Mateo 6:6 - La'aqtaqa Ñim Lo'onatac 'Enauacna 2013

⁶ Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Nuevo Testamento Toba Sur

⁶ Qalaxayi 'am da ivita da 'anatamen, qalaq 'aunoxonoigui ca 'adma'. Nachi 'auapogui ca lasom. Ime, qaq 'anqouagaxaunot ñim 'adta'a mayi saq cha'a, ñim 'am hueta'aguet. Nachi ñimayi mayi ÿaÿaten cam saq cha'a mayi 'au'ottac, ishit da ÿauo'o ca 'anshiitenaguec.

Nuevo Testamento Toba Sombrero Negro

⁶ Qalaĝaja am, qom anetamen, aue ga'me at'emec, auapadiñgui ga'me jom qama'le ja aualoĝon da'me anetamenot joñe'me Adet'a. Qama'le ñe'me Adet'a da'me yauana ga'me aua'uo jo'ne ja aualoĝon, am yanem qomle ga'me adajo'vi.

Mateo 6:6 Referans Kwoze

2 Reyes 4:33

Nache somaye pa'auo co'ollaxa, qataq ỹapogui so lasom, nache ndote' so nogotolec da nqouagaxaunot Ñim Nataxala'.

Mateo 14:23

Qaq co'ollaq mashe 'enauac da jec so shiỹaxauapi, nache So Jesús ndotec da tasheguemec aso qaỹoqotcheguemec 'alhua, da yaqto' nqouagaxauen. Nache hueta'a yemaye da nqouagaxaueetac choche ivitta'a da pe.

Isaías 65:24

Namayepi qom saxanaxa da aỹem iỹaxana, nache Aỹem sasateguet qome, qom saxanaxa da ivirec ca ltaxaỹaxac, nache Aỹem mashe sa'axaỹa qome.

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Isaías 26:20

Qauesomiỹa qami' ỹalamaxat nhuo' le'ecpi, qa'aỹoiguilo naua qarma'achilli' nache qanapoila't, ñaq cara'acolec da qanqañoxochiiñi, nato' qom vi'iiguet da layeloxo Ñim Nataxala'.

Salmos 34:15

Ñim Nataxala' ntela'a na shiỹaxauapi maye no'on da lataxac, qataq hua'axaỹa na natamnaxacpi.

Mateo 6:18

yaqto' na shiỹaxauapi saishet da ỹaỹaten da qanqouaqchichiitac. Qaq nachaqñita Ñi Qarta'ai maye Lo'onatac 'Enauacna, Ñim ỹaỹaten nam saqcha'a, Ñimaye ỹauo'o ca qansheetenaguiiqui.

Hechos 10:9

Nache so lỹa na'a'q co'ollaq mashe quete' soomaye, qaq mashe qanayeetaua'a ye Jope, nache so Pedro tasheguemo' ca nỹec l-laq da nqouagaxauen. Qaq mashe laiñi se'eso na'a'q.

Mateo 6:4

Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.

Efesios 3:14

Qaq 'era da huo'omshe aỹem sa'attrañi naua illecte da ñatameetacot Ñim Lo'onatac 'Enauacna maye Nta'a,

Romanos 8:5

Cha'aye nam quetague' da saishet da nllañi da qauem lqopitaxanaqtaic, namayepi nachaqrata da tatapigui lauel da ỹo'ot da qauem. Qalaxaye nam quetague' da ỹalaxaguet So Saqcha'a Na'añaxac Qui'itta, namayepi nachaqrata da iuennatega da ỹo'ot nam 'eetapeguec Somaye.

Hechos 10:30

Nache so Cornelio 'enapeco': –Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'.

Juan 1:48

Nache so Natanael denataxan, 'eeta': –¿Ca hua'ague co'ollaxa, qaq aỹem 'auauatton? Nache So Jesús 'enapeco': –Qomye 'am selota'a can saxanaxa da 'am iỹaxana da Felipe, can qoueto'ot ara higo lcheyec.

Juan 20:17

Nache So Jesús 'enapego' asomaye, 'eeta': –Aỹem 'axanec, cha'aye Aỹem saxanaxa da saigue da neta'ague Ñim Ita'a. Qalaxaye 'am qome qojec, nache 'aua'aqtaxanema caua ỹapaxaguenataqa da Aỹem saigue da neta'ague Ñimaye, Ñim nataqa'en Qarta'ai. Ñimaye Ỹataxala', qataq nataqa'en Qarataxala'ai.

Proverbios 25:22

cha'aye da 'auo'ot de'era nache camaye ishet da na'agui 'anqa'en na lashec da la'aloxo, nache Ñim Nataxala' ỹauo'o da 'ansheetenaguec.