Mateo 6:3 - La'aqtaqa Ñim Lo'onatac 'Enauacna 2013

³ Da huo'o ca 'oonolec da qoñiita da itauan na choxoraqpi, nache 'onaxaic da saishet da huo'o ca da'aqtaxanem.

Nuevo Testamento Toba Sur

³ Qalaxayi 'am da ivita da huo'o ca 'ai'ami' cam huo'o da lhuenaxanaxa, qalaq sa ishit da ivida'a da 'auaÿajnaxanaxanec cam 'adÿa mayi 'anauochaxaua.

Nuevo Testamento Toba Sombrero Negro

³ Qom alecochiyalo ga'me 'uo da'me louenaĝanaĝa'j, ena'te a'uaqataĝanem ga'me mate mane'e yataqachiñe anaigaĝaua.

Mateo 6:3 Referans Kwoze

Juan 7:4

Cha'aye ca shiỹaxaua da nshetaique da qaỹauatton, nache saishet da nqañoxottañi da huo'o ca ỹo'ot. Qaq 'am, no'on da 'auachaxana 'enauac na shiỹaxauapi nam 'auo'otpi.

Mateo 9:30

Huaña nache se'esoua qanamaiqa ỹe'eguelaxa da qaltaq nauaayiñi. Nache So Jesús 'enapegalo soomaye, 'eeta': –Saishet qome da huo'o ca qaua'aqtaxañim de'era.

Marcos 1:44

–Saishet qome da huo'o ca 'aua'aqtaxanem da 'am qaỹo'otec. Nachaqrato' da qojec, nache 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, da yaqto' 'am imeten. Ime, nache 'aỹa'aneuo qome ca 'arachetaqtaxanaxat maye damaxasoxoolec co'ollaxa so Moisés da ỹan cam mashe no'oita, yaqto' 'enauac da qaỹaỹaten da mashe 'am no'oita.

Mateo 12:19

Namaye saishet da huo'o ca ncotatague', qataq saishet da ỹa'alaqtai', ¡qataq saishet da qaỹa'aqtega ca la'aqtac da huangui na nqa'aicpi!

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Mateo 6:4

Yaqto' de'era ltaunaxanaxac saishet da qaỹaỹaten, qaq Ñim Lo'onatac 'Enauacna maye Nta'a, Ñim ỹaỹaten de'era saqcha'a, Ñimaye ỹauo'o ca nsheetenaguec.