Mateo 6:34 - La'aqtaqa Ñim Lo'onatac 'Enauacna 2013

³⁴ Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.

Nuevo Testamento Toba Sur

³⁴ Qaq sa ishit qome da qami' ÿaquicoqchi't cam huaigui ca lÿa na'a'q. Cha'ayi ca lÿa na'a'q ÿataqteguet cam huaigui lqalaic. Qaq ñi 'oonolec na'a'q mashi 'eeso'oya' cam huaigui lqalaic.

Nuevo Testamento Toba Sombrero Negro

³⁴ Ena'te aueyachitapiye't qa'a jouaĝat qom 'yoĝoñi, qa'a qom nete' 'uo ga'me adedaqa' da'me aueyachitapiye't. Yemeda naa'me noloqo'ote nalochilo gaa'me qayoĝode' laqalaico.

Mateo 6:34 Referans Kwoze

Mateo 6:25

Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Lucas 11:3

Ñaq qomi' 'aỹa'anema na na'a'q cam sacheguenaq maye seuenaqtac.

Lamentaciones 3:23

nacheye ye nte'eta qalaq dalaxaic dam lsoxoyec. ¡Qaq ỹataqta qaica ca 'ena'am Ñimaye da sanquic da lataxac!

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Deuteronómio 33:25

qaq naua naso'omi qalaq la'araxat naqa'en na lcat qataq bronce, qaq da la'añaxac qalaq nache 'eetai' ivitta'a ca loga't da nachaalataxac.

Mateo 6:27

Cha'aye ¿negue't ca 'oonolec da qoñiita da huo'otaq ỹapactec da lhuogoqchec, nache ishet da nquigaxat da lca'alaxa?

Lucas 10:41

Qalaxaye So Jesús ỹasategueto' asomaye, 'eeta': –Marta, Marta, ¿ta'ainco' ye ỹataqta 'aumatalec da 'arhuogoxo nam chochaqna? Huo'o da 'oonolec maye ỹataqta 'onaxaic. Qaq añi María lca'ateua'a, qaq damaye qaica ca ishet da nqat.

Lucas 12:11

Qaq qom ivita da qami' qaỹauegueua'alo ana napaxaguenaxaquipi na judiopi huo'otaq nam nmit na nasouaxashetpi qataq nam nataxala'pi da qami' qanmi't, nache saishet qome da tatapigui qarvilli cam qarasataxaqui qataq cam qoñiitec da qauataiỹa'aguet namayepi.

Lucas 12:22

Qaq co'ollaq ime, nache So Jesús 'enapegalo soua lapaxaguenataqa, 'eeta': «Nagui qami' shenapegalo: Saishet qome da ỹataqta ỹapac da qarhuogoqoi cam qolliqui qataq cam qanapoiña.

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

1 Pedro 5:7

Qaq ỹoqo'oye 'enauac na qauennacheetapega ỹataqta qaumachiỹo'ot Ñim Lo'onatac 'Enauacna, cha'aye Ñimaye qami' ilotegueto.