataxanaxac Ñim Lo'onatac 'Enauacna, nache qoỹami' ca llo'oxoyec qataq ca achaalataxac chochaq tatec, nache Ñim Lo'onatac 'Enauacna hua'axaỹa'a qome da chochaq tatec da lmayaxaua camaye.

Salmos 119:12

Qaq 'am qaỹo'oxoren qome 'Am Nataxala', aỹem 'auapaxaguenec na 'arqataxacpi.

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Salmos 70:4

Qalaxaye 'enauac na 'am nmittaique ỹataqta machiguiñi, qataq na nqopita da 'arca'alaqtaxanaxac, 'eeta': «Ñim Lo'onatac 'Enauacna ỹataqta lta'araic da la'amaqchec.»

Salmos 69:32

Qaq da ila'a de'era na huo'o da nque'eenaxac, nache machiguiñi qataq na'añaxatapigui' da lquiyaqteỹaxac, da nmittaique Ñim Lo'onatac 'Enauacna,

1 Reyes 3:5

Qaq huo'o so pe, co'ollaq huaña ye Gabaón, nache Ñim Nataxala' nachaxana so Salomón, huaigui so lchoxonaxac, nache 'eeta': «Ñaq aỹem 'auỹaxanot nagui, qaq Aỹem, 'am sanem qome cam 'auỹaxanaique.»

Salmos 10:4

Na qauemaic souaxat da na'amqaanaxac nache, 'eeta': «Qaica ca Lo'onatac 'Enauacna. Qaica ca ishet da aỹem ichemaxata.» Qaq 'era 'enauac da lhuennataxac.

Romanos 3:11

Qataq qaica ca huo'o ca ỹaỹaten, qataq qaica ca nshetaique da nmittaique Ñim Lo'onatac 'Enauacna.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Salmos 34:4

Aỹem seỹaxanot co'ollaxa Ñim Nataxala', nache Ñimaye aỹem ỹasateguet, qataq aỹem isoueeguesop 'enauac na icolanaxasat.

Salmos 37:4

Ỹataqta 'auauotec Ñim Nataxala', nache Ñimaye ipacchigui qome ca qonetapeguec.

Isaías 30:19

Qaq qami' Sión le'ecpi maye qoñiitaña na Jerusalén, mashe saishet qome da queta da qannoinaxaqui. Cha'aye Ñim Nataxala' qami' ichoxore'n qom qami' hua'axaỹalo da qaỹaxañiỹaique ca qantaunaguiqui, qaq qom choche qami' hua'axaỹalo nache qami' ỹasategueta.

Génesis 26:32

Qaq nacheso se'eso na'a'q, da so lamaxashecpi so Isaac ndoua'a somaye da la'axaỹaxac, da somayepi mashe iviyiña so 'etaxat aso nshere maye nshettac.