Mateo 7:14 - La'aqtaqa Ñim Lo'onatac 'Enauacna 2013

¹⁴ Qalaxaye so nqa'aic maye taỹa'a da nca'alaxa somaye ỹataqta sa lca'ague. Qaq somaye ỹataqta huo'o da lqalaic da qanayeegue. Ỹoqo'oye sa lamai' na ỹanata de'era nca'alaxa. Ỹoqo'oye qoquiigue so nqa'aic maye sa lca'ague, cha'aye somaye qomi' ỹauecta'alo da nca'alaxa.

Nuevo Testamento Toba Sur

¹⁴ Qaq ñim lasom qataq so nqa'aic mayi taÿa'a da nca'alaxa, qalaq ÿataqta qapi'olec qataq sa lca'ague. Qaq ÿataqta saq 'amaqtaq nam ÿanata.

Nuevo Testamento Toba Sombrero Negro

¹⁴ Qalaĝaja ga'me jom nataq'aen ga'me nadic jo'ne yelo'tegue da'me 'noyaĝac 'me qaya'te loiquiaqa' qamqa'me jalca'ague nataq'aen 'uo da'me laqalaic, qama'le ja lama'y gaa'me yauata.

Mateo 7:14 Referans Kwoze

Mateo 22:14

Qaq nache 'eetec de'era cha'aye qalota na qaicoyeguenpi da ỹalegueua'a da lo'onataxanaxac Ñim Lo'onatac 'Enauacna, qalaxaye saq 'amaqtaq nam ỹaỹamaxareeta Ñimaye.»

Romanos 12:2

Qataq saishet da qoquiitague' da lataxac 'enauac na huetalec ana 'alhua. Nachaqrata da qanaralaxache' naua qarhuennataxacolli'. Qaq 'era da ishet da qauaỹachiñi maye ỹaỹamaxareeta Ñim Lo'onatac 'Enauacna, 'eeta': Cam 'onaxaic qataq cam qaỹaỹamaxareeta qataq cam nalochiguiñi.

Isaías 35:8

Qaq yemaye nache ỹa'axasosoolec qome ca nqa'aic maye le'enaxat «Nqa'aic Qui'itta». Qaq nam shiỹaxauapi maye saishet da qui'itta, qalaq saishet qome da ỹañoxot da quegue camaye, qataq nataqa'en nam qaica ca ỹaỹaana'a saishet qome da quetague' camaye.

Marcos 8:34

Qaq co'ollaq ime de'era, nache So Jesús iỹaxanalo soua lapaxaguenataqa, qataq so shiỹaxauapi. Nache 'enapego', 'eeta': «Da qami' qauauoitaique da qami' ỹapaxaguenataqa, nache iuen da qaucoviỹa'ai cam maiche qoñiitapeguec. Qataq iuen da qami' lhuotte' da qanañañi da qami' qaiuaxanegueta ca qanpe'enaxaqui qataq qauo'oche cam shenapec.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Proverbios 8:20

Aỹem shectegue so nalochiguiñi nqa'aic, qataq da llec naua no'o'n lataxaco.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Mateo 20:16

Qaq dam pa'atec la'aqtac So Jesús, 'eeta': «Nache 'eetec nagui nam hua'auchiguiñi qalaq pa'atec; qaq nam pa'atec nagui qalaq nachena nam hua'auchiguiñi.»

Jeremías 6:16

Ñim Nataxala' 'enapega nam lalamaxat nhuo' le'ecpi, 'eeta': «Qanachaachingui na nqa'aicpi, nache qaumeenaxañi qataq qaunataxañic nam togoshaapec ñecpi, ca hueta'ague cam no'on nqa'aic nache qoquiigue camaye yaqto' qauanachiỹa ca qanmataxaqui.» Qalaxaye namayepi, 'eeta': «Saishet, saishet da saỹamaxarenaq da qolaxague.»

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Isaías 57:14

Qaq huaña nache qaỹa'axaỹa qome ca na'aqtac maye, 'eeta': «Qauaỹamaxachiiñi qome ca nqa'aic maye nalochiguiñi qanqacheeua'a na huetangui na nqa'aic maye nanaxattac na ỹalamaxat nhuo' le'ecpi.»

Romanos 9:32

Qalaq ¿ta'ainco' ye saishet da qaỹaconeguet namayepi? Cha'aye huotaique da Ñim Lo'onatac 'Enauacna ỹaconeguet namayepi souaxat nam ỹo'otpi, qaq saishet da huo'o ca lpi'iỹaxac Ñimaye. Ỹoqo'oye namayepi 'ena'am naqa'en ca coma' So Cristo da qaipogolaxaateguesop.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Salmos 16:11

Qataq aỹem 'auachaxana da llec da achaalataxac, qataq aỹem nlaqchigui 'anqa'en da ñetonaxac da 'am soota'aguet qataq nache 'eetai' da ỹamaicỹaxac da soota'ague na 'oic.

Mateo 7:13

So nqa'aic maye taỹa'a da nleuaxa somaye ỹataqta qalotegue. Se'eso nqa'aic ỹataqta saqalaq da qanayeegue. ¡Qaq ỹoqo'oye qalota nam quetague' somaye!

Mateo 7:15

¡Qarvichiỹa'aguet nam tenataxanaxaicpi maye 'eetega da la'aqtaxanaxanecpi Ñim Lo'onatac 'Enauacna! Namayepi qami' naỹalo, nache ỹe'enaxat da lataxac ana qagueta, qalaxaye na pa'auo 'eeta'am da lataxac na shiguiỹac maye dequi'iỹapec.