Mateo 6:19 - La'aqtaqa Ñim Lo'onatac 'Enauacna 2013

¹⁹ Saishet qome da qalapoñiitasheguem da qarsallaqai ana 'alhua, cha'aye damaye ishet da deqat qataq ilaxachigui na lalaxat, qataq nataqa'en na cachaxaicpi ishet da decachiỹa.

Nuevo Testamento Toba Sur

¹⁹ Sa ishit qome da ÿapacteec qalota da qadsallaqai qanqashiñi ana 'alhua, nam huaña da ishit da chic ca lalaxat, huo'otaq da chochi ltotañi ca camachaqca nogoxoshit, qataq ishit da decachiÿa ca cachaxaic.

Nuevo Testamento Toba Sombrero Negro

¹⁹ “Ena'te auauoyi adaponequi ga'me adeuoyaĝaqui 'me uetalegue jena'me aleua, qa'a ua'a ga'me potoĝolo da'me yolaĝa't gaa'me uo'oe qama'le ne'uela'ajalo, nataq'aen gaa'me cachaĝayaqa yenoĝodeuo nale qama'le decachita.

Mateo 6:19 Referans Kwoze

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Lucas 12:21

Qaq 'era qome da 'eetec cam shiỹaxaua da maiche logosheguem naqa'en da lsallaxa, qalaxaye Ñim Lo'onatac 'Enauacna ỹaỹaten camaye da ỹataqta choxoraq.»

Proverbios 16:16

Ỹoqta ỹactec da 'onaxaic da qaỹaconeguet da naỹaanec, qaq saq 'ena'am ca oro, qataq da nauattonaxanaxac, napacalec na lcat plata.

Proverbios 11:4

Da nsallaxa qaica ca naigui da ivita ca na'a'q da qanmit 'enauacna, qalaxaye ca ỹaỹamaqchiguiñi lataxac nca'alaxateeguesop da l-leuaxa ca shiỹaxaua.

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Sofonías 1:18

Que'eca na'a'q maye huaigui ca layeloxo Ñim Nataxala', nache na shiỹaxauapi saishet qome da deca'alligui ana alom plata, huo'otaq ana oro, cha'aye na le'eraxa da lalemataic Ñim Nataxala' ỹavigaxatta qome 'enauac ne'ena 'alhua. ¡Nache nque'elaxatta qome da 'enauac na netalec ana 'alhua qailaxachigui!

Lucas 18:24

Nache So Jesús co'ollaq ila'a somaye da ỹataqta daquicota, nache 'enapeco': –¡Ỹataqta huo'o da lta'araic lqalaic nam hueto'ot da nsallaxa da inoxoneua'a dam lo'onataxanaxac Ñim Lo'onatac 'Enauacna!

Salmos 62:10

Saishet qome da qaupi'iitega da loquiaxac, saishet da qaỹa'agaqñiỹauec da ncachaxac, da ivita da nquictasheguem da qarsallaqai, qalaq saishet da qaumachiỹalec da qarquiyaqteỹaxaqui damaye.

Salmos 39:6

'Enauac na shiỹaxauapi da jec qalaq 'eeta'am na lpaqal. Qaica ca naigui da lapoosheguem da lsallaxa, cha'aye sa ỹaỹaten chaq negue't ca no'ona'aguet qome damaye.

Mateo 19:21

Nache So Jesús 'enapeco': –Da 'anshetaique da ỹataqta nalochiguiñi da 'arataxac, qaq no'on da qojec, nache 'aumen 'enauac na 'am hueto'ot, qaq aca lasheue nache 'aỹa'anem na choxoraqpi, yaqto' Ñim Lo'onatac 'Enauacna maye imattalecna 'am ỹami' ca 'araueguec. Qaq da ime, nache 'auanac da Aỹem 'auca'ategue.

Da na'aqtaguec so Job 31:24

Ỹoqo'oye saishet da huetalec da ñaquitaxac ana oro, qataq saishet da sepe'etega anamaye.

Eclesiastés 2:26

Cha'aye Ñim Lo'onatac 'Enauacna, ỹanem da laỹaanec, qataq da lauattonaxanaxac, qataq da lamaicỹaxac cam taalec da ỹaỹamaxareeta Ñimaye, qalaxaye cam 'etaxaloxoic, qalaq ỹanem da lo'onataxanaxac da lapootac qataq nquictasheguem da lsallaxa, da yaqto' ime, nache ỹanem cam taalec da ỹaỹamaxareeta Ñimaye. ¡Qaq damaye nataqa'en qaica ca naigui, 'eeta'am da 'eetec da huotaique da qanllañi na la'at!

Éxodo 22:2

Qaq da huo'o ca cachaxaic da qaỹauanalec da decachetac, qaq da qaique'emaqchet, nache da huo'otaq ileu, qaq que'eca deque'emaqtaxan saishet da lasouaxashet da l-leuaxa camaye.

Da na'aqtaguec so Job 24:16

Qaq na cachaxaic qalaq taigui na nỹec ye pe. Qaq ye na'a'q qalaq 'enauac namayepi napotala't, ỹataqta saisheteguet na yo'oqchiguiñi.

Mateo 6:20

Nachaqrato' da qauloxonaxañiichigui da qanachaalataxaqui dam nsallaxa maye ỹoqta 'eesa, maye hueta'a cam netaña Ñim Lo'onatac 'Enauacna, qataq ỹoqta 'itchiguiñi da qami' ỹaỹamaxaayiñi. Dam saishet da deqat qataq saishet da ilaxachigui na lalaxat. Nataqa'en na cachaxaicpi saishet da decachiỹa.

Lucas 12:39

Ca lalamaxat ca nỹec da huo'otaq ỹaỹaten ca laloxoqui da nvi' ca cachaxaic, nache camaye iuataique da yaqto' saishet da ỹashenem da taigui ca lma'.