Mateo 6:16 - La'aqtaqa Ñim Lo'onatac 'Enauacna 2013

¹⁶ Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Nuevo Testamento Toba Sur

¹⁶ Qaq da ivita da qami' qanqouaqchichi, qalaq sa ishit qome da yi'oqta da daquico da qadashiguiÿaxaqui, da qoñiita'am nam shiÿaxauapi mayi chochi nachaxaata. Cha'ayi namayipi 'eetec de'eda, cha'ayi nshitaique da qaÿaÿaten da nqouaqchitta. Qaq aÿim qami' shinapegalo da namayipi sogote huo'o da nshiitenaguec.

Nuevo Testamento Toba Sombrero Negro

¹⁶ “Qom anoqouaqachela't, qama'le ena'te lichiguilo naa'me adai'lidi', qaedi ja aueñiya'ama gaa'me ja yataĝalo'te jo'ne enetapela'ajalo totelo'te nale qaedi ga'me jiyaĝadipi yauanalo queda'me noqouaqatela'ajalo jogaa'me. Ami jayatenaĝaneque queda'me joote 'uo ga'me lajo'vi'y.

Mateo 6:16 Referans Kwoze

Nehemías 1:4

Qaq can sa'aqchigui de'era nache ñeso'ooñi da ñeỹen, nache huo'oi soua na'axa'te da huo'o da ỹaquicoxo qataq ñeqouaqchet, qataq ñatameetacot Ñim Lo'onatac 'Enauacna maye ilotague' na piguem.

Daniel 9:3

Qaq huaña, nache ñatamen da ñachoxonnot Ñim Nataxala' maye Ñatamnaxala', qataq ñeqouaqchet qataq saayiñi soua sansatte' anogo, qataq ñeso'ongui so alo.

Lucas 18:12

Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Marcos 2:18

Qaq huo'o so na'a'q da nqouaqchet nam quetague' so Juan qataq nam quetague' na fariseopi. Nache huo'o so naỹa So Jesús, nache inattac, 'eeta': –¿Ta'ainco' naua 'arapaxaguenataqa ye saishet da nqouaqche't? Ye nam lapaxaguenatacpi so Juan qataq nam lapaxaguenatacpi na fariseopi ỹo'ottac de'era.

Salmos 69:10

Da ivita da ñeỹeetac qataq da ñeqouaqchet, nache namayepi aỹem isheueetac.

Salmos 35:13

Qaq naxa da sano'on namayepi qalaq lta'araic da iuogoxo souaxat namayepi, nache saayiñi naua anogo sansatte' qataq ñeqouaqchet qataq nache shecto'ot da ñatameetapeguelec namayepi.

Hechos 14:23

Qataq 'enauac nam hueta'a na 'amqaanataxanaxaicpi, so Pablo qataq so Bernabé, ỹauo'o na lataxala'pi, yaqto' itauaatac namayepi. Qaq da ime da nqouagaxaunaxa'c qataq da nqouaqchetaxa'c, nache ỹashel-lec somayepi, nache iỹaxaatracot Ñim Lo'onatac 'Enauacna da itaua'n, cha'aye somayepi ỹa'amaqten So Jesús.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

2 Samuel 12:16

Nache so David, ỹataqta nqouagaxaueetacot Ñim Nataxala' souaxat se'eso nogotolec, qataq nqouaqchet, qataq huo'oi soua pe' da nnaata'aguet na 'alhua.

Salmos 109:24

Qataq naua illecte nquictrañi da la'añaxa'c souaxat da qaica ca sachec, qataq na ỹo'oc lapaxagueta naua ipi'ineqa.

1 Reyes 21:27

Qaq so Ajab, co'ollaq hua'aqchigui de'era, nache ncolaxata'aisalo soua alogo, nache ỹaayiñi soua sansatte' alogo, qataq nqouaqchet. Qataq nache ỹaatrañi se'esoua alogo da do'oche, qataq ỹataqta daquicota.

2 Corintios 11:27

Qataq ñeque'etaxangui da ỹo'onataxanaxac qataq da ñaqalaatapigui'. Qataq huo'oi naua pe' da saishet da so'oche. Qataq ñeque'etaxangui na iqouaxa qataq na ỹaquip, qataq souaxat da qaica ca ỹogoxot, nache ñeque'etaxangui na latomaxa.

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

Lucas 2:37

qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

Malaquías 3:14

Qomye qami' qoñeỹapec naxa: Da qaỹo'onataxaatacot Ñim Lo'onatac 'Enauacna, qaica ca naigui. ¿Negue'to' cam sachegoxotaqaigui da so'otaqtac dam lamaxasoxonaxac Ñimaye, da sanaqtrañi naua qarasouaxaqui da sataqto'ot Ñim Nataxala' maye Qaica ca Ỹaqalanapec?

2 Samuel 12:21

Nache so nta'alpi maye ltauapi, inattaco' somaye, 'eeta': ¿Ca 'eetec 'am? Ye co'ollaq ña nca'altauec ye nogotolec, nache ỹataqta 'anqouaqchet qataq 'anỹeetapeguelec, qaq nagui da ileu yemaye nache 'am qoñesheguem qataq 'auque'e.

2 Corintios 6:5

Qataq qomi' qaiuaxaata'ape qataq qomi' qaicoñe't, qomi' qaicogaxaata'ape qataq ỹaguec da qaro'onataxanaxac, ivira'a da saishet da so'ochaq qataq seqouataq.

Hechos 10:30

Nache so Cornelio 'enapeco': –Nagui mashe ivi' naua cuatro na'axa'te da 'eeta'am nagui ye ñichiguiña añi nala' co'ollaq aỹem soota'a na ima', ñeqouaqchettac qataq ñeqouagaxaueetac. Nache aỹem nachaxana so ỹale soua alogo ỹataqta qashelectrapiguiñi da lapagaqa'.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.