Mateo 7:17 - La'aqtaqa Ñim Lo'onatac 'Enauacna 2013

¹⁷ Ana qo'oipaqpi maye no'on, anamayepi ipacchigui da no'on ana ala, qaq anam qo'oipaqpi maye qauem, nache ipacchigui da qauem ana ala.

Nuevo Testamento Toba Sur

¹⁷ Qaq 'enauac anam qo'ipaqpi mayi no'on, anamayi ÿataqta no'on da alaÿaxac. Qataq anam qo'ipaqpi mayi qauem, anamayi qauem da alaÿaxac.

Nuevo Testamento Toba Sombrero Negro

¹⁷ Qama'le yemeda gaa'me ep'a jo'ne onaĝail yauo'oe jala jo'ne onaĝail, qalaĝaja gaa'me ep'a jo'ne ja 'noe'n ya'uo jala jo'ne ja no'en.

Mateo 7:17 Referans Kwoze

Efesios 5:9

cha'aye se'eso Saqcha'a Na'añaxac nacheso so chegoqchigui da nauotaxanaqtaic qataq da 'eesa lataxac qataq dam achaalataxac maye qui'itta.

Salmos 1:3

Qaq camaye 'eeta'am aca qo'oipaq maye ñaxattalec na loigue ca tala, da ipacchiguilo naua laloqo'ote da huo'o ana ala, qataq saishet da deqaqa ana laue. ¡Nache 'enauac na ỹo'otpi camaye ỹataqta ỹaỹamaqchiguiñi!

Colosenses 1:10

Yaqto' da qarataxaqui nateeteguet dam ỹoqta 'eetapeguec So Qarataxala'. Qaq Somaye ỹataqta machiguiñi souaxat da qami' qauo'ocheetac 'enauac nam lataxacpi maye ỹaỹamaqchiguiñi, qataq qaviyeeta'a da ỹataqta qauauattoñiita Ñim Lo'onatac 'Enauacna.

Jeremías 17:8

Qaq camaye, 'eeta'am qome aca qo'oipaq maye neto'ot na loigue ca tala, maye naua lpa'aye qalaq iviraugalo ca la'auaxac, qaq saishet da ñe'etac da nvi' naua nta'api, cha'aye ana lcouepi nache 'eetai' da ỹataqta napal. Da ivita da deqaqa ana 'alhua qalaq saishet da leetapigui ye lauel qataq saishet da vi'iiguet da alaỹaxac.

Judas 1:12

Namayepi ỹataqta ỹo'ot da na'agaxa da ỹalectaigui da qarquia'axaqui maye naigui da nsoxoyec. Cha'aye namayepi da deque'e qataq da nỹom, qalaq saishet da iuata'a na laỹepi. Namayepi huotaique da nataxala'pi, qalaxaye maiche nhuogoqtapeguela't, 'eeta'am na napo maye qaica ca lla'ac 'etaxat, choche ỹachetac na la'at. Nataqa'en 'ena'am aca qo'oipaq maye qaca aca ala, cha'aye maye qanapogosheguem, qanmachetcheguem na lpa'a'pi, nache ỹataqta daqaqta.

Filipenses 1:11

Cha'aye chegoqchigui da ltaunaxanaxac So Jesucristo da qami' ishet da qauo'oche ca ỹaỹamaqchiguiñi, yaqto' na shiỹaxauapi ỹo'oxoren, qataq huo'o naq 'enec naqa'en Ñim Lo'onatac 'Enauacna.

Jeremías 11:19

Qaq aỹem sheeta'am ca qagueta llalec da ỹe'emaqtom da qaỹauecta'a ca nalaataqa', qaq saishet da saỹaten da huo'o dam qaỹauotaique da aỹem qaỹo'otec. Qaq namayepi, 'eeta': «Sechegaq ara qo'oipaq nache cañe' ñeqa'enaq ana ala, ñapogaxasheguem nache ñeqataxasop nam nca'altauecpi ana 'alhua, yaqto' qaica ca qaltaq iuennatega aramaye.»

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Mateo 7:18

Qaca aca qo'oipaq da 'onaxai, nache aca ala qauem, qataq nataqa'en qaca aca qo'oipaq da qauem, nache aca ala no'on.