Mateo 6:4 - La'aqtaqa Ñim Lo'onatac 'Enauacna 2013

⁴ Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.

Nuevo Testamento Toba Sur

⁴ Chaqdata da 'oxotchiguiñi de'eda 'au'ot. Qaq ñim 'adta'a mayi ÿaÿaten cam saq cha'a, ñimayi ÿauo'o ca 'anshiitenaguec.

Nuevo Testamento Toba Sombrero Negro

⁴ Ja auen 'te di'yoq da'me aua'uo. Qama'le ñe'me Adet'a, jo'ne yauana ga'me aua'uo jo'ne ja auen 'te di'yoq, ya'uo qomle ga'me anejetenaguec.

Mateo 6:4 Referans Kwoze

Mateo 6:18

yaqto' na shiỹaxauapi saishet da ỹaỹaten da qanqouaqchichiitac. Qaq nachaqñita Ñi Qarta'ai maye Lo'onatac 'Enauacna, Ñim ỹaỹaten nam saqcha'a, Ñimaye ỹauo'o ca qansheetenaguiiqui.

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Jeremías 17:10

Aỹem Nataxala', maye ñimit aca nquiyaqte qaq saỹaten yem ỹataqta pa'auo lhuennataxac, nache sanem cam taiguet da ỹaconeguet, ipacchigui cam naigui nam ỹo'otpi.»

Lucas 14:14

yaqto' ishet da ỹataqta 'auamachiguiñi. Cha'aye namayepi saishet da 'am isheetena'aguet. Qalaxaye 'am qome huo'o ca 'ansheetenaguec qom ivita da qaltaq qanca'alaxatec nam shiỹaxauapi maye ỹo'ottac nam ỹaỹamaxareeta Ñim Lo'onatac 'Enauacna.

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Jeremías 23:24

¿Negue't, ca ishet da nqañoxocheesop da imeenaxanaxac? Ye Aỹem semattalec na piguem qataq ana 'alhua. Qaq 'era da ỹa'aqtac Aỹem Nataxala'.

Lucas 8:17

Cha'aye 'enauac nam qoỹoxottapiguiñi ivira'a da qailalec, qataq 'enauac nam saq cha'api ivira'a da qaỹaỹaten.

1 Samuel 2:30

Qaq souaxat de'era, nache Ñim Nataxala' maye Natamnaxala' na Israel le'ecpi, 'am 'enapega 'eeta': Aỹem san co'ollaxa so ỹa'aqtac da 'am qataq na 'aỹa'alaqpi, qataq nam chegoxoguetpi so 'arta'a da nache 'eetai' da Aỹem do'onataxaatacot, qalaxaye nagui 'am shenapega da nache tachiguiña de'era, cha'aye Aỹem sho'oxoren ca Aỹem ỹo'oxoreetac, qataq qaica ca la'amaqchec ñaqa'en cam Aỹem ỹo'otan.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Mateo 10:42

Qataq camachaqca shiỹaxaua, da huo'otaq ỹami' ca ỹataqta atom 'etaxat ca 'oonolec nam saq 'amaqtaqpiolec maye Aỹem quetague', qaq camaye ỹataqta huo'o qome da nsheetenaguec.

Salmos 139:12

qaq ñaqaiyeta na napalaxa saishet da aỹem ỹoxochiisop da qoneta, cha'aye ye pe qalaq yo'oqchiguiñi nache 'eeta'am ye na'a'q. Cha'aye na napalaxa qataq na yo'oqchiguiñi nache 'eeta'a't 'anqa'en.

1 Corintios 4:5

Qaq ỹoqo'oye qami', saishet da qaua'aviỹalec da qanmichi ca qarỹai, nato' qom ñe'eguelaq So Jesucristo. Qaq qom ñe'eguelaq Somaye, nache ỹachaxan nam saqcha'a qataq nam iuennatega ñi 'oonolec. Nache Ñim Lo'onatac 'Enauacna ỹo'oxoren ñi 'oonolec, chegoqchigui cam ỹo'ot.

Salmos 17:3

Cha'aye 'am 'auaỹateete' naua iuennataxaco, qataq ye pe qalaq aỹem 'auchemaxattac qataq aỹem 'avi'egueetac, qalaxaye saishet da 'auanata ca saỹaỹamaxañi de'era ñachaalataxac. Qataq na aỹap saishet da chegaqaigui ca saỹaỹamaxañi,

Proverbios 25:22

cha'aye da 'auo'ot de'era nache camaye ishet da na'agui 'anqa'en na lashec da la'aloxo, nache Ñim Nataxala' ỹauo'o da 'ansheetenaguec.

Mateo 6:3

Da huo'o ca 'oonolec da qoñiita da itauan na choxoraqpi, nache 'onaxaic da saishet da huo'o ca da'aqtaxanem.