Mateo 7:15 - La'aqtaqa Ñim Lo'onatac 'Enauacna 2013

¹⁵ ¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.

Nuevo Testamento Toba Sur

¹⁵ Qavichiÿa'aguet qome nam tenataxanaxaicpi mayi 'eetega da l'aqtaxanaxanecpi ñi Dios. Namayipi qami' naÿalo, nachi ÿataqta i'enaxat da lataxac ana qagueta, qalaxayi na pa'atauo 'eeta'am da lataxac na shiguiÿac mayi dequi'iÿapec.

Nuevo Testamento Toba Sombrero Negro

¹⁵ “Achiya'agueta gaa'me qovinaĝanaĝayaqa jo'ne eetapela'ajalo 'yaĝatetedac ñe'me Dios, jo'ne nojomaĝaquidi'ña da'me 'naĝanaĝate 'loyaĝac da'me ami nec'atalo, qalaĝaja naqaegaua yejidi jo'ne diquiya'ape.

Mateo 7:15 Referans Kwoze

1 Juan 4:1

Qami' ñauochaxau' ỹaqaỹa't, saisheto' da qaua'amaqchiñi 'enauac nam 'eetega da netanguit So Saqcha'a La'añaxac Ñim Lo'onatac 'Enauacna. Nachaqrato' da qavi'iguiñi, yaqto' qauaỹaañi da ỹoqta 'eesa camaye huo'otaq saishet. Cha'aye ana 'alhua ỹataqta nlaqchigui na tenataxanaxaicpi 'eetega da la'aqtaxanaxanecpi Ñim Lo'onatac 'Enauacna.

Mateo 24:11

Qataq qalota qome na nvi' maye tenataxanaxaicpi, 'eetega da la'aqtaxanaxanecpi Ñim Lo'onatac 'Enauacna, nache ỹataqta qalota qome na ỹatenachet shiỹaxauapi.

Colosenses 2:8

Qaq maxatchaxa qome, saishet da qana'axaỹaxañeeto'ot nam nshetaique da qami' ỹatenacheteque naua lhuennataxaco maye 'eetega 'eesora 'eeta'am da ỹaanaxanaxaic, qalaxaye naamaye maiche laỹaanataxanaxaco na shiỹaxauapi. Ne'ena shiỹaxauapi ỹalaqtapeeguet na saqcha'a na'añaxacpi maye lma' ana 'alhua, qaq saishet da ỹalaxaguet So Cristo.

Apocalipsis 19:20

Qaq se'eso shiguiỹac leguemaxaic noxonec, nataqa'en so 'eetega la'aqtaxanaxanec Ñim Lo'onatac 'Enauacna qalaxaye saq 'en maye ỹo'ottac na na'anecpi sa qaỹauanapega, da yaqto' qaỹa'amaqten so shiguiỹac. Qaq se'eso 'eetega da na'aqtaxanaxanec irolec nam saq qaỹauanapegapi da ỹatenachet 'enauac nam nasheeteguet aso la'anaxanaqte so shiguiỹac leguemaxaic, qataq ỹo'oxoreetac so ne'enaqtac maye lqui'i somaye. Qaq se'eso shiguiỹac qataq som 'eetega da na'aqtaxanaxanec, soomaye nache nca'altraue'c qanqa'en da qaỹasaxayingui so lta'araic norec maye huaña da ỹavictac na quiquiaxaraic.

Judas 1:4

Aỹem ỹataqta lta'araic da sheeta, cha'aye huo'o na qami' ỹatenachetta'ape, qaq namayepi qami' ỹalectaiguilo. Namayepi ỹa'axattac da So Jesucristo saishet da nachaqsota da Qarataxala' qataq da qomi' lalamaqa'ate, qaq ỹoqo'oye saishet da iuen da salaxasoxoguet. Namayepi, da lhuennataxac 'eetega da Ñim Lo'onatac 'Enauacna ỹaguec da lauotaxanaqtaic da shenaqta, nache saishet da ỹauo'o ca qanhuaxanaguec souaxat nam qauem so'otaqpi. Mañaxasaco' soua qaỹoqteguelo vi'iye da ana nere maye huetalec na la'aqtacpi Ñim Lo'onatac 'Enauacna da 'eetega da Ñimaye ỹauo'o qome ca nhuaxanaguec namayepi.

Miqueas 3:11

Qaq na nmit na nasouaxashetpi qalaq nmitta'a da qaisheeten da huo'o na ỹo'ot, qataq na ntaxaỹaxanaxanecpi qalaq nda'a't da qaisheeten nache dapaxaguenataxan, qaq na na'aqtaxanaxanecpi qalaq imen na la'aqtaxanaxacpi, qataq namayepi ivira'a da ỹectega Ñim Nataxala', 'eeta': «Ñim Nataxala' qomi' hueta'agueta ỹoqo'oye saishet da qomi' taleguete qome ca qauem».

2 Pedro 3:17

Qami' ñauochaxau' ỹaqaỹa't, de'era ỹa'aqtaxanaxac ỹa'axat da mashe sogote da qami' sevitaqteetagalo 'enauac de'era. Qaq ỹoqo'oye ỹataqta qanchilỹañi qome, yaqto' saishet da qami' ỹatenache't na shiỹaxauapi maye qauemaicpi, ime nache qami' qaỹa'axañiiuec da qaua'amaqchiñiitac Ñim Lo'onatac 'Enauacna.

Lucas 6:26

¡Ỹataqta qauem da qa'aita'ague qami' maye, nache 'eetai' da qami' qaỹo'oxoreeta'ape! Cha'aye soua qaỹoqteguelo vi'iye so qaralamaxache qarhuo'oi le'ecpi nataqa'en ỹo'oxoreetac co'ollaxa so na'aqtaxanaxanecpi maye tenataxanaxaicpi.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

2 Timoteo 4:3

Cha'aye huo'o qome ca na'a'q da na shiỹaxauapi saishet da isheteguet da napaxaguenataxanaxac no'oita. Nachaqrata da na'axaỹaxaata'ai ca maiche lqopitaxanaqtaic, qataq nmitta'a da ỹotta'a't naqa'en na napaxaguenaxala' da qaỹapaxaguenec cam nateeteguet ca maiche 'eetapeguec.

Filipenses 3:2

Qaq maxatchaxa, qarvichiỹa'aguet qome na shiỹaxauapi maye nqaigaxat, qataq ỹo'otta'ape naua qauema, qataq ipelectac na lo'oc.

Efesios 4:14

Nache saishet qome da shenaqta'am ca nogotolec maye qaica ca lqalaic da qaỹashaxanec da lhuennataxac, qataq saqalaq da qaỹatenachet da qairolec da napaxaguenataxanaxac maye saq 'en, maye lapaxaguenataxanaxac na shiỹaxauapi maye sa nqalaate' da latenataxanaxac maye quetague' da lsomaxac.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Ezequiel 22:27

Na nataxala'pi ne'ena 'alhua, qalaq 'eeta'am na qa'alaqpi da icolaxattac ca loxonec, qataq ỹataqta iyaqta'a da lalaataxanaxac, da ỹalauat na shiỹaxauapi da yaqto' desalligui.

Apocalipsis 16:13

Huaña, nache sauaachigui na alap so shiguiỹac leguemaxaic maye 'eeta'am na na'araxanaq, qataq na alap som lỹa shiguiỹac leguemaxaic, qataq na alap som 'eetega da la'aqtaxanaxanec Ñim Lo'onatac 'Enauacna qalaxaye saq 'en da chegoqtoiguilo soua tres na'añaxaco saq cha'alo maye qauema, 'eeta'ama ana miỹo.

Efesios 5:6

Qataq saishet qome da huo'o ca qami' ỹatenache't da qami' iroleguete naua napaxaguenataxanaxaco maye qaica ca naiguilo. Cha'aye ne'enaua sa ỹaỹamaxaayiñi, nachenaua naua chegoqchiguilo dam qaica ca 'ena'am da lchec layeloxo Ñim Lo'onatac 'Enauacna da ỹauo'o da nhuaxanaguec nam saishet da ỹalaq.

Hechos 13:40

Qaq ỹoqo'oye maxatchaxa qome da qoñiita, ten qom qami' taleguete de'era nhuaxanaxanaxac maye ỹa'axatta'aguet som na'aqtaxanaxanecpi, maye 'eeta':

Juan 10:12

Qaq cam choche do'onataxaatapeguelec aca lasheue, camaye saishet da ỹoqta lo'o ana qagueta. Qaq camaye da huo'otaq ila'aguet ca dequi'iỹapec, nache no'onaxatchigui aca qaguetapi da datauec, cha'aye saishet da ỹoqta lalamaqtepi. Nache cam dequi'iỹapec ishet da ỹaconeua'a aca 'oonole ana qaguetapi, qaq ana laỹepi qalaq nlagaxattac.

Mateo 16:11

¿Saishet peta'a da Aỹem qauaỹaañiguet da Aỹem, saishet da sheetega aca yo'oqchigui nauole? ¡Maxatchaxa qome qarvichiỹa'a ana ỹasheeraxachigui ana nauole maye huetaigui na fariseopi qataq na saduceopi!

Mateo 16:6

Nache So Jesús 'enapegalo soomaye, 'eeta': –Maxatchaxa qome, qarvichiỹa'a ana ỹasheeraxachigui ca ndaqñiguishec 'ayiiña maye huetaigui na fariseopi qataq na saduceopi.

Mateo 10:17

Qataq maxatchaxa, cha'aye qami' qoỹaneua'alo qome na nta'alpi, da yaqto' qami' qaiuaxaata'ape da huaigui ana napaxaguenaxaquipi na judiopi.

Zacarías 13:4

Qaq que'eca na'a'q, na na'aqtaxanaxanecpi, huo'o qome da la'agaxa da ỹa'axattac nam lauanaqchecpi. Nache qaica qome ca datenataxan da napotaña ca lapo' na na'aqtaxanaxanecpi,

Ezequiel 22:25

na nta'alpi maye hueta'a ne'ena 'alhua, qalaq 'eeta'am na llonpi da desoqtai', qataq icolaxattac ca loxonec, qataq chec nam shiỹaxauapi da huaña na na'alhua, qataq decachiỹa na no'on logoxoshetpi, qataq da lsallaxa, qataq ỹo'ot da nquiguec ye lcata ana pa'aipi.

Ezequiel 13:22

Qami' qauroilec da qaratenataxanaxaqui, da qaucolanaqchichi na no'on da lataxac, dam saishet da sauotaique da so'ot co'ollaxa, qataq qaua'añaqchichi nam qauemaicpi da queto'ot dam qauem lataxac da yaqto' saishet da sanem da lca'alaxa.

Ezequiel 13:16

som na'aqtaxanaxanecpi ne'ena Israel maye saq'e'n naua l-loxoco, qataq ỹa'axatta'a co'ollaxa da no'on da llecỹaxac na Jerusalén, qamaq saishet da 'en.» Qaq 'era da ỹa'aqtac Aỹem Nataxala'.

Jeremías 29:32

Qaq Aỹem Nataxala', shenapec, sauo'o qome ca nhuaxanaguec ñi Semaías, qataq cam chegoxoguetpi ñimaye. Ñimaye qaica qome ca llalaqpi da ỹalectaigui nam ỹalamaxat nhuo' le'ecpi, qataq saishet qome da ỹaconeguet ca namaicỹaxac maye so'otec qome nam ỹalamaxat nhuo' le'ecpi, cha'aye naua la'aqtaqa ñimaye ỹaueegueta da Aỹem dataỹa'aguet. Qaq 'era da ỹa'aqtac Aỹem Nataxala' 'era da ỹa'aqtac.»

Jeremías 29:21

Ñim Nataxala' maye Qaica ca Ỹaqalanapec Ñim Natamnaxala' na Israel le'ecpi 'eeta' da la'aqtac maye taalec so Ahab maye llalec so Colaías qataq so Sedequías maye llalec so Maseías maye qami' ỹa'axattapeguema nam saq'enpi da 'eetega ỹachegoxotchigui da ỹe'enaxat: Aỹem saneguet qome da lhuaqỹaxac ñi nta'a Nabucodonosor maye lma' ye Babilonia, nache ñimaye qauauañiichigui naqa'en qom ỹalaua't.

Apocalipsis 17:6

Qaq can ime, nache aỹem ñanoma da asa'aso 'alo nỹomgui se'eso lataxa, nache asomaye taxai. Qaq se'eso lataxa naigui na ltago'q som lalamaxatpi Ñim Lo'onatac 'Enauacna qataq som qaỹalauatpi, souaxat da saishet da ỹaxanec da lpi'iỹaxac So Jesús. Qaq se'eso ỹauanaqchec ỹataqta ỹo'ot da ỹa'aalaxa.

Hechos 13:6

Nache soomaye co'ollaq ime da ỹa'axasoxoorelec aso ỹaqa'ata 'alhua, nache ivittaxaamalo ye ñegaxasom le'enaxat Pafos. Qaq huaña yemaye, nache nateeralec so judío le'ec, le'enaxat Barjesús, pio'oxonaq, somaye ỹataqta tenataxanaxaic, 'eetega da la'aqtaxanaxanec Ñim Lo'onatac 'Enauacna.

1 Reyes 13:18

Nache se'eso ỹa'axaiquiolec ỹatenachet somaye, 'eeta': Aỹem, nataqa'en aỹem na'aqtaxanaxanec, sheeta'am 'am, qaq huo'o so lamaxashec Ñim Nataxala', da aỹem 'enapega, 'eeta': 'Auauega qome ye 'arma' yaqto' deque'e qataq nỹom 'etaxat.

Daniel 11:34

Qaq qom ivita da huo'o que'eca ncanaguec, nache huo'o qome ca saq 'amaqtaq ntaunaguec, qalaxaye qalota qome ca 'eetega itauan, qalaxaye saq 'en.

Mateo 7:14

Qalaxaye so nqa'aic maye taỹa'a da nca'alaxa somaye ỹataqta sa lca'ague. Qaq somaye ỹataqta huo'o da lqalaic da qanayeegue. Ỹoqo'oye sa lamai' na ỹanata de'era nca'alaxa. Ỹoqo'oye qoquiigue so nqa'aic maye sa lca'ague, cha'aye somaye qomi' ỹauecta'alo da nca'alaxa.

Apocalipsis 20:10

Qaq so pa'aguenataxanaxaic maye ỹatenachet somayepi, qaỹasaxangui so lta'araic norec maye huaña da ỹavictac na quiquiaxaraic, som huaña da qaỹasaxangui co'ollaxa so shiguiỹac leguemaxaic qataq so 'eetega da la'aqtaxanaxanec Ñim Lo'onatac 'Enauacna qalaxaye saq 'en. Huaña, nache huo'o da nque'eenaxac somayepi chochaq tatec ye na'a'q qataq ye pe.