Mateo 7:2 - La'aqtaqa Ñim Lo'onatac 'Enauacna 2013

² Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Nuevo Testamento Toba Sur

² Cha'ayi ñimayi da qami' nmi't, qalaq i'enaxatteguet da 'eetec da qanmichi ca qadÿai, qataq i'enaxatteguet cam qami' qaualoqnaxañiÿa da qanaloqñi ca lataxac ca qadÿai.

Nuevo Testamento Toba Sombrero Negro

² Qa'a Dios ami naloqote'n qomle, qama'le yaloqochichigui da'me mach'e adaloqotenaĝanaĝaqui qom analoqochiñe' jogaa'me adaqayadi'; yaloqochichigui da'me adapogoqotaĝanaĝaqui jo'ne auañema nale gaa'me adaqayadi', qama'le nach'e naq'aeta da'me ami qo'yeteque qomle.

Mateo 7:2 Referans Kwoze

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Marcos 4:24

So Jesús nataqa'en 'enapeco': «¡Ỹataqta qana'axaỹaxañiichiguiñi! Ñim Lo'onatac 'Enauacna ipagaqchiichigui cam lcata ca qaỹa'añim ca qarỹai, qataq ishet da ỹactec naqa'en ca qami' ỹanema.

Lucas 6:38

Qaỹa'añim ca qarỹai cam iueetaique, yaqto' Ñim Lo'onatac 'Enauacna qami' ỹanema cam qaviñiitaique. Cha'aye ỹoqta 'eesa da Ñim Lo'onatac 'Enauacna, da cam lcata cam qaỹa'añim ca qarỹai, qaq nache lcatam cam qami' ỹanema Ñimaye. Da huo'otaq qaỹa'añim ca qarỹai ca trigo, nache qami' qoỹanema ca laỹe' na trigo ỹataqta qantoqoochiguiñi qataq ỹataqta nlaqchigui, nache saishet da iuen da qauloitaique.

Abdías 1:15

Qalaxaye mashe sa qaỹapeque ca na'a'q da Ñim Nataxala', nmit na ỹotta'a't shiỹaxauapi. Qaq dam 'auo'ot nataqa'en 'am qaỹo'otec qome, nache 'am talec ca 'ansheetenaguec.

Apocalipsis 18:6

Qauo'ochec ayemaye 'enauac nam qauem maye ỹo'otec co'ollaxa nataqa'en na laỹepi shiỹaxauapi; ỹataqta ỹactec qanqa'eñi cam lsheetenaxanaxat ayemaye, da isheeten 'enauac na qauem maye ỹo'ot. Qauo'ochec ayemaye da dos da ỹe'eguelaxalec da talec dam lta'araic nqui'ic maye talec co'ollaxa na laỹepi shiỹaxauapi souaxat ayemaye.

2 Corintios 9:6

Qaq qantooñita'ac de'era na'aqtac, 'eeta': Ca saq 'amaqtaq ca ỹan, qaq nataqa'en saq 'amaqtaq ca ỹaconeguet; qaq ca lta'araic ca ỹan, qaq nataqa'en lta'araic ca ỹaconeguet.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Jeremías 51:24

Qalaxaye qami', qauauañiichigui qome da sesheeteneguet ye Babilonia, qataq 'enauac ye caldeopi, souaxat dam qauem maye ỹo'otec co'ollaxa ye Sión. Qaq 'era da ỹa'aqtac Aỹem Nataxala'.

1 Samuel 15:33

Qalaxaye so Samuel 'enapego' somaye, 'eeta': 'Am, 'auauota'a co'ollaxa so 'ainec da 'aualauat so qalota Israel le'ecpi, qaq so 'alpi qalaq 'auauota'a da qaica so llalaqpi. Qaq nache 'ena'am da 'eetec nagui aca 'arate'e. Nache so Samuel huaña naqa'en ye Gilgal qataq ỹauaachigui naqa'en Ñim Nataxala' da ipelcapigui somaye.

Salmos 109:17

Qaq souaxat da nqopita da lsheunaxanaxac, nache de'era lsheunaxanaxac maiche talec. Qataq souaxat da saỹaconeguet da nchoxonnataxanaxa, nache damaye ca'ai somaye.

Isaías 33:1

¡Choxoraxaso' 'am maye 'anhuottac na shiỹaxauapi, qalaq ỹauana da 'am qanhuo', qataq 'auque'elaqtaxan naxa qalaq ỹauana da 'am qaique'elaxat! Cha'aye qom 'aumat da 'anlaxaañi namayepi, nache 'am qanlaxaañi qome, qataq qom ime da 'arque'elaqtaxanaxac, nache nataqa'en 'am qaique'elaxat qome.

Jeremías 34:17

Qaq ỹoqo'oye Aỹem Nataxala', shenapec: Qami' saishet da Aỹem qaualaqaiguet, cha'aye saishet da qa'axañeeuec nam qal-lataquipi maye maiche qarhuo'oi le'ecpi: Qaq ỹoqo'oye nagui Aỹem, qami' taleguete qome ñaqa'en ca alaataxac, napiina qataq ca nqouaxa, da yaqto' qami' ỹo'oteque da qami' deqaigalo 'enauac na nta'alpi ana 'alhua. Qaq 'era da ỹa'aqtac Aỹem Nataxala'.

Mateo 6:14

Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Éxodo 21:24

Qaq ca ique'emaqchet aca na'aite, nache nataqa'en qaique'emaqchet aca la'aite camaye, qaq da huo'otaq nhue, nache nataqa'en aca lhue camaye, qaq da huo'otaq nhuaq, nache nataqa'en ca lhuaq camaye, qaq da huo'otaq napia', nache nataqa'en qaique'emaqchet na lapia' camaye,

Jueces 5:27

Qaq huetañoto naua lchel aso Yael da ncocatapiguiñi so Sísara, hueta'aguet na 'alhua co'ollaq ncocatapiguiñi da nqui'ic, qaq nache huaña yemaye da ileu.

2 Samuel 21:5

Nache somayepi 'enapeco': Qomye se'eso shiỹaxaua maye huac da ỹataqta qomi' nmatchiyiñi, qataq qomi' saỹashenema da sonaqtalec na na'alhua na Israel le'ecpi,