Mateo 7:12 - La'aqtaqa Ñim Lo'onatac 'Enauacna 2013

¹² Qaq ỹoqo'oye qami' cam no'on maye qansheetaique da qami' ỹo'oteque na shiỹaxauapi, qaq nacheca iuen da hua'auñi qome qauo'ochec 'enauac namayepi. Cha'aye nachera dam damaxasoxoolec nam lamaxasoxonaxacpi so Moisés qataq naua leregui'she so la'aqtaxanaxanecpi Ñim Lo'onatac 'Enauacna.

Nuevo Testamento Toba Sur

¹² Qaq ÿoqo'oyi qami' cam no'on mayi qanshiitaique da qami' i'oteque na shiÿaxauapi, nachica qome qau'ochiic 'enauac namayipi. Cha'ayi nachida dam damaxasoxoolec nam lqataxacpi so Moisés qataq naua lliyigui'shi so l'aqtaxanaxanecpi ñi Dios.

Nuevo Testamento Toba Sombrero Negro

¹² “Chane'eja ga'me jo'ne jetaque auepaquitapega ta'le ami qo'yeteque, 'noota qom nach'e naq'aeta da'me a'vichiyeque jogaa'me adaqayadi'. Qa'a nach'eda da'me dojo' jo'ne yemata'a't daa'me Dios lamaĝajoĝonaĝaco nataq'aen da'me lapaĝaguenataĝanaĝa'j dia'me Dios 'laqataĝanaĝanaqa.

Mateo 7:12 Referans Kwoze

Lucas 6:31

Qaq cam no'on maye qauauoitaique da qami' ỹo'oteque na shiỹaxauapi, qaq nacheca qauo'ochec qome namayepi.

Levítico 19:18

Saishet da huo'o ca ipalaique lvi' da ỹe'enaxata'aguet ca qaỹo'otec, qataq saishet da nache queta da nquiỹatega ca lỹa da huo'o ca ỹasouaxat. Nacherata da ỹauotec ca lỹa, 'eeta'am da ỹauotec da maiche nachaalataxac. Qaq 'era da ỹa'aqtac, Aỹem Nataxala'.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

1 Timoteo 1:5

Dam ỹoqta 'eetapeguec de'era namaxasoxonaxac, damaye iuen da ñi 'oonolec ỹauotec ca lỹa, qaq de'era lauotaxanaqtaic ỹataqta chegoqchiguinguit añi lquiyaqte maye qui'itta, qataq da ỹaỹamaqchiguiñi ntoonaxac qataq da huesota lpi'iỹaxac.

Malaquías 3:5

«Aỹem ñanac qome da qami' ñemi't, qataq sa'axat nataqa'en nam napaxagueetega na 'iyaxaic, qataq na ncachetague' aca saishet da lhua, qataq na saipaguelec ca ỹan la'aqtac, qataq nam saiyacnapec na 'onataxanaxaicpi, qataq ana pa'aipi, qataq na saploqpi, qataq na saỹaỹamaxatapec na chegaqauecpi, qataq nam qaica ca 'enec naqa'en Aỹem. Qaq 'era da la'aqtac Ñim Nataxala' maye Qaica ca Ỹaqalanapec.

Ezequiel 18:21

Qalaxaye ca qauemaic da ỹaxaañi 'enauac nam lasouaxashetpi maye ỹo'ottac co'ollaxa, nache ipaqueelec 'enauac nam iqataxacpi, qataq ỹo'ot nam ỹaỹamaqchiguiñi qataq no'on lataxac, nache camaye ỹoqta 'eesa da nca'alec, qaq saishet qome da ileu.

Mateo 5:17

Saishet qome da qaupi'itaxañiitega da Aỹem ñanac da ñelaxaañi na lamaxasoxonaxacpi so Moisés qataq da sheetega mashe qaica ca naigui na lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Nachaqrata da ñanac da yaqto' sepagaqchiichigui dam ỹoqta 'eesa naigui namayepi.

Santiago 2:8

Da qami' qaualaqaiguet da namaxasoxonaxac maye napacalec na laỹepi maye qomi' ỹanema Ñim Lo'onatac 'Enauacna, nache ỹataqta 'onaxaic de'era qauo'oche. De'era namaxasoxonaxac 'eeta': «Qauennachiỹa'a da ñi 'oonolec iuen da ỹauotec ca lỹa, 'eeta'am da lauotaxanaqtaic da maiche nachaalataxac.»