Mateo 6:30 - La'aqtaqa Ñim Lo'onatac 'Enauacna 2013

³⁰ Qaq Ñim Lo'onatac 'Enauacna da ỹami' da lyacỹaxac anam huoue nagui maye huetauga na no'onaxa, qamaq ca lỹa na'a'q nache deqaqa, qaq da nache 'eetec de'era nache ¿peta'a sa ỹacteco' cam qami' ỹo'oteque Ñimaye? ¡Aỹem sela'a da saxanaxa da qauaỹachiñi da ỹoqta qaupi'iỹa'ai Ñim Lo'onatac 'Enauacna!

Nuevo Testamento Toba Sur

³⁰ Qaq ñi Dios da nachi 'eetec de'eda, da n'otaxanaxan anam huoue mayi huetauga nagui na n'onaxa, qamaq ca lÿa na'a'q nachi qaÿasaxangui ca nodec, qaq ¿sa ishito' da nachi 'eetec naq'en de'eda da qoñiita, qami' mayi saq 'amaqtaq da qadpi'iÿaxaqui?

Nuevo Testamento Toba Sombrero Negro

³⁰ Qa'a qom ñe'me Dios naqaeteque gaa'me lolelaĝail, jo'ne uo'oe ga'me 'nonaĝa nayi qama'te yavi'j qom 'yoĝoñi da'me qoyachaĝauelo jaga'me c'atoĝonaĝaqui, qama'le ¡yataqachiñe p'ajaye da'me ami yanema ga'me adeuodi', ami jiyaĝa'u jo'ne qaya'te adepi'i!

Mateo 6:30 Referans Kwoze

Lucas 12:28

Qaq da nache 'eetec de'era Ñim Lo'onatac 'Enauacna da no'otaxanaxan ana choche huoue maye huetauga nagui na no'onaxa, qaq qonte', nache qaỹavigaxat, qaq ¡hua'aguectoxo' da saq 'eetec da qoñiita maye saq 'amaqtaq da qarpi'iỹaxaqui!

Mateo 14:31

Nache So Jesús ỹaconeguet na lhuaq so Pedro. Nache 'enapega, 'eeta': –¡Pedro, 'am ỹataqta qapio'olec da 'arpi'iỹaxac Aỹem! ¿Ta'ainco' ye 'auqolectaxan?

1 Pedro 1:24

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «'Enauac na ỹotta'a't shiỹaxauapi 'eeta'am ana huoue; qataq dam la'amaqchec 'eeta'am aca lauoxo anamaye. Ana huoue taỹa'a da deqaqa, qataq naañi ana lauoxo,

Mateo 16:8

Nache So Jesús co'ollaq noma de'era na'aqtaxaatrapigui soomaye, nache 'enapegalo, 'eeta': –¡Qami' ỹataqta qapio'olec dam qarpi'iỹaxaqui Ñim Lo'onatac 'Enauacna! ¿Ta'ainco' da leetapigui ye qarvilli da qaca aca qaya'acoi nauole 'ayiiña?

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Juan 20:27

Ime, nache 'enapego' so Tomás, 'eeta': –Ñaq 'aumete'n naua ihua'q qataq na ỹaỹe. Qataq 'aua'aroiguilo naua 'aya'axaatal na ique'emaxa. Saishet qome da 'am qolectaxanaxaic, nachaqrata da 'aua'amqaanataxan.

Marcos 4:40

Nache So Jesús 'enapegalo' soua lapaxaguenataqa, 'eeta': –¿Ta'ainco' ye ỹataqta ỹapac da qarcolanaqai? ¿Ỹataqta ñaq saxanaqca peta'a ca qarpi'iỹaxaqui Aỹem?

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Lucas 9:41

Nache So Jesús ỹamataigui so ca'attague'pi, nache 'enapeco': –¿Peta'a ỹapac da saishet da huo'o ca qauañoxoche da saishet da qami' soota'agueta? ¡Chaq tachiguiña qome da ñeualaxaunaxac da qoñiita! Qami' ỹataqta qausomiỹapec qataq sa qaupi'iỹa'ai Ñim Lo'onatac 'Enauacna. –Ime, nache So Jesús 'enapega se'eso ỹale 'eeta': –Ñaq 'anaueecna'a cam 'aỹa'alec.

Marcos 9:19

Nache So Jesús 'enapeco': –¿Ta'ainco' ye sa qauaỹaañi da qaupi'iỹa'ai Ñim Lo'onatac 'Enauacna? ¿Peta'a ỹapac da saishet da huo'o ca qauañoxoche da saishet da qami' soota'agueta? ¡Ñaq Aỹem qanaviquiỹa na nsoq!

Mateo 17:17

Nache So Jesús 'enapeco': –Qami' ỹataqta saishet da qauaỹachiñi ca qoñiitec qataq saishet da huo'o ca qarpi'iỹaxaqui Ñim Lo'onatac 'Enauacna. ¿Peta'a ỹapacteco' da sa qauañoxoche da huo'o ca qauo'oche da saishet da qami' soota'agueta? ¿Cam laguio' nache ishet da qauaỹaanataxañi? ¡Ña qanaviquicna'a da nsoq!

Salmos 92:7

Qaq na'aictoxo' da 'eeta'am na 'auaqpi da ñaxat na qauemaicpi, qataq da ñaxatec 'enauac na 'etaxaloxoicpi, qalaxaye namayepi taỹa'a da qailaxachigui.