Mateo 7:29 - La'aqtaqa Ñim Lo'onatac 'Enauacna 2013

²⁹ cha'aye So Jesús da dapaxaguenataxaatac, qalaq ỹataqta huo'o naq 'ene'c naua la'aqtaqa. Qaq saishet da 'eeta'am nam dapaxaguenataxaatapeguec nam lamaxasoxonaxacpi so Moisés.

Nuevo Testamento Toba Sur

²⁹ Cha'ayi somayi da dapaxaguenataxaatac, qalaq qaila'a da hueto'ot da l'añaxac ñi Dios. Qaq sa ishit da 'eeta'am nam dapaxaguenataxaatapeguec nam lqataxacpi so Moisés.

Nuevo Testamento Toba Sombrero Negro

²⁹ qa'a 'uo da'me lañoqotaĝanaĝac da'me dapaĝaguenataĝan, qama'le ja ena'ama joga'me judiopi napaĝaguenoqo'tpi.

Mateo 7:29 Referans Kwoze

Lucas 20:8

Nache So Jesús 'enapeco': –Aỹem nataqa'en sa saỹaten cam Aỹem ỹamaxalec da so'ot de'era.

Isaías 50:4

Ñim Nataxala' aỹem ỹanema naua na'aqtaqa ỹaanaxanaxaiqa, da yaqto' saỹaten da sa'añaqchet cam nasamtañi. Ye nte'eta qalaq aỹem nquetoxon da yaqto' saconegueta naua lapaxaguenataxanaxaco sheeta'am ca no'on napaxaguenatac.

Hechos 6:10

Qalaxaye saishet da nalo'ogueta da dataỹa'aguet somaye, cha'aye da detaqa, qalaq naua laỹaanataxanaxaco chegoqo'oto So Saqcha'a Na'añaxac Qui'itta.

Lucas 21:15

Cha'aye Aỹem qome qami' sanema caua qara'aqtaqalli' qataq ca qaraỹaañiqui, da yaqto' saishet da huo'o ca qami' dataỹa'agueta da qami' ncotaỹapegueto.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Mateo 5:32

Qalaxaye nagui Aỹem shenapec da ca ỹale ishet da ỹalat aca lhua da huo'otaq huasoilec da lauatapiguiñi' ca lỹa ỹale. Qaq da huo'otaq ỹalat aca lhua da souaxat ca lỹa lataxac, nache camaye nataqa'en huetaigui da lchec da ishet da ỹo'ot que'eca nasouaxashet. Qaq aca'aca 'alo da ỹe'eguelaxalec da huaron, nache acamaye qataq cam dalaxaic lhua qaỹamata'ac da quisheguetaxaiqa.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Mateo 5:20

Qaq ỹoqta 'eesa de'era qami' sa'axatema da saishet da qanapacỹalec da lalaxayec nam fariseopi qataq nam dapaxaguenataxaatapeguec na namaxasoxonaxacpi, nache saishet qome da qaunoxoñiiua'a da lo'onataxanaxac Ñim Lo'onatac 'Enauacna.

Miqueas 3:8

Qaq aỹem Miqueas, ỹataqta aỹem nlaqchigui so Saqcha'a La'añaxac Ñim Nataxala', Ñimaye aỹem ỹanem da ỹa'añaxac, qataq da nalochiguiñi lataxac, nache saishet da leetapigui ye iuel da seviraxato'ot na Israel le'ecpi, souaxat na lasouaxashetpi qataq da sa ỹalaq.

Eclesiastés 8:4

Cha'aye ca la'aqtac ca nta'a huo'o da la'añaxac, nache qaica ca ishet da nmit nam ỹo'otpi.

Mateo 7:28

Qaq So Jesús co'ollaq imat da la'aqtaxanaxac, nache 'enauac so shiỹaxauapi maye na'axaỹaxaatega ỹataqta huo'o da la'aalaxa da lapaxaguenataxanaxac Somaye,

Mateo 8:1

Qaq co'ollaq chegoqtasheguema aso qaỹoqotcheguemec 'alhua So Jesús, nache ỹataqta qalota so shiỹaxauapi ca'attague'.