Mateo 6:25 - La'aqtaqa Ñim Lo'onatac 'Enauacna 2013

²⁵ Qaq ỹoqo'oye nagui qami' shenapegalo da saishet qome da nachaqrata da qauennacheetega cam qolliqui qataq cam qanỹomiigui, qataq cam qorogoxoche maye qaviñiitac. Cha'aye, ¿qaỹo'ot peta'a da achaalataxac da yaqto' nachaqrata da lquia'axac? Qataq ¿qaỹo'ot peta'a da no'ocỹaxac da nachaqrata da qano'otaxanaxaatac?

Nuevo Testamento Toba Sur

²⁵ Qaq ÿoqo'oyi nagui qami' shinapegalo da sa ishit qome da qami' ÿaquicoqchitta'pe cam qolliqui qataq cam qanÿomiigui mayi qaviñiitac, qataq cam qodogoxochi. Cha'ayi da achaalataxac sa ishit da 'eeta'am cam qanallic, qataq da n'oquiaxac sa ishit da 'eeta'am cam nogoxot.

Nuevo Testamento Toba Sombrero Negro

²⁵ “Chane'eja, ami ja'aĝatema: ena'te diyachitapiyelo naa'me adai'lidi' qa'a jouaĝat da'me at'oyaĝaqui qom qaya'te aualiqui, uotaĝa ga'me aniyomiyigui uotaĝa ga'me adeuodi'. Qa'a da'me qat'oyaĝac, ¿qo'li ja napacalegue ga'me qoyalic? Nataq'aen da'me qanejiyaĝauayaĝac, ¿qo'li ja napacalegue ga'me qoyaiñe?

Mateo 6:25 Referans Kwoze

Filipenses 4:6

Qataq saishet da huo'o ca qami' ỹaquicoqchetta'ape, nacherata da ỹataqta qaua'aqtaxañiitem Ñim Lo'onatac 'Enauacna da ivita da qanqouagaxauñiitacot. Qauỹaxañiỹot Ñimaye cam qaviñiitaique, qataq nataqa'en qaỹa'añiitacot da qana'achecỹaxaqui.

1 Pedro 5:7

Qaq ỹoqo'oye 'enauac na qauennacheetapega ỹataqta qaumachiỹo'ot Ñim Lo'onatac 'Enauacna, cha'aye Ñimaye qami' ilotegueto.

Romanos 8:32

Cha'aye Ñimaye qomi' ỹanema so lalamaxat Llalec co'ollaxa. Qaq da qomi' ỹanema So Llalec, nache nataqa'en qomi' ỹanema 'enauacna.

Salmos 55:22

'Aupa'axano'ot qome Ñim Nataxala' 'enauac na 'auennatapegapi, nache Ñimaye ỹataqta 'am lasoqchiguiñi qome, cha'aye Ñimaye saishet da huañi naqa'en ca no'on da lataxac.

Mateo 6:31

Qaq ỹoqo'oye saishet qome da nachaqrata da qauennacheetega ca qolliqui, qataq cam qanỹomiigui huo'otaq ca qorogoxoche maye qaviñiitac.

Marcos 4:19

qalaxaye saishet da hua'aqta'a damaye da naralaxat da nachaalataxac. Nachaqrata da iuennatega nam yo'oqchigui lhuenaxanaxa, da qanauec aca anom, qataq da 'eetec da iqopitaxaatac da nachaalataxac.

Mateo 10:19

Qom ivita da qami' qoỹaneua'alo ne'ena nta'alpi, nache saishet da leetapigui ye qarvilli souaxat da sa qauaỹachiñi cam 'eetec cam qartaxaỹaxaqui, cha'aye Ñim Lo'onatac 'Enauacna qami' ỹanema cam qartaxaỹaxaqui.

1 Corintios 7:32

Ñeshetaique da ỹataqta qami' huesochiyiñi, qaica ca qami' nqanaxa't. Ca ỹale da ñaq lamaxaic, nache no'on da npogoxoinapegue' da ỹo'ot na lo'onataxanaxacpi Ñim Nataxala', cha'aye huotaique da ỹaỹamaxareeta Ñimaye;

Mateo 6:34

Qaq ỹoqo'oye saishet qome da leetapigui ye qarvilli cam huaigui ca lỹa na'a'q. Cha'aye ca lỹa na'a'q huo'o ca maiche lalamaxat da huaigui. Qauennachiỹa'a da mashe qalota na seviraxaguet lqalaicpi ye 'oonolec na'a'q.

2 Timoteo 2:4

Cha'aye ca ale da qaỹamaqtac, saishet da maiche ncoñera'aguet ca maiche lo'onataxanaxac, cha'aye mashe huetañot da lamaxasoxonaxac so huataxanaq lta'a.

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.

Mateo 13:22

Nataqa'en huo'o aso nañiguishe ala maye tatelec so lañaxataqa' ana ỹaxat. Qaq asa'aso nañiguishe ala naigui nam shiỹaxauapi maye na'axaỹaxaatega da na'aqtac, qalaxaye saishet da naralaxat da lataxac. Nachaqrata da iuennatega nam lhuenaxanaxapi qataq cam 'eetec da yaqto' ivira'a da sallaxanec.

Lucas 12:11

Qaq qom ivita da qami' qaỹauegueua'alo ana napaxaguenaxaquipi na judiopi huo'otaq nam nmit na nasouaxashetpi qataq nam nataxala'pi da qami' qanmi't, nache saishet qome da tatapigui qarvilli cam qarasataxaqui qataq cam qoñiitec da qauataiỹa'aguet namayepi.

Marcos 13:11

Qaq qom ivita da qami' qoỹaneua'alo na lta'alpi na shiỹaxauapi da qami' nmi't, nache saishet qome da leetapigui ye qarvilỹaxaqui da qoñiitega sa qauaỹachiñi ca qartaxaỹaxaqui. Cha'aye Ñim Lo'onatac 'Enauacna qami' ỹanema qome ca qara'aqtaqui, saishet da nache qami' da qautaqai, cha'aye nacheso So Saqcha'a Na'añaxac Qui'itta so qami' detaqleguete.

Jeremías 45:5

Qaq 'am saishet qome da 'anmittaique ca lta'araic 'araỹamaxa, cha'aye Aỹem ñanacot qome cam qauem da talec 'enauac nam shiỹaxauapi. Qalaxaye 'am so'otec qome da nache 'anca'altauec maicheye cam 'aigue. Qaq da 'anachaalataxac nachera dam 'arhuotaxanaxat maye chegaqaigui ca alaataxac. Qaq 'era da ỹa'aqtac Aỹem Nataxala'.›»