Mateo 7:26 - La'aqtaqa Ñim Lo'onatac 'Enauacna 2013

²⁶ Qaq cam Aỹem na'axaỹaxaatega qalaq saishet da ỹo'ot de'era sheetega, qalaq camaye 'eeta'am ca ỹale maye qaica ca ỹaỹaanapec, da no'oxootelec naqa'en ca lma' ca delec.

Nuevo Testamento Toba Sur

²⁶ Qaq cam aÿim n'axaÿaxaatega, qalaq sa ishit da i'ot de'eda shiitega, qalaq camayi 'eeta'am ca shiÿaxaua mayi qaica ca ÿaÿajnapec, da n'oxootelec naq'en aca delec da n'oxooshiguem ca lma'.

Nuevo Testamento Toba Sombrero Negro

²⁶ Qalaĝaja qom ja a'vichi da'me jo'ne ja'aĝatetac, qama'le aueñiya'am ga'me chiyoĝojec jo'ne yanalegue ga'me pogaĝanaĝa ga'me 'lemec ca'li 'noĝojeguem.

Mateo 7:26 Referans Kwoze

Lucas 6:49

Qaq ca na'axaỹaxaatega da ỹapaxaguenataxanaxac, qalaxaye saishet da Aỹem ỹalaxaguet, qaq camaye 'eeta'am ca ỹale da no'oxoosheguem ca lma' da ỹaatelec ca 'alhua maye sa da'angui. Qaq da ivita da nvi' na ndep, nache na la'auataxa na 'etaxat iuaxanot que'eca nỹec, nache camaye hua'axañi, nache ỹataqta dolachigui.»

Jeremías 8:9

Qalaxaye ne'ena ỹaanaxanaxaicpi qaica qome ca la'amaqchec, qataq qaicolanaqchet, 'eeta'am ca shiguiỹac maye nqoishec. Qaq ¿hueta'ague cam laỹaanec, ye saishet da ỹaconegueta naua ỹa'aqtaqa?

Santiago 2:20

Saishet da qaica ca 'auaỹaanapec. Iuen da 'aua'amaqten da qaica ca naigui da qonetega 'aualaxaguet Ñim Lo'onatac 'Enauacna qataq qonetega 'aua'amaqten Ñimaye da saishet da huo'o ca 'auo'ot ỹaỹamaqchiguiñi.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Proverbios 14:1

Aca 'alo ỹaanaxanaxai no'oxoosheguem ca lma', qaq aca qaica ca ỹaỹaanapec qalaq nlaxaañi.

Da na'aqtaguec so Job 22:16

Qalaxaye somayepi saqaỹaloq co'ollaxa da ileu, 'eeta'am ca ỹache na la'auataxa so tala da mpaxaasheguem.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Mateo 7:25

Qaq da ivita da anac na auot, qataq da npaxaasheguem so tala, qataq da anac na la'at lta'araic, qalaq saishet da ỹañoxot da ỹa'axasoxooñi que'eca nỹec, cha'aye ỹataqta no'oxootelec naqa'en ca ỹataqta ndota't coma'.

Mateo 7:27

Qaq da ivita da anac na auot, qataq da npaxaasheguem so tala, qataq da anac na la'at lta'araic, nache ishet da ỹa'axasoxooñi que'eca nỹec, nache ỹataqta nlachiguiñi naqa'en.