Mateo 7:21 - La'aqtaqa Ñim Lo'onatac 'Enauacna 2013

²¹ Saishet da 'enauac nam iỹaxaatega da Aỹem Lataxala' da huenoxoneua'a da lo'onataxanaxac Ñim Lo'onatac 'Enauacna. Damaye saishet da nachaqrata, iuen da ỹalaxaguet na lamaxasoxonaxacpi Ñim Ita'a maye neta'ague da piguem.

Nuevo Testamento Toba Sur

²¹ Na shiÿaxauapi mayi aÿim iÿaxaatega, 'eeta': “'Am qadataxala',” namayipi sa ishit da 'enauac da inoxoneu'a cam ñaq natai' l'onataxanaxac ñi Dios mayi neta'ague da piguem. Nachaqcata cam i'ot ca 'eetapeguec ñi ita'a.

Nuevo Testamento Toba Sombrero Negro

²¹ “Ga'me jiyaĝadipi jayem yiyaĝatedapega nale, enapega't: «¡Jaliaĝanec!», qalaĝaja ja yema'a't da'me tadoue joda'me lejaliaĝa ñe'me Taĝadena' 'me ne'tague di'me piyem. Gaa'me jo'ne yauote da'me loequenataĝanaĝac joñe'me, nach'egauate' gaa'me jo'ne yaqanate't ta'le tadoue.

Mateo 7:21 Referans Kwoze

Lucas 6:46

So Jesús queto'ot da da'aqtaxaatac 'eeta': «Qami' qoñiitega naxa da Aỹem Qarataxala'ai qataq qami' ỹalamaqa'ate, qalaxaye saishet da qauo'oche da qami' samaxaleguete.

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

Tito 1:16

Namayepi 'eetega da ỹauatton Ñim Lo'onatac 'Enauacna, qalaxaye semetenaqtac nam qauem maye ỹo'otpi, nache saỹaanaq da saishet da 'eesa. Ỹoqo'oye namayepi ỹataqta quiỹaxanaqtaqaicpi qataq sa ỹalaq qataq sa ỹaỹaten da ỹo'ot ca ỹaỹamaqchiguiñi.

Hebreos 4:6

Qaq som hua'auchiguiñipi maye hua'axaỹa de'era no'on na'axaỹaxac, somayepi saishet da ỹalaxaguet Ñim Lo'onatac 'Enauacna, ỹoqo'oye saishet da ỹañoxot da ỹaconeguet ca nmataxac. Qalaxaye da ỹachaxanapec Ñim Lo'onatac 'Enauacna co'ollaxa, damaye nagui ñaq queta,

Juan 6:40

Qataq Ñimaye, nshetaique da 'enauac nam ỹamato'ot na Llalec qataq ỹa'amaqten, nache huo'o da lca'alaxa chochaq tatec, qataq Aỹem ñeca'alaxatec qom iviteuga ca pa'atec na'a'q.

Apocalipsis 3:5

Qaq nam saishet da iqallem na lqalaiguesat qataq saishet da ỹaxanec da lpi'iỹaxac Aỹem, nache sanaxanaxanguilo caua alogo lapagaxaiqa, qataq saishet da sapalaxat ca le'enaxat maye nanettalec aca nere maye naneraxalate na qanca'alaxatec. Qataq sa'axatem Ñim Ita'a qataq na lamaxashecpi maye do'onataxaatacot Ñimaye.

1 Pedro 4:2

Qaq damaye ỹachaxan da qaỹa'axañiiuec da qoquiitegueto naua qauema qarqopitaxanaqtaicolli', huaña nache dam ñaq huo'o qanachaalataxaqui qoquiilec da qauo'oche dam ỹataqta 'eetapeguec Ñim Lo'onatac 'Enauacna.

Mateo 12:50

'Ena nam 'eeta'am aca ỹate'e qataq ca ỹaqaỹañicpi. Cha'aye camachaqca ca ỹalaxaguet na lamaxasoxonaxacpi ñi Ita'a maye neta'ague da piguem, qaq nacheca cam ỹaqaỹañicpi qataq ỹate'e.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Juan 3:5

Nache So Jesús 'enapeco': –Aja', ỹataqta 'eesa de'era 'am sa'aqtaxanem, da ca saishet da nañan da qaltaq qanachelaxangui na 'etaxat qataq da nañanot So Saqcha'a Na'añaxac da naralaxat, nache camaye saishet da inoxoneua'a da lo'onataxanaxac Ñim Lo'onatac 'Enauacna.

Mateo 18:3

nache 'enapeco': –Ỹoqta 'eesa de'era qami' sa'aqtaxanema, da yaqto' qaunoxoñiiua'a da lo'onataxanaxac Ñim Lo'onatac 'Enauacna, nache qami' iuen da qanaralaxache da qarataxaqui, nache qoñiita'am na nogotolec.

Juan 7:17

Da huo'o ca nshetaique da ỹo'ot cam 'eetapeguec Ñim Lo'onatac 'Enauacna, nache camaye ishet da ỹaỹateeta da naua ỹapaxaguenataxanaxaco chegoqtoto Ñim Lo'onatac 'Enauacna, huo'otaq da choche maiche Aỹem chegoqtoto.

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Marcos 3:35

Cha'aye ca ỹoqta 'eesa da ỹalaxaguet Ñim Lo'onatac 'Enauacna, qaq nacheca cam ỹaqaỹa qataq ỹate'e.

1 Ts 5:18

Na'aictaxa da huo'o na qami' hueleguete, qalaxaye nache 'ena'am qaỹa'añiitacot da qana'achecỹaxaqui Ñim Lo'onatac 'Enauacna. Cha'aye nachera da 'eetapeguec Ñimaye da qoñiita, cha'aye mashe qaua'amaqchiñi So Cristo Jesús.

Efesios 6:6

Qaq de'era iuen da nache 'eetai' da qauo'ocheetac, qaq saishet da nda'a't da qami' ilotaguilo ca qana'aco'oi. Da qoñiita qami' l-lataqa So Cristo, qaq ỹoqo'oye da qauo'onataxañiitac qalaq qantoñiitapigui' qataq qanasapacheetelec cam 'eetapeguec Ñim Lo'onatac 'Enauacna, 'eeta'am da nacheso So Qarataxala' da qauo'onataxañiitacot, qaq saishet da nacheca ca qana'aco'oi.

1 Pedro 2:15

Ñim Lo'onatac 'Enauacna huotaique da qauo'oche ca ỹaỹamaqchiguiñi, yaqto' na shiỹaxauapi maye qaica ca ỹaỹaanapec, qaica ca qami' ỹasaxaleguete qarasouaxashechi.

Mateo 25:21

Nache so ỹale 'enapeco': «¡Ỹataqta 'am ỹo'oxoraq! Cha'aye 'am no'on namaxashec, qataq ishet da 'am qaipi'iỹa'a. Cha'aye 'am ỹataqta 'antela'a som saq 'amaqtaq maye 'am sami', qaq nagui aỹem 'am sepataxalec cam ỹactec da llo'oxoyec. Qaq nagui, nache no'on da sauoqo'o ca qayo'oxonnataxanaxac.»

1 Ts 4:3

Qaq da 'eetapeguec Ñim Lo'onatac 'Enauacna, nshetaique da ỹataqta qami' qui'itte'. Qaq ỹoqo'oye saishet qome da huo'o ca lauatapiguiñi' aca sa lhua da qoñiita.

Colosenses 4:12

Nataqa'en qami' ỹamaxalo da lquinaxanaxac ñi Epafras. Ñimaye nataqa'en lamaxashec So Jesucristo, qaq ñimaye maiche qami' chegoqtoiguilo co'ollaxa. Qaq ñimaye nache 'eetai' naxa da qami' nqouagaxaueetaleguete da yaqto' qaica ca da, qataq da yaqto' ỹataqta qanañañiỹot Ñim Lo'onatac 'Enauacna qataq da qauo'oche cam 'eetapeguec Ñimaye.

Lucas 13:25

Cha'aye que'eca lma' ca nỹec, da ime da ñesheguem, nache ỹapogui ca lasom ca lma', nache qami' maye qapa'aitauec qauỹaxañiitapegueua'a que'eca lasom. Qaq qoñiita': «'Am Qarataxala', qomi' 'anauategueta.» Qalaxaye camaye ỹasat, 'eeta': «Aque', sa saỹaten ca qauachegoqoita'ague.»

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Lucas 18:25

'Eesa da huo'o da lqalaic aca shiguiỹac le'enaxat nauanaxanaxa da taigui qanqoỹen ca lauac aca qana, qalaxaye ỹapactec da lqalaic ca sallaxanec da inoxoneua'a da lo'onataxanaxac Ñim Lo'onatac 'Enauacna.

Marcos 9:47

Qataq ana 'ara'aite da huo'otaq 'am ỹaueca'a da sa 'aualaxaguet Ñim Lo'onatac 'Enauacna, qaq no'on da 'anqat. Cha'aye ỹaỹamaqchiguiñi da 'oonole añi 'ara'aite da 'aunoxoneua'a da lo'onataxanaxac Ñim Lo'onatac 'Enauacna, qalaxaye saq 'ena'am da nalota't naua 'ara'ai'te da 'am qaỹasaxangui ca norec maye saishet da qaỹalamat,

Mateo 19:24

Qaq ỹoqta 'eesa da saqalaq aca shiguiỹac le'enaxat nauanaxanaxa da taigui qanqa'en ca lauac aca qana, qaq saq 'ena'am da lqalaic ca sallaxanec da inoxoneua'a da lo'onataxanaxac Ñim Lo'onatac 'Enauacna.

Mateo 18:35

Nache So Jesús 'enapeco': «Qaq 'era qome da 'eetec naqa'en da qoñiita ñi Ita'a maye neta'ague da piguem, da huo'otaq ñi 'oonolec saishet da ỹoqta lquiyaqteỹaxac da ichoxoren ca lqaỹa.»

Juan 15:23

cha'aye ca Aỹem nquiỹa, camaye nataqa'en nquiỹa Ñim Ita'a.

Mateo 26:42

Nache So Jesús qaltaq ỹe'eguelaq da qaltaq nqouagaxauen nache, 'eeta': –'Am Ita'a, da sepaca'aguet de'era ñeque'eenaxac, nache Aỹem ỹataqta Aỹem lhuotta da 'am salaxaguet.

Mateo 16:17

Nache So Jesús 'enapeco': –¡Ỹataqta lta'araic qome da 'aramaicỹaxac, 'am Pedro maye 'am llalec so Jonás! Cha'aye saishet da maiche 'anallegoxottela't da 'auaỹaten de'era, nacheñi Ñim Ita'a maye neta'ague da piguem Ñim 'am ỹapaxaguen.

Juan 14:7

Qaq da qami' Aỹem qauauattoñi, nache nataqa'en qauauattoñi Ñim Ita'a. Qaq nagui mashe sogote da qauauattoñi, cha'aye mashe qauloito'ot Namaye.

Juan 5:17

Qalaxaye So Jesús 'enapegalo soomaye, 'eeta': –Ñi Ita'a, saishet da ỹaxaañi da lo'onataxanaxac, qaq nache 'eetec nataqa'en Aỹem.

Mateo 26:39

Nache So Jesús taỹa ca qaỹata'a soomaye, nache ỹa'alyiñi naua l-llectel qataq iviraxata'aguet na latap na 'alhua, nache nqouagaxaunot Ñim Lo'onatac 'Enauacna, 'eeta': «'Am Ita'a, ¡ỹataqta huo'o da iyaxa da Aỹem 'antelaqna'aguet de'era que'eenaxac! Qalaxaye saishet da ipacchigui qome da maiche sheetapeguec, nachaqrata dam maiche qonetapeguec.»

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Mateo 18:19

Nataqa'en ỹataqta 'eesa da huo'otaq huo'oi caua dos da qoñiita, nagui da ñaq qoviita'a ana 'alhua da huo'otaq ỹataqta na'aqtaxaachiguilo ca iỹaxaaraique da iỹaxanot Ñim Lo'onatac 'Enauacna maye imattalecna, nache Ñimaye ỹanema caamaye ca iỹaxaatraique.

Mateo 25:10

Qalaxaye co'ollaq se'esoua cinco qa'añole maye qaica ca naỹamaxataxa'c, co'ollaq je'c da desheenaxaraique ca lcoỹaraxanaxa't, nache nvi' so auonaxaua. Nache soua qa'añel maye lhuotte' lỹatreuo somaye da pa'areua'a ca naronaxac. Qaq ime, nache qaỹapogui so lasom.