Mateo 7:25 - La'aqtaqa Ñim Lo'onatac 'Enauacna 2013

²⁵ Qaq da ivita da anac na auot, qataq da npaxaasheguem so tala, qataq da anac na la'at lta'araic, qalaq saishet da ỹañoxot da ỹa'axasoxooñi que'eca nỹec, cha'aye ỹataqta no'oxootelec naqa'en ca ỹataqta ndota't coma'.

Nuevo Testamento Toba Sur

²⁵ Qaq da ivita da anac na auot, qataq da i'auat so tala, qataq da anac na l'at lta'adaic, qalaq sa ishit da ÿañoxot da ÿalolaxajñi se'eso noÿic, cha'ayi ÿataqta n'oxootelec qanqoÿin so coma'.

Nuevo Testamento Toba Sombrero Negro

²⁵ Novi' ga'me uotep, nayenegue ga'me ñache nataq'aen yajedidiñe gaa'me laya'che; qalaĝaja ja 'uaĝañe ga'me emec, qa'a qochiyoĝotetelegue ga'me qa' da'me qo'noĝojeguem.

Mateo 7:25 Referans Kwoze

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

1 Pedro 1:7

Cha'aye dam qarpi'iỹaxaqui Ñim Lo'onatac 'Enauacna maye qami' neto'oto, 'eeta'am na lcat oro: qaq 'eeta'am da 'eetec da lyac na lcat oro da qaiỹo da qaỹasaxangui ca norec, qaq nache 'ena'am da qarpi'iỹaxaqui Ñim Lo'onatac 'Enauacna da qaỹe'eguen, chegoqchigui na lqalaiguesat. Qaq ỹoqo'oye qami' de'era qarpi'iỹaxaqui da huo'otaq nache 'eetec de'era da qaỹe'eguen, nache ỹataqta napacalec da lyac ca lcat oro, cha'aye que'eca lcat oro ishet da dolagui. Qaq nache 'eetec So Jesucristo qom nachaxan, nache ỹataqta qaỹaỹamaxareeta qataq huo'o da ño'oxonnataguec dam qami' hueto'oto qarpi'iỹaxaqui Ñim Lo'onatac 'Enauacna.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

1 Pedro 1:5

Qami' huo'o da qarpi'iỹaxaqui Ñim Lo'onatac 'Enauacna, qaq ỹoqo'oye Ñimaye qami' npaxattaleguete, ỹauota'a da la'añaxac, yaqto' qami' ishet da qanca'alliiuec, ipacchigui dam lapaqtañi 'eetapeguec cam pa'atec na'a'q.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Malaquías 3:3

Ñim Nataxala' nso'ooñi qome da iỹo na ntaxaỹaxanaxanecpi maye chegoxoguet so Leví, 'eeta'am cam iỹo ca lcat oro, qataq ca lcat plata. Qaq ime qome, nache namayepi ishet da ỹanot Ñim Nataxala' aca lachetaqtaxanaqte, qaq nache ipacchigui dam ỹoqta 'eesa lataxac.

Proverbios 10:25

Da ỹoxogue ca la'at lta'araic nache imeuo ca qauemaic, qaq ca no'on da lataxac qalaq nache 'eetai' da nachattañi.

Mateo 7:24

Qaq ỹoqo'oye cam ỹataqta Aỹem na'axaỹaxana qataq ỹo'ot da sheetega, qaq camaye 'eeta'am ca ỹale maye ỹataqta ỹaanaxanaxaic, maye no'oxootelec naqa'en ca ỹataqta ndota't coma' da no'oxoosheguem ca lma'.

Mateo 7:26

Qaq cam Aỹem na'axaỹaxaatega qalaq saishet da ỹo'ot de'era sheetega, qalaq camaye 'eeta'am ca ỹale maye qaica ca ỹaỹaanapec, da no'oxootelec naqa'en ca lma' ca delec.

Mateo 7:27

Qaq da ivita da anac na auot, qataq da npaxaasheguem so tala, qataq da anac na la'at lta'araic, nache ishet da ỹa'axasoxooñi que'eca nỹec, nache ỹataqta nlachiguiñi naqa'en.