Mateo 6:9 - La'aqtaqa Ñim Lo'onatac 'Enauacna 2013

⁹ Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Nuevo Testamento Toba Sur

⁹ Qaq ÿoqo'oyi da qanqouagaxauñi, qalaq qoñiita': 'Am qadta'a Dios mayi qoneto'ot na piguem, 'enauac da qaÿi'oxoden da 'ad'enaxat.

Nuevo Testamento Toba Sombrero Negro

⁹ Nale anetameñi, aueñeetojo': «Am Qadet'a 'me ona'ague di'me Piyem, 'Noota qom qo'nonaĝachigui da'me adenaĝat.

Mateo 6:9 Referans Kwoze

Apocalipsis 4:11

«'Am Qarataxala' maye 'Aro'onatac 'Enauacna; 'am maye 'aiguet da 'am qaỹo'oxoren, qataq da 'am qaiỹaxana qalaq huo'o da 'ayo'oxoyec, qataq ỹo'ot da na'aalaxa da 'ara'añaxac. Cha'aye 'am 'aro'onatac 'enauac nam huo'o; qaq qana'achec cha'aye maiche 'am chegoqchigui namayepi.»

Romanos 8:15

Cha'aye som Saqcha'a Na'añaxac maye qami' ỹanema Ñim Lo'onatac 'Enauacna, Somaye saishet da qami' l-lataqa qataq saishet da qami' icolanaqche't. Nachaqrata da Somaye qomi' ỹaueegueta da ỹataqta qomi' llalqa Ñim Lo'onatac 'Enauacna qataq qomi' ỹapaxagueneque da seỹaxanaxa Ñimaye qalaq shenaqta': «'Am Ita'a.»

Ezequiel 36:23

Aỹem sachaxana na ỹotta'a't shiỹaxauapi da lta'araic qui'itta ỹe'enaxat, maye qami' qanshepaxanaqcheche co'ollaq qaualliquiitaigui namayepi, qaq qom so'ot damaye, nache namayepi ỹaỹaten qome da Aỹem nachaỹem Nataxala'. Qaq 'era da ỹa'aqtac Aỹem Nataxala'.

Malaquías 1:11

Cha'aye ỹataqta 'enauac na ỹotta'at shiỹaxauapi ana 'alhua, ỹataqta huo'o naq 'enec naqa'en Aỹem; qataq 'enauac na pa'aiguelo da qaỹavigaxat na nchenaxanaxat da qaỹo'oxoren da ỹe'enaxat, qataq Aỹem qandoua'a ana no'on nachetaqtaxanaqte.

Salmos 111:9

Ỹanem da huesochiguiñi na lalamaxat nhuo' le'ecpi, qataq lapaxañi da chochaq tatec naỹamaxataxac. Da le'enaxat Ñimaye ỹataqta qui'itta qataq chaqaic.

Isaías 64:8

Qalaxaye 'am Nataxala', nache 'am maye 'Am qarta'a, qomi' qalaq shenaqta'am ca nshaxa, qaq 'Am qalaq nache 'Am maye 'auo'ot da qarataxac, qaq 'enauac da shenaqta, qomi' lo'onataqa naua 'arhuaxaye.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Gálatas 4:6

Qaq nagui da mashe qami' llalqa, nache Ñim Lo'onatac 'Enauacna qami' namaxalo So Saqcha'a La'añaxac So Llalec da yaqto' qami' hueta'agueta. Qaq ỹoqo'oye da ñeqouagaxaunaqot Ñim Lo'onatac 'Enauacna, nache So Saqcha'a La'añaxac qomi' ỹanema da seỹaxanaxa Ñimaye, shenaqta': «Ita'a, 'am ỹauotaxat ito'olec.»

Isaías 6:3

Nache ñi 'oonolec soomaye na'axanneque naua la'aqtaqa da detaqtega't, 'eeta': «Qui'itta, qui'itta, ỹataqta qui'itta Ñim Nataxala' maye Qaica ca Ỹaqalanapec. Da llo'oxoyec Ñimaye ỹataqta imattalec ana 'alhua.»

Apocalipsis 5:12

Qaq somayepi ỹataqta nlamaxaren da detaqtac, 'eeta': «Ñim Qagueta Llalec maye qoỹaneuo co'ollaxa da qaỹavigaxat da qaỹauo'o nachetaqtaxanaqte, nacheñi nagui ñi taiguet da ỹaconeguet da namaxasoxonaxac qataq da nsallaxa, naỹaanec, qataq da na'añaxac, na'amaqchec, qataq ño'oxonnataguec.»

Salmos 115:3

Ñim Qanatamnaxala' neto'ot na piguem, Ñimaye ỹo'ot 'enauac nam huotaique co'ollaxa da ỹo'otpi.

Nehemías 9:5

Qaq soua leviita Josué, Cadmiel, Binuy, Hasabnías, Serebías, Hodías, Sebanías qataq so Petajías, na'axanneque naua la'aqtaqa, nache 'eeta': «Qanachaachiñi, nache qavio'oxoyiñi Ñim Nataxala' maye Qanatamnaxala'ai, qavio'oxoyiñi da le'enaxat Ñim Nataxala', maye nache 'eetai' da qaica ca loga't, nache 'eetai' qome da qaỹo'oxoreetac da le'enaxat Ñimaye, dam le'enaxat maye qaica ca 'ena'am da llo'oxoyec, qataq da ño'oxonnataguec.»

Mateo 7:11

Qami' matem qami' qauemaiqa, qalaq qauaỹachiñi da qaỹa'añim ca no'on cam qaỹa'alqui. Qaq ¡taloxocheyectoxo' da saq ỹactec Ñim Qarta'ai maye neta'ague da piguem da ishet da ỹanem ca no'on cam iỹaxanot Ñimaye!

Isaías 63:16

¡'Am Nataxala', nache 'am maye 'am qarta'a! Na'aictaxa so Abraham da saishet da qomi' ỹauatto'n, qataq so Israel da saishet da qomi' ntooneque, qalaxaye 'am Nataxala', nache 'am maye 'am qarta'a, qataq nache 'eetai' co'ollaxa da 'am qarca'alaxaqui.

Salmos 72:18

Ỹataqta qaỹo'oxoren qome Ñim Lo'onatac 'Enauacna, Ñim Nataxala' maye Natamnaxala' na Israel le'ecpi, cha'aye nacheñita ỹo'ot na lta'araicpi maye ỹo'ot da na'aalaxa.

Mateo 26:29

Qaq ne'ena na'a'q, nachena na pa'atec da ñeỹomgui ne'ena lataxa da qami' ñeỹomaxau'. Qalaxaye qom qaltaq salegaqta'a't da souaqtaigui da lo'onataxanaxac Ñim Ita'a, huaña nache ñeỹomaxagui ca dalaxaic lataxa.»

Mateo 23:9

Qataq saishet qome da huo'o ca qauamachiỹa'ac qarta'ai, cha'aye 'oonolec Ñi Qarta'ai maye Lo'onatac 'Enauacna qataq imattalecna.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

2 Crónicas 20:6

nache 'eeta': «'Am Nataxala' maye Natamnaxala' so hua'au qarta'alpi, ¿saisheto' da nache 'Am Atamnaxala', maye qoneta'ague da piguem, qataq 'aulotague' na ỹotta'a't shiỹaxauapi? Qaq nam 'arhua'q huetaiguilo da 'ara'añaxac, qataq da qonec, maye qaica ca nala'aguet da npaxateguet.

Lucas 15:18

Aỹem she'eguelaxa qome ye lma' ca ita'a. Ime, qaq shenapega qome, sheeta': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am.

Zacarías 14:9

Qaq que'eca na'a'q, Ñim Nataxala', ilo'ogue qome 'enauac ana 'alhua. Ñim Nataxala' Nacheñita qome 'oonolec, qataq 'oonolec da le'enaxat.

1 Reyes 8:43

qaq 'am maye qoneto'ot na piguem, nache 'aỹa'anem qome ca iỹaxaataique que'eca chegaqauec. Yaqto' 'enauac na shiỹaxauapi ana 'alhua, da 'am ỹauatton qataq huo'o naq 'enec naqa'en 'am, da 'eeta'am na 'aralamaxat nhuo' Israel le'ecpi, qataq ỹaỹaten da nache huaña ana'ana atamnaxaqui maye ño'oxoosheguem da qaiỹaxana da 'are'enaxat.

Habacuc 2:14

Qaq cha'aye 'enauac ana 'alhua da nlaxagui qome, da nauattonaxanaxac da llo'oxoyec Ñim Nataxala', 'eeta'am ca 'etaxat da nlaxagui naqa'en aso auaxai.

Ezequiel 38:23

Qaq 'era da 'eetec qom sachaxana na qalota laỹepi nhuo' le'ecpi, da ỹa'amaqchec qataq dam qui'itta ỹataxac, Aỹem so'ot qome da aỹem ỹauatton namayepi, qaq nache huaña qome da ỹaỹaten da Aỹem nachaỹem Nataxala'.

1 Crónicas 17:24

yaqto' da 'are'enaxat nache 'eetai' qome, qataq da 'ayo'oxoyec chochaq tatec, yaqto' 'enauac na shiỹaxauapi, 'eeta': ‹¡Ñim Nataxala' maye Qaica ca Ỹaqalanapec, nacheñi Ñim Natamnaxala' na Israel le'ecpi!› ¡Qaq na llalaqpi so 'aramaxashec David, nache 'eetai' qome da 'ampaxattalec!

2 Samuel 7:26

¡Yaqto' nache 'eetai' qome da la'amaqchec da 'are'enaxat, qataq da yaqto' qoỹeeta': Ñim Nataxala' maye Qaica ca Ỹaqalanapec, nacheñi Ñim Natamnaxala' na Israel le'ecpi! ¡Qaq da lo'onataxanaxac da nta'a ne'ena 'aramaxashec David qataq na llalaqpi, nache 'eetai' qome 'anqa'en!

1 Pedro 1:17

Ñim Lo'onatac 'Enauacna, nacheñi ñi nmit 'enauacna qataq qaica ca imatalec da lauoche. Nachaqrata da ipagaqchiichigui cam ỹo'ot ñi 'oonolec da shenaqta qataq ỹa'axat da huo'otaq iuen da ỹauo'o ca nhuaxanaguec huo'otaq ỹauo'o ca nsheetenaguec. Qaq ỹoqo'oye da qami' qoñiỹapec da Qarta'ai Ñim Lo'onatac 'Enauacna, nache iuen da huo'o naq 'enec qanqa'eñi Ñimaye 'enauaque naua na'axa'te da qanachaalataxaqui da qoñiitalec ana 'alhua.

1 Timoteo 6:16

Ñimaye maye choche tatec, qataq huetaigui na ne'eraxa maye saishet da huo'o ca nhuogoua'a. Qaica ca shiỹaxaua ila'a co'ollaxa Ñimaye, qataq qaica ca ỹañoxot da maiche ila'a nagui. Ñimaye maye hueto'ot da qaica ca 'ena'am llo'oxoyec, qataq da la'añaxac maye chochaq tatec. Aja', nache 'eetec de'era.

Lucas 15:21

Nache som llalec 'enapeco': ‹'Am taxare, aỹem huo'o da ỹasouaxashet hueto'ot Ñim Lo'onatac 'Enauacna nataqa'en 'am. Qaq ỹoqo'oye saq saiguet nagui da 'auamata'ac da aỹem 'aỹa'alec.›

Lucas 2:14

«¡Ỹataqta lta'araic da ño'oxonnataguec Ñim Lo'onatac 'Enauacna maye neto'ot na piguem, nataqa'en ana 'alhua huo'o da l-lagaxayec 'enauac nam ỹauotec Ñimaye!»

Isaías 66:1

Ñim Nataxala', 'eeta': «Na piguem nachena na ñeso'ootalec, qaq ana 'alhua qalaq nachana ana ỹapiaxalate. Qaq ¿hua'ague ca qaỹa'añiỹa'ague ca ima' da qano'oxoñiisheguem? Qataq ¿hua'ague ca qaỹa'añiỹaña cam ima' maye ishet da ñemataqa'?

Mateo 6:14

Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Mateo 5:48

Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac.

Levítico 10:3

Qaq co'ollaq mashe lcopa'ague de'era, nache so Moisés 'enapega so Aarón, 'eeta': «'Era, da 'eetega Ñim Nataxala' co'ollaq 'eeta': ‹Da huo'o ca Aỹem naua'a na ntaxaỹaxanaxanecpi, nache ñachaxana da ỹataqta Aỹem sa qaishetapec, qataq 'enauac na Israel le'ecpi sachaxana da qaica ca 'ena'am ỹo'oxoyec.›» Nache so Aarón choche ñe'emaxat.

Gálatas 1:1

Qami' ñauochaxauapi ỹaqaỹañicpi maye qaua'amqaanataxañiitac maye qoviita'a na 'alhua Galacia: Aỹem Pablo qataq nam ca'attague' So Cristo maye aỹem hueta'aguet, qami' sequinaqta'ape. Seỹaxaatacot Ñim Lo'onatac 'Enauacna maye Qarta'a qataq So Qarataxala' Jesucristo da ỹataqta qami' ỹauoteque qataq qami' ỹanema ca qarlagaxayiqui. Aỹem namaxashec da sa'axat da no'on na'axaỹaxac: ¡da So Jesucristo mashe qaltaq nca'alec! Qaica ca aỹem ỹamaq nam shiỹaxauapi maye huetalec ana 'alhua, nachaqsota Somaye qataq Ñim Lo'onatac 'Enauacna maye Lta'a Ñim nca'alaxateeguesop da l-leuaxa co'ollaxa.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Mateo 26:42

Nache So Jesús qaltaq ỹe'eguelaq da qaltaq nqouagaxauen nache, 'eeta': –'Am Ita'a, da sepaca'aguet de'era ñeque'eenaxac, nache Aỹem ỹataqta Aỹem lhuotta da 'am salaxaguet.

Isaías 37:20

Qaq nagui 'Am Nataxala' maye 'am Qanatamnaxala', qomi' 'anca'alaxateeguesopa qome da la'añaxac namayepi, yaqto' 'enauac na ỹotta'a't shiỹaxauapi ana 'alhua, ỹaỹaten da nachaq 'amta 'Am nataxala' qataq 'Am Atamnaxala'.»

Romanos 1:7

Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi Ñimaye. Qaq aỹem seỹaxanot Ñim Lo'onatac 'Enauacna maye Qarta'a qataq So Qarataxala' Jesucristo da qami' ỹachaxanalo da lsoxoyec qataq qami' ỹanema da l-lagaxayec.

Mateo 10:29

Caua dos qoỹolqa da qaime'n, nache aca lasheue 'oonole lcatole. Qalaxaye saishet da ileu' caamaye da Ñim Lo'onatac 'Enauacna maye Qarta'ai saishet da la'aqtac.