Mateo 6:21 - La'aqtaqa Ñim Lo'onatac 'Enauacna 2013

²¹ Cha'aye qami' cam hueta'ague ca qarsallaqai, nache nataqa'en hueta'ague da qarhuennataxaqui.

Nuevo Testamento Toba Sur

²¹ Cha'ayi qami' cam hueta'ague ca qadsallaqai, nachi nataq'en hueta'ague da qadquiyaqteÿaxaqui.

Nuevo Testamento Toba Sombrero Negro

²¹ Qa'a ga'me ue'ta da'me adeuoyaĝac, nach'e ena'am ue'ta na'me adauel.

Mateo 6:21 Referans Kwoze

2 Corintios 4:18

Qaq ỹoqo'oye saishet da seloqtagui cam yo'oqchigui. Nachaqcata ca saqcha'a. Cha'aye cam yo'oqchigui, qalaq saishet da 'eetai', qaq cam saqcha'a, camaye qaica ca loga't.

Lucas 12:34

Qauennachiỹa'a qome de'era. Da qami' nache 'eetai' da tatapigui ye qarvilli cam hueta'ague da qarsallaqai.

Proverbios 4:23

Qataq ỹataqta 'antela'a da 'antoonaxac, cha'aye damaye qaica ca lỹa 'eeta'am, damaye nache chegaqaigui da achaalataxac.

Isaías 33:6

Ñimaye nacheñi ñim npaxattalec 'enauaque naua na'axa'tesa'ache. Da naỹaanec qataq da nauattonaxanaxac nachera da lsallaxa qataq lca'alaxaqui, qataq da ỹalaxaguet Ñim Nataxala' nachera dam lsallaxa.

Hebreos 3:12

¡Qami' ỹaqaỹa't, maxatchaxa qome! Saishet da qauennacheetega ca qauem qataq saishet da qaỹa'axañiiuec da qanaquitaxaqui, yaqto' saishet da qoquiỹa'ai Ñim Lo'onatac 'Enauacna maye chochaq tatec da nca'altauec.

Jeremías 4:14

'Am Jerusalén, ñaq 'auỹoueeguesop na qauem añi 'arquiyaqte, yaqto' 'anca'alec. ¿Chaq laguio', qaq 'axanec na qauem nhuennataxacpi maye huetaigui na 'arqaic?

Mateo 12:34

Nam qauapaxaguenataxañiitapeguec qami' ỹataqta qauem 'eeta'am na lshenataxanaxa na na'araxanaq. ¡Aja' ỹoqta 'eesa! Cha'aye ¿ta'ainco' taxa da qanasaqaiuec ca ỹaỹamaqchiguiñi ye qami' qauemaiqa? Cha'aye da huo'o ca no'on da lataxac, nache nataqa'en 'onaxaiqa naua la'aqtaqa, qataq ca qauemaic, nache nataqa'en ipacchigui da qauema naua la'aqtaqa.

Hechos 8:21

'Am saishet da 'ategueua'alo qomi' qataq saq 'am qoỹami' de'era no'onataxanaxac, cha'aye da 'arquiyaqteỹaxac saishet da ỹataqtelec da quegue Ñim Lo'onatac 'Enauacna.

Jeremías 22:17

Qalaxaye 'am nacherata da 'anmitta'a da nauegaxanaxac maye chegaqaigui da ncachaxac, qataq 'aualauat nam qaica ca ỹasouaxat, qataq qaica ca ldaqa' 'anqa'en, qataq 'anhuo' na 'aralamaxat 'arhuo' le'ecpi.»

Filemón 1:3

Ỹataqta lta'araic da qaryaxa da qauacoñiiguet da nqouagaxanaqtaic qataq da nlagaxayec maye chegoqo'ot Ñim Qarta'a maye Lo'onatac 'Enauacna qataq So Qarataxala' Jesucristo.

Filemón 1:19

Qaq aỹem maiche ñima'ai' da shiyiñi de'era ỹa'aqtac da aỹem 'am sesheeten qome, na'aictaxa da 'amctaxa maye 'ausheeten aỹem, lamaxa da tachigui ye 'arhuel da aỹem hueto'ot añi 'aravigaxaiste.

Mateo 6:22

Ca shiỹaxaua huesota da lataxac, camaye nache 'eetai' da chetaqtaxanaxaic, qaq ỹoqo'oye camaye no'on da llecỹaxac qataq 'eeta'am da huetaigui na yo'oqchiguiñi. Qalaxaye ca shiỹaxaua da shemataqaic qataq quiỹaxanaqtaqaic, nache camaye, nache 'eetai' da qauem da tata'ague; 'eeta'am da huetaigui ca ỹataqta napalñi.