Mateo 7:16 - La'aqtaqa Ñim Lo'onatac 'Enauacna 2013

¹⁶ Qalaxaye qami' ishet da qauauattoñi nam 'eetega da na'aqtaxanaxanecpi qalaxaye saq 'en souaxat nam ỹo'otpi. Cha'aye da qanqat ana ala ana nañiguishe uva, qataq ana ala ana nañiguishe higo qalaq saishet da qaỹachegoxotaigui aca qo'oipaq maye huo'o ana le.

Nuevo Testamento Toba Sur

¹⁶ Qalaxayi qami' ishit da qauauattoñi nam i'otpi. Cha'ayi da qanqat ana ala ana uvas, qalaq sa ishit da qaÿachigoxotaigui aca qo'ipaq huo'o ana le. Qataq da qanqat ana higo, qalaq sa ishit da qaÿachigoxotaigui aca huoue ÿaxataxadai.

Nuevo Testamento Toba Sombrero Negro

¹⁶ Da'me ami, auaqanachichi da'me auatetoñi' jogaa'me, yajouaĝat da'me yauotedac. ¿Qo'li qochiyoĝotayi jaga'me 'yaĝat jaga'me uva jala? Uotaĝa jaga'me higo jala, ¿qo'li qochiyoĝotayi jaga'me laĝadic?

Mateo 7:16 Referans Kwoze

Santiago 3:12

Aca higo lcheyec saishet da ala aca le'enaxat aceituna. Qataq aca uva lcheyec saishet da ala aca le'enaxat higo.

Mateo 12:33

Aca qo'oipaq da huo'otaq no'on, nache acamaye ỹataqta no'on da alaỹaxac. Qataq aca qo'oipaq da huo'otaq qauem, qaq nataqa'en qauem da alaỹaxac. Qaq ỹoqo'oye da yaqto' qaỹaỹaten aca qo'oipaq da 'onaxai huo'otaq qauem, nache qaimeten da alaỹaxac. Qaq nache 'eetec nataqa'en ca shiỹaxaua da yaqto' qaỹauatton da 'onaxaic huo'otaq qauem, nache qaimeten nam ỹo'otpi.

Mateo 7:20

¡Qaq qami' qauauattoñi ne'ena tenataxanaxaicpi souaxat nam ỹo'otpi!

1 Samuel 24:13

Cha'aye som na'aqtacaic naxa, 'eeta': «Nam qauem, chegaqaigui nam qauemaicpi.» Qaq ỹoqo'oye aỹem saishet da she'egueeta'a da 'anachaalataxac 'am nta'a.

Proverbios 20:11

Naua ỹo'otta'ape ca nsoqolec nachenaua naua ỹo'o't da qaỹauatton camaye, da ỹaỹamaqchiguiñi qataq no'on da lataxac.

Gálatas 5:22

Qalaxaye So Saqcha'a La'añaxac Ñim Lo'onatac 'Enauacna, qomi' ỹo'oteque da huo'o da qarsoxoyec, qataq nache 'eetai' da ñetonaqtapigui' qataq souaqtaigui da qarlagaxayec. Qataq qomi' ỹo'oteque nataqa'en da qarhualaxavic qataq da qarauotaxanaqtaic, qataq so'otaxac ca ỹaỹamaqchiguiñi ca qarỹa, qataq huo'o da qarpi'iỹaxac Ñim Lo'onatac 'Enauacna,

Santiago 2:18

Qaq nam 'eetega da ỹalaxaguet Ñim Lo'onatac 'Enauacna qalaxaye saishet da ỹo'ot ca ỹaỹamaqchiguiñi, aỹem ishet da shenapega namayepi, sheeta': «'Am, qonetega da 'aualaxaguet Ñim Lo'onatac 'Enauacna, aỹem qalaxaye so'ot ca ỹaỹamaqchiguiñi. Ñaq aỹem 'auachaxana cam ỹa'axat da 'aualaxaguet Ñim Lo'onatac 'Enauacna, qaq aỹem qalaq 'am sachaxana da salaxaguet Ñimaye chegoqchigui dam ỹaỹamaqchiguiñi maye so'ot.